حكومەتا کوردستانێ دڤێ سیاسه‌تا خوه ده‌ربارێ پەكەكێ دا بگوهه‌رینه؛ ب شه‌رمه‌زارکرنێ نکاره وه‌لات و هه‌موه‌لاتیێن خوه بپارێزه.…
ئیبراهیم گوچلو
پەکەکێ، د ڤان ڕۆژێن داوی دا ل باشوورێ کوردستانێ دیسا ده‌ست ب ئێریشان کر. د دو ڕۆژێن جوودا دا 6 پێشمه‌رگە شەھید و ۷ پێشمه‌رگە ژی بریندار کر، 2 پێشمه‌رگه ژی ڕه‌ڤاندن. جھێ وان دیاره. لێ پێشمه‌رگە نایێن به‌ردان. به‌رپرسیارێن پەکەکێ ژ مالباتا پێشمه‌رگه‌یان ڕا گۆتیه: “ئه‌م دێ لێكۆلینێ و دگەل وان بکن، وان زیندانی بكن و پشت ڕا بگەهیژن ئەنجامەكێ.” یانی گه‌له‌ک ئاشکه‌ره یه کو پەكەكە وه‌ک هه‌ر ده‌مێ کوردستانیان دره‌ڤینه، حه‌پس دکه، ئێشکه‌نجه دکه و دکوژه. گوندیان دره‌ڤینه و زارۆکێن گوندیان دره‌ڤینه دکه له‌شکه‌ر، ئان ب ده‌ستێ ده‌وله‌تێ ئه‌و تێن کوشتن، ئان ژی پەكەكێ وان تەسفیە دکه و دکووژه.
پەكەكێ گوند و باژار داگیرکرنه. ناهێلە کو گوندی چاندنیێ بکه. ژ گوندیان خه‌راجێ دگره. ده‌ما خوه‌ست گوندیان ژ گوند ده‌ردخه. د ناڤ گوندیان دا پلانێن خوه یێن قرێژ دمه‌شینه. گوندیان ل حكومەتا کوردستانێ بکه دژمن، په‌روه‌رده‌یێ دکه، ب زۆرێ و ب ترسێ و ب ته‌رۆرێ گوندیان دکه دژمنێ ده‌وله‌تا فه‌ده‌ره یا کوردستانێ.
پەكەكە ده‌ستهلاتداری و نیزام و یاسا و سه‌روه‌ریا کوردستانێ ناس ناکه. پارتیێن سیاسی و ده‌ستهلاتداری ڕه‌وا نا‌په‌ژرینه. ل گه‌له‌ک جیھان ژی سه‌روه‌ری و ده‌ستهلاتداریا خوە ئاڤا کریه. تشته‌کی گه‌له‌ک خه‌ریبه کو د کوشتنا 5 پێشمه‌رگه‌یان دا دیار کر کو “مافێ پێشمه‌رگه‌یان نینه کو بچن هه‌رێما ئه‌و لێ ده‌ستهلاتدار و سه‌روه‌رن، وان ئه‌ڤ قه‌بوول نه‌کر، لۆما ژی مه ئه‌و پێشمه‌رگه‌یان کووشتن”.
ده‌ما کو ڕه‌وشا پەكەكێ ل باشوورێ کوردستانێ بێ شرۆڤه کرن، گه‌له‌ک ئاشکه‌ره تێ دیتن کو ته‌هدید و ته‌هلیکه‌یا پەكەكێ ل سەر حكومەتا کوردستانێ هه‌یه. پەكەكە هاتیه وێ مه‌رحه‌له‌یێ کو ئێدی ژ گه‌ل ڕا دبێژه کو ل هه‌مبه‌ری ده‌ستهلاتداری و حكومەتا کوردستانێ سه‌رهلدانێ بکن.
سیاسه‌تا ده‌ستهلاتداری و حكومەتا کوردستانێ ده‌ربارێ پەكەكێ دا شاشه دڤێ بێ گوهه‌رتن…
ئه‌ڤ ستاتویا پەكەكێ ل باشوورێ کوردستانێ د چه‌ند سالێن داوی دا چێنه‌بوو. وه‌ک تێ زانین ئێریشکاریا پەكەكێ پشتی شه‌رێ ئێكێ یێ که‌نداڤێ ده‌ست پێ کر. پەكەكێ ب هه‌ولدان و ب پشتگریا چار ده‌وله‌تێن کۆلۆنیالیست (ده‌وله‌تا ترک، ئیران، ئراقێ، سوورییه‌یێ) ل هه‌مبه‌ری هه‌رێما ئازاد یا کوردستانێ شه‌ر کر. پەكەكێ چه‌ند جاران ل هه‌مبه‌ری پەدەكێ، ل هه‌مبه‌ری یەنەکێ، ل هه‌مبه‌ری هه‌ردویان شه‌ر كر. ب هه‌زاران پێشمه‌رگه و هه‌موه‌لاتیێن کوردستانێ هاتن کوشتن.
پەكەك ژ سالا 1991ێ و ڤر ڤه ده‌ست پێ کر ل هه‌رێما ئازاد یا کوردستانێ جھوار ببه. پشتی ده‌مه‌کێ ژی گوند و هه‌رێمێن د بن کۆنترۆل و ده‌ستهلاتداریا ڕه‌ژیما بەعسێ-سه‌ددام دا بوون، ده‌وله‌تا ئیراقێ دا پەكەكێ.
خه‌ته‌ریا پەكەكێ د ناڤ 30 سالان دا مه‌زن بوو گەھا قۆناغەك گرنگ.
هیچ شک نینە کو د ئاڤابوونا خه‌ته‌ری و ته‌هلیکه‌یا پەكەكێ دا سیاسه‌تا ده‌ستهلاتداری و حکومه‌ت و پارتیێن سیاسی یێن کوردستانێ ئه‌ساس و بنگه‌هه.
ده‌ستهلاتداری و حكومەتا کوردستانێ د قۆناغا ده‌وله‌تا فه‌ده‌رال یا ئیراقێ و ده‌وله‌تا فه‌ده‌ره یا کوردستانێ دا ژی سیاسه‌ت و ستراته‌ژیه‌کا شاش مه‌شاند. پەکەکە وه‌ک ڕێخستنه‌کا کوردستانێ په‌ژراندن و كاره‌کته‌را پەکەکێ یا ته‌رۆریستی و داگیرکه‌ری و بیانی و تاشه‌رۆنی نه‌دیتن و قه‌بوول نه‌کرن.
ده‌ستهلاتداری و حكومەتا کوردستانێ ل هه‌مبه‌ری پەكەكێ وه‌ک ده‌وله‌ته‌کێ ته‌ڤنه‌گه‌ریا. هه‌موه‌لاتێن خوه و هێژایی و قه‌زه‌نجێ نه‌ته‌وه‌یا کورد ل هه‌مبه‌ری پەكەكێ نه‌پاراستن. پەكەكێ هه‌ر ده‌مێ پششێ پشێ کرن. ل هه‌مبه‌ری خرابی و ئێریشێن پەكەكێ سیاسه‌تا شه‌رمازارکرنێ مه‌شاندن. ئه‌و سیاسه‌ت گه‌له‌ک ئاشکه‌ره بوو کو سیاسه‌ته‌کا شاش و بێمه‌سئوولیه‌ت و نه‌ده‌وله‌تی و زرارداینا وه‌لێت و هه‌موه‌لاتیانه.
دڤێ ده‌سته̇لاتداری و حكومەتا کورد̇ستانێ ب واته‌یا ستراته‌ژیک سیاسه‌تا خوه ده‌ربارێ پەکەکێ دا بگوهه‌ره. وه‌ک ده‌وله‌ته‌کێ وه‌لات و هه‌موه‌لاتیێن خوه بپارێزه..
ده‌ستهلاتداریه‌ک و حکومه‌ته‌ک، وه‌لاتێ خوه، هه‌موه‌لاتیێن خوه، سه‌روه‌ریا خوه، په‌رگه‌لا خوه یا جڤاکی و سیاسی، دڤێ ب هه‌ر ئاوایی بپارێزه. ئه‌و که‌س و هێز و ده‌وله‌تێن زه‌رار ددن وه‌لات و هه‌موه‌لاتیێن وان، وان تاسفیه بکن، ئان ژی بگرن دارزینن و جزا بکن.
حکومه‌ت، ده‌زگه‌هێن ئه‌وله‌كاری یێن ده‌وله‌تا فه‌ده‌ره یا کوردستانێ د ڤان ڕۆژێن داوی دا ده‌ما کو پێشمه‌رگێ ژ ئالیێ پەكەكێ دا هاتن کوشتن و شەهید کرن،سیاسه‌تا شه‌رمازارکرنێ مه‌شاندن. پەكەكێ به‌رێ ژی ده‌ما پێشمه‌رگە کوشتن، هه‌موه‌لاتی و زارۆکێن گوندیان ڕه‌ڤاندن هه‌مان سیاسه‌ت هات مه‌شاندن. هێشتا ژی دمه‌شینن. ئه‌ڤ سیاسه‌ت ژی باوه‌ڕیا خه‌لکێ دشکینه. خه‌لکێ بێباوه‌ری دکه.
