سهندیکایا رۆژنامهڤانێن کوردستانێ ل سهر رهوشا رۆژنامهڤانێن پارێزگهها سلێمانیێ هشیاری دا و دبێژه: “ئهگهر رهوش بو ڤی ئاوایی بهردهوام بکه ئهم دێ نهچار بن دەزگەه و رێخستنێن ناڤدهولهتی یێن تایبهت ب مافێ مرۆڤ و ئازادیا رۆژنامهڤانانیێ ل سهر ڤێ رهوشێ هایدار بکن.”
کۆمیتهیا پاراستنا ئازادی و مافێن رۆژنامهڤانان یا سەر ب سهندیکایا رۆژنامەڤانان د داخویانیهکێ دا (٢٠٢٢/١١/٢٦) راگەهاند، “هندهک گلی و پهیوهندیێن رۆژنامهڤانێن پارێزگهها سلێمانیێ ژ کۆمیتێ را هاتنه شاندن کو ئهو رۆژنامهڤان ههست ب وێ یهکێ دکن کو مهترسی ل سهر ژیان و کهساتیا وان ههیه.”
سهندیکایا رۆژنامهڤانێن کوردستانێ دبێژه: “ل پارێزگهها سلێمانیێ ههیامهکه ژ ئالیێ هێزێن ئاسایشا سلێمانیێ ڤه کامپانیهک ترسناک ئا بنپێکرنێن ل دژی رۆژنامهڤانان تێ کرن، کو تێ دا رهڤاندن، گرتن و سهرداگرتنا مالێن رۆژنامهڤانان پێک تێ. وهکه میناک رۆژنامهڤان هشیار عهلی پهیامنێتێ مالپهرێ ووشه کو دهمهک بهرێ شەڤەکێ ژ بۆنا کارهکی رۆژنامهڤانیێ دچه دهرڤه و ژ ئالیێ هێزێن ئهمنی یێن پارێگهها سلێمانیێ ڤه تێ گرتن و بهرزهکرن، هێزێن ەمنێ توورکێ پرتەقالێ دحکحن سەرێ وی و ٢٤ دەمژمێران بێسەروشوێن دکن. پشتره، پشتی دهمهکێ هات بهردان. ژ بلی دهستهبسهرکرنا ههموو ئالاڤێن وی یێن رۆژنامهگهریێ، ل سهر لاشێ وی ژی نیشانێن ئیشکهنجهیێ ههبوون.”
سهندیکایێ گۆت، “بەریا ٤ رۆژان هێزێن ئهولهکاریێ یێن باژارا سلێمانیێ ئاڤێتن سهر مالا رۆژنامهڤان رەوا بورهان کو د خهو ده بوو و ژ مالێ دهرخستنه. هێ ژی چارهنووسا وی وندا یه.”
د ههمان دهمێ دا ل ههرێما کوردستانێ گهلهک بنپێکرنێن دن ل دژی رۆژنامهڤانان هاتنه کