شەھیدێ بەرخوەدانێ

پشتی ئەنفالێن سالا 1988ێ، سمكۆ ئامێدی، بریار دا بەر ب تركیێ، ئیران و ئیراقێ نەچە و خوە تەسلیمی وان رژێمێن داگیركەرێن كوردستانێ نەكە. وەك پێشمەرگەیەكێ ب ئاخا وەلاتێ خوە ڤە گرێدایی، سۆز و بریار دا د ناڤ جەرگێ دژمن دا بەردەوامیێ ب شۆرەش و بەرخوەدانێ بدە و نیشا رژێما فاشیا بەعس بدە كو دژمن ب ئەنفال و كیمیابارنێ ژی نكارن پێشمەگەی  ژ ئاخا كوردستانێ دوور بكە. لێ ھەزار حەیف و مخابن دەستێ خیانەتێ، دەستێ خوەفرۆش و جاشان گەھشتە جانێ پیرۆزی سمكۆیێ ئامێدی و د رۆژا  1989.04.10 ێ شەھید دبە و دگەھە كاروانێ سەرفەرازێ شەھیدێن رێیا رزگاریا كوردستانێ.

وەكە وەفایەك ژ بۆ شەھید سمكۆ ئامێدی، شەھیدێ بەرخوەدانێ، د سالڤەگەرا شەھیدبوونا وی دا، مالپەرا مە  كورتەژیانامەیا شەھیدی بەلاڤ دكە:

سمکۆ ئامێدی ل سالا 1951ێ ل باژارێ ئامێدیێ، سەر ب پارێزگەھا دھۆكێ ڤە، ژمالباتەكا كوردپەروەر و ھەژار ھاتیە سەر دنیایێ.

خاندنا سەرەتایی ھەتا 6ێ ئامادەیی ل ئامێدیێ خواندیە

سالا 1974ێ پەیمانگەھا مامۆستایان ل باژارێ مووسلێ بدیماھیك ئینایە

 دەما شەھید سمكۆ ل باژارێ مووسلێ خوەندەكارێ پەیمانگەھا ماۆمستایان بوو، تێكەلیێ ب رێخستنێن نھنی یێن پارتیا دەمۆكراتا كوردستانێ  دكە.

د سالا 1977ێ ژبەر چالاكیێن وێ یێن سیاسی ژ ئالیێ سیخۆرێن رژێما بەعس بۆ ھەیامەكی دھێتە زیندانیكرن

پشتی ژ زیندانێ تێ ئازاد كرن ل چەند گوندێن دەڤەرا ئامدیێ مامۆستاییێ دكە و وی ھەر تم دگۆت كو ئەو خوە گەلەك كێفخوەش و سەربلند دبینە كو ل گۆندان زارۆكێن گوندیان و ھەژاران فێری زانستێ دكە و ژ نەخوەشیا نەخوەندەواریێ خلاس دكە.

ژبلی كارێ شەھید سمكۆ وەك ماموستا ل گوندان، د ھەمان دەمێ دە وی رۆلەك مەزن و بەر بچاڤ ھەبوو كو ھزروبیرێن كوردینیێ و نەتەوەپارێزیێ ل ناڤ دل و مەژیێ خەلكێ دەڤەرێ دا بەلاڤ بكە.

د سالا 1981ێ دا دگەھە رێزێن شۆرەشێ و چەكێ پێشمەرگاتیێ ب ملێ خوە ڤە دكە و ب دل و جان ل دژی رێژێما دكتاتۆریا ئیراقێ تێدكۆشە.

شەھید سمكۆ، ژ بە ركو گەلەك یێ ژیر و چالاك و چاڤنەترس بوو، كادرەكێ ژێھاتی و بژارتە بوو، د ناڤ رێزێن شۆرەشێ و پەدەكێ دا گەلە زوو پێشدكەڤە و بەرپرسیاریێن جودا وەردگرە.

دبە ئەندامێ لیژنا ناڤچەیا ئامێدیێ و بەرپرسێ یەكێتیا قۆرابیێن كوردستانێ. 

دبە بەرپرسێ رێكخراوا شەھید زرۆراب (زۆران) ل بارەگایێ لقی یەك ل زێوە شكان.

د سالا 1986ێ دبە بەرپرسێ لیژنا ناڤچەیا گولان یا پارتیا دەمۆكراتا كوردستانێ،

پشتی ئەنفالێن سالا 1988ێ بریار دا بەر ب تركیێ، ئیران و ئیراقێ نەچە و خوە تەسلیمی وان رژێمێن داگیركەرێن كوردستانێ نەكە. وەك پێشمەرگەیەكێ ب ئاخا وەلاتێ خوە ڤە گرێدایی، سۆز و بریار دا د ناڤ جەرگێ دژمن دا بەردەوامیێ ب شۆرەش و بەرخوەدانێ بدە و نیشا رژێما فاشیا بەعس بدە كو ئەو ب ئەنفال و كیمیابارنێ ژی نكارن پێشمەگەی  ژ ئاخا كوردستانێ دوور بكن.

لێ ھەزار حەیف و مخابن دەستێ خیانەتێ، دەستێ خوەفرۆش و جاشان گەھشتە جانێ پیرۆزی سمكۆیێ ئامێدی و د رۆژا  1989.04.10 ێ شەھود دبە دگەلە كاروانێ سەرفەرازێ شەھیدێن رێیا رزگاریا كوردستانێ. 

ژ بەر كو پشتی ئەنفالان و ڤالابوونا دەڤەرێ ژ پێشمەرگە و خەلكێ، سمكۆ ئامێدی بریارا بەرخوەدانێ دا، ئەو ب شەھیدێ بەرخوەدانێ تێ ب ناڤ كرن سلاڤ و گولاڤ ل جانێ شەھیدێ بەرخوەدانێ سمكۆ ئامدی و ھەموو شەھیدێن رێیا رزاگریا كوردستانێ.

2021.04.11

نێرین / شیرۆڤە