د ڤان ڕۆژێن داوی دا دو بوویهرێن گهلهک گرنگ ههنه كو ب پەكەكێ ڤە گرێدایی نه. دڤێ ئهم ڤابن ههردو بوویهران بێخن رۆژەڤێ و ب زەلالی شرۆڤە بکن. ههلوهستی ل ههمبهری ڤان بوویهران دیار بکن. د دهربارێ ڤان دو بوویهران دا ژی پەكەكێ تاوانبار و شهرمهزار بکن.
ژ بۆنا كو ئەم ب باشی د ڤان ههردو بوویهران، ئان ژی مژاران تێبگەھین، دڤێ ئهم پەكەكێ جارهکه دن ژ نێزک ڤه ناس بکن.
پەكەكە ڕۆژا کو وهک پرۆژهیهکێ ئاڤا بوو و ههتا ئیرۆ، خرابی، شهرفرۆشی، پرۆڤۆکاسیۆنێن خوه ل ههمبهری تهڤگهرا نهتهوهیی یا کوردستانێ، ل ههمبهری دیرۆک و چاندا نهتهوهیا کورد، ل دژی گهلێ کورد، ل دژی ڕێخستنێن کوردستانێ بەردەوام دكە.
خرابی، شهرفرۆشی، پرۆڤۆکاسیۆن، ئێریشێن پەكەكێ د دهستپێکا ئاڤاکرنا وێ دا ل باکورێ کوردستانێ، د قۆناغا دویهمین دا ل باشوورێ کوردستانێ و ڕۆژاڤایێ کوردستانێ، د قۆناغا سهیهمین دا ژی ل ڕۆژههلاتا کوردستانێ دۆماند.
ب تایبهتی ژی پشتی کو ل باشوورێ کوردستانێ کوردان سهروهری ب دەست خست و بوون دهستهلاتدار، مافێن خوه یێن نهتهوهیی ب دەست خستن، ستاتویا فهدهرال ئاڤا بوو، دژمناتی و شهرێ پەكەكێ ل ههمبهر باشورێ کوردستانێ خوورتتر بوو.
د شهرێ پەكەكێ دا، ب ههزاران پێشمهرگه و جوانێن کوردستانێ ژیانا خوە ژ دەست دان.
د ئێریشێن پەكەكێ دا ب ههزاران وهلاتپارێز هاتن کووشتن. پەكەكێ بهس د ناڤ خوه دا 17000 کوردپهروهر کووشتنە.
پەكەكە ل کودەرێ دژمنهکێ کوردان و کوردستانیان و کوردستانێ و نهتهوهیا کورد ههبه، دچه ب وان ڕا تفاقێ دکه و ل سهر ناڤێ وان شهرێ ب وهکالهت دمهشینه.
ل باکوورێ کوردستانێ بوو سهدهما تەسفیه یا تهڤگهرا نهتهوهیی و ڕێخستنێن کوردستانێ.
ل ڕۆژاڤایێ کوردستانێ ژی تێكدانێ دكە، دکتاتۆری ئاڤا کریه، زوولم و زۆرداریێ ل گهلێ مه و ل کوردپهروهران دکه.
د ڤان ڕۆژێن داوی دا بهرپرسیارێن پەكەكێ ب ڕێیا مهدیایا خوه ل دژی پەدەکێ شهرهک دەست پێ كریە. دهرهو و نووچەیێن شاش ل سەر پەدەكێ بەلاڤ دكە. پەكەكە ب ڤاب دهرهو و نووچەیێن خوە یێن شاش، کوردان دکە دژمنێ کوردان. بهرپرسێن پەكەكێ د داخوویانیێن خوه دا دبێژن کو، “پەدەکە د ناڤا خیانهتێ دا یه و شهرێ ل دژی پەدەکێ ئێدی نابه شهرێ براکوژیێ.” ئانكو پەكەكە دبێژە ئێدی دڤێ ب شەری پەدەكە بھێتە ژناڤبرن
د ههمان دهمێ دا گهلهک ئالیگرێن پەكەكێ د مهدیایا جڤاکی دا ب ئاشکهرا ددن خوویاکرن کو دڤێ پەکەکە شەرێ ل دژی تركیێ راوەستینە و دەست ب شەرێ نەھێلانا پەدەكێ بكە. لهورا ژ بۆنا کو ستاتویا فەدەرال یا کوردستانێ ژ هۆلێ ڕاکن، دژمناتیا پەدەكێ دکن.
ئهڤە ستراتهژیا وێ یا ئهوله و دهما ئەو ھاتیە ئاڤاكرن و ھەتا رۆژا ئیرۆ ژی ڤێ ستارتەژیێ ب كریای جیبجی دكە. وهک تێ زانین پەكەكێ د مانیفهستۆیا خوه یا دامهزراندنێ دا، بهریا دهولهتا کۆلۆنیالیست یا ترک، گهلێ کورد و ڕێخستن و پارتیێن کوردستانێ وەك دژمنێن خوە ب ناڤ كرنە. ل گۆر وێ ستراتهژیێ ل ههمبهری ڕێخستن و پارتیێن کوردستانێ شهر کر. ئهو شهرێ وان بهریا سالا 1980ێ ل ههمبهری کوکێ گەھشتە كۆپییكێ. ب سهدان کوردپهروهر هاتن کووشتن.
پەكەكێ زێدهتر ژ بێدهنگیا ڕێخستن و پارتیێن کوردستانێ جسارەت وەرگرت. د ڤێ قۆناغی دا ژی، ژ ڤێ بێدەنگیێ مفا وەردگرە. ڕێخستن و پارتیێن باشورێ کوردستانێ دهنگێن خوه ل ههمبهری شهرفرۆشی و خرابیا پەكەكێ یێن ل ههمبهری پەدەکێ و دهولهتا فهدهرال یا کوردستان، بلند ناکن.
ئهز د وێ باوهریێ دا مه کو گهلهک پارتی و ڕێخستن ژی، ژ بۆنا کو پەدەكە لاواز ببە و دهستهلاتداریێ وهندا بکه، پشتگریا پەكەكێ دکن.
لێ دڤێ باش بھێتە زانین کو راگەھاندنا شەری ل دژی پەدەكێ، ئەە شەر نه بهس ل ههمبهری پەدەکێ یه. ئهڤ شهرێ وان ل دژی سهرخوهبوون و فهدهرالیزما کوردستانێ یه. لۆما ههموو ڕێخستن و پارتیێن باشوورێ کوردستانێ یێن کو ژ فهدهرالیزمێ ڕا خوهدی دهردکهڤن، دڤێ ل دژی پەكەكێ ههلوهستا خوه ڤهکری دیار بکن.
دڤێ باش بھێتە زانیین کو ئارمانج و ستراتهژیا پەكەكێ یا سەرەكی ئەڤەیە. پەكەكە دخوازه کو پێشیا پێڤاژۆیا دهولهتبوونا کوردستانێ بگره و فهدهرالیزمێ ژی تێک ببە
.دڤێ کورد ئیزن نهدن ڤێ خرابیا پەكەكێ
پەكەكێ گوندێن کوردستانێ، مەخموور، شهنگال داگیر کریه. ناهێله کو گوندی چاندنیێ بکن. گوندی و زارۆکێن کوردان درهڤینه. ل گۆر لێکۆلینهکێ پەكەكێ، ژ داعشێ زێدهتر بهس زارۆکێن شهنگالێ ڕهڤاندیه، ئهو کرنه لهشکهر. ئهو دانه کووشتن.
ل ڕۆژاڤایێ کوردستانێ زوولمهکا مهزن دكە. دکتاتۆریا پەکەکێ/پەیەدێ ناهێله کو ڕێخستنێن کوردستانێ خهباتێن خوه یێن سیاسی و ڕێخستنی بمهشینن. ل ور ژی کوردان درهڤینن ئێشکهنجه دکن و دکوژن. سیاسیان دگرن حەپس دکن، ئێشکهنجه دکن و دکوژن.
دڤێ پەكەكە ژ باشوورێ کوردستانێ بێ دهرخ̇ست̇ن و سیستهما وێ ل ڕۆژاڤایێ کوردستانێ بێ ڕووخاندن.…
وهزیفهیا مهزن ل سهر پشتا حکومهتا فهدهرال یا ئیراقێ و حکومهتا ههرێمێ یا کوردستانێ و پەرلەمەنتۆیا کوردستانێ، ڕێخستن و پارتیێن کوردستانێ یه.
پرس و خهتهریا پەكەكێ ل باشورێ کوردستانێ ب داخوویانیان چارهسهر نابه. پەكەكە ل باشوورێ کوردستانێ ڕێخستنهکه بیانی، داگیرکهر، تێكدەر، تهرۆریسته. دڤێ کو ژ کوردستانێ بێ قهوراندن.
ل ڕۆژاڤایێ کوردستانێ ژی سیستهما وان یا فاشیست و تۆتالیتهر بێ ڕووخاندن.
ل گۆر ھندەك نووچەیان 2 كهچ و خورتەك ژ ڕۆژاڤایێ کوردستانێ ژ ژ پەكەكێ ڤەقەتیانە ڕهڤیانە و لێ دیسا حكومەتا ئیراقێ ئە تەسلیمی پەكەكێ كرنە.
ل گۆر ئاگاهداریا ڕۆژنامهیا دارکا مازی:
بهریا دهمهکێ 2 کهچ و جوانهک ژ ڕۆژاڤایێ کوردستانێ ل مەخموورێ ژ پەكەكێ ڕهڤیان و خوه تهسلیمی هێزێن ئاسایشا حکومهتا فهدهرال یا ئیراقێ کرن. ھێزێن ئاسایشا ئیراقێ ڤەكۆلینێ ب وان را دكە دیار دبە كو راستە ئە ژ پەكەكێ ڤەقەتیانە و رەڤیانە. حكومەتا ئیراقێ خوە ئامادە دكر كو وان تەسلیمی مالباتێن وان بكە، لێ بەرپرسەكێ یەنەكێ پێ دزانە و خەبەری ددە پەكەكێ و پەكەك ژی وان ژ ئیراقێ داخواز دكە و ئیراێ ژی وان ھەر دو كەچ و خورتێ كورد تەسلیمی پەكەكێ دكە. .
ئهو دو کهچێن کورد: بارین خهلیل عهلی و نهسرین سهلان شیندین.
جوانێ کورد: مههمهد حهجی ی.
نووها نێ زانین کو ڕهوشا وان کهچ و جیوانێ کورد چ یه؟
ئهز باش دزانم کو ژیانا وان د خهتهریێ دا یه
نووها ئهو د زیندانا پەكەكێ دا ئێشکهنجه دبینن.
دڤێ ههر کوردهک، ڕێخستنێن کوردستانێ، ب تایبهتی ژی حکومهتا دهولهتا فهدهرال یا کوردستانێ ل سهر ڤێ بوویهرا ئهساسی و ژیانی ڕاوهسته.
ههلوهستا حکومهتا ئیراقێ ل دژی یاسایێن ناڤنهتهوهیی و ل دژی یاساییێن فهدهرالی یه.
ههلوهستهکه نه ئینسانی یه.
پەكەكە وان مالباتێن کو ڤهد̇گهر عهفرینێ وەك دژمن حساب دكە. دڤێ ههر کوردهک ژ مالباتێن عهفرینی ڕا خوهدی دهرکهڤن…
پەكەكە دخوازه کو کوردان ژناڤ ببە و کوردستانێ ڤالا بکه. کوردستانێ بکه وهلاتێن کۆلۆنیالیستان.
پەكەكێ گهلهک ئاشکهرا گرێدایی ڤێ ستراتهژیێ عهفرین تهسلیمی دهولهتا ترک کر، پشت ڕا ژی عهفرین ڤالا کر و عهفرینی د كامپێن خوه دا مەحكومێ برسیبوونێ و زوولمێ کر. ل سهر وان دهستهلاتداریهکه فاشیست و تۆتالیتهر چێکر.
نووها ژی مالباتێن عهفرینی ژ بۆنا کو ل گوندێ خوه ئازاد بژین و چاندنیێ بکن و ژیانهکا خوهش دهرباس بکن؛ ژ زوولما پەكەكێ یا فاسیست و تۆتالیتهر خهلاس ببن، ڤهدگهرن عهفرینێ.
پەكەكێ ژ بۆنا كو دهستهلاتداریا خوه یا فاشیست ل سهر عهفرینیان بەردەوام بكە ل دژی ڤەگەرا عەفرینیان دەردكەڤە.
ژ بۆنا ڤێ ڤهگهرا مالباتێن عهفرینێ ژی، ئهنەکەسە و پەدەکە-سوریێ تاوانبار دکه.
ئهز ب خوه د وێ باوهریێ دا مه کو مالباتێن عهفرینێ ب ئیرادهیا خوه ڤهدگهرن گوندێن خوه. مرۆڤ ل سهر ئاخا خوه زۆلمێ بكشینە، ژ کۆچبهری و پهنابهری باشتره. زۆلما بکشینن ژی ژ زۆلما پەكەكێ زێدهتر نابه.
دڤێ ئهفرینی گۆر ئیرادهیا خوه یا ئازاد تهڤبگهرن.
دڤێ ههموو کوردپهروهر ژی، ژ وان ڕا ببن ئالیکار. ل ههمبهری دهرهو و خرابیێن پەكەكێ دهرکهڤن.
ئیبراھیم گوچلۆ
دیاربهکیر
2021.09.05