ده‌وله‌تبوون و ده‌ستهلاداری و سه‌روه‌ریێ دئینە هۆلا مناقه‌شه‌یێ.
ئه‌ڤ هه‌لوه‌ستا ده‌ستهلاتداری و حكومەتا کوردستانێ ژ هشمه‌ندی و سیاسه‌ت و ستراته‌ژیا وان یا شاش دقه‌ومه. هه‌تا ئیرۆ ژی دۆماند. ڤێ سیاسه‌تێ، خه‌ته‌ری و ته‌هلووکه‌یا پەكەكێ مه‌زنتر کر. دڤێ کو ئه‌و هشمه‌ندی و سیاسه‌ت و ستراته‌ژیا حكومەتا کوردستانێ بێ گوهه‌رتن.
دڤێ حكومەتا کوردستانێ، پەکەکێ ب له‌زووبه‌ز وه‌ک ڕێخستنه‌کا نه‌کورد، کورددژمن، ته‌رۆریست، داگیرکه‌ر، بیانی، نه یاسایی بدە ناس كرن. وه‌ک ده‌وله‌ت ژی چ پێویست به وێ بکه…
ژ بۆنا کو سیاسه‌تا ڕاست ژ بۆنا به‌رژه‌وه‌ندیا وه‌لێت و هه‌موه‌لاتیێن کوردستانێ بێ مه‌شاندن:
1- دڤێ پەكەكە وه‌ک ڕێخستنه‌کا نه کورد و کوردستتانی بێ ئیعلان کرن،
2- دڤێ پەكەكە، دژمنێ کوردان و ده‌وله‌تا فه‌ده‌ره یا کوردستانێ بێ ئیعلان کرن. ژ بەر كو پەكەكە دخوازه کو ده‌وله‌تا فه‌ده‌ره یا کوردستانێ تێک ببه. پەكەكە ژ بۆنا کو ئه‌ڤ پلانا خوه یا قرێژ بخه ژیانێ ب ده‌وله‌تێن کۆلۆنیالیست ڕا هه‌ڤکاری و تاشه‌رۆنی دکه.
3- دڤێ پەكەكە، وه‌ک ڕێخستنه‌کا نه یاسایی بێ ئیعلان کرن. ژ بەر كو نە ڕێخستنه‌کا ئیراقا فه‌ده‌رال و ده‌وله‌تا فه‌ده‌ره یا کوردستانێ یه. ژ ده‌رڤه‌یی یاسایێن وان، ب ده‌ستێن ده‌وله‌تێن کۆلۆنیالیست هاتیه ئاڤا کرن.
4- دڤێ پەكەكە وه‌ک ڕێخستنه‌کا ته‌رۆریست بێ ئیعلان کرن
5- دڤێ پەكەكە وه‌ک ڕێخستنه‌کا داگیرکه‌ر بێ ئیعلان کرن،
6- دڤێ پەكەكە وه‌ک ڕێخسته‌نه‌کا بیانی بێ ئیعلان کرن
7- دڤێ باش بێ زانین کو ل هۆلێ شه‌ره‌کی براکووژی نینە
وێ ده‌مێ هه‌لوه‌ست ل هه‌مبه‌ری پەكەكێ زه‌لالتر دبه. یاسایێن ناڤنه‌ته‌وه‌یی، یاسایێن ده‌وله‌تا فه‌ده‌رال یا ئیراقێ، یاسایێنا ده‌وله‌تا فه‌ده‌ره یا کوردستانێ دێ ل هه‌مبه‌ری پەكەكێ جی ب جی ببه.
وێ ده‌مێ پەكەكە دێ مه‌جبوور به، ئان ژی دێ ھێتە مه‌جبوور کرن کو ژ باشوورێ کوردستانێ ده‌رکه‌ڤه. ده‌ڤ ژ خرابیێن خوه و خرابکرنا ده‌وله‌تا فه‌ده‌ره یا کوردستانێ به‌رده. دێ نکاربه هه‌موه‌لاتیێن کوردستانێ و پێشمه‌رگه و ئه‌له‌مانێ ئه‌وله‌ویێ بکوژه. ده‌ما ده‌رنه‌که‌ت به‌رپرسیار و ئه‌ندامێن پەكەكێ تێن گرتن و تێن زیندانی كرن و جه‌زا کرن. تێن بێچه‌ک کرن.
دیاربه‌کیر، 2021.06.10
