فلاشنڤیسار

ئیزدیاتی و کوردیاتی  جێمکن و ناهێنە جوداکرن

نەتەوە نە ب بریار و یاسایا دهێنە دروستکرن و نە ژی ب وان دهێنە ژناڤبرن.

ئەڤ هەولێن دروستکرنا نەتەوەیەکێ ب ناڤێ نەتەوەیا ئێزدی درێژەدانە ب هەولێن شۆفینی یێن رژێما ژناڤویی یا سەدامێ دکتاتۆر کو،  ژ ئالیێ شۆفینیێن عەرەبی و نۆکەرێن وان دهێتە کرن.

 ئیزدیاتی و کوردیاتی  ب درێژاهیا دیرۆکێ جێمکن و ژێک ناهێنە جوداکرن.

ژ بلی عەرەبان، حزب و لایەنێن ب ناڤ کورد ژی دناڤ ڤێ یارییا قرێژ دا هەنە.  مەرەما عەرەبا ڤەقەتاندنا پشکەکا رەسەنە ژ کورد و کوردستانێ و مەرەما وان حزبێن ب ناڤ کورد ژی ڤەقەتاندنا ئێزدیایە ژ پارتی و رێبازا بارزانی. ژ بۆ وان حزبێن ب ناڤ کورد نەخەمە پشکەک ژ گەل و ئاخا کوردستانێ ژدەست بدەین ئەگەر پارتی ب وێ چەندێ لاواز و کێم هێز ببت.

نۆرمالە ئێزدی هەبن و هەستێ ئینتمائێ بۆ نەتەوا خوە نەبن، ئەوێ خوە ب عەرەب بزانت یان ترک بزانت یان هەر نەتەویەک دی بلا ئازاد بن، لێ بەلێ بهێن و ئێزدیاتیێ بکەنە نەتەوەیەک کو ل درێژاهیا دیرۆکێ ئیزدیاتی ئاین بویە  و ب بریار و یاسایێن نەیاران و ب پشتەڤانیا نۆکەران ئێزدیاتێ بکەنە نەتەوە و زمانێ شرینێ کوردی ژی  بکەنە ئێزدیکی ئەڤە تاوانەکە د دەرحەقێ ئێزدیا و ئێزدیاتیێ دا د هێتە کرن  و شێواندنا دیرۆکێ یە.

کوردستان وەلاتەکێ مەزنە و کوردستانی ژ ٤٥ ملیۆنان پترن و ئێزدی د ناڤ وان د نە پترن ژ ملیۆنەکێ و بڤەقەتاندنا ئێزدیا ژ کورد و کوردستانی ب تنێ و ب تنێ خۆلیسەریا ئێزدیایە.

فەرەج میرزا
Back to top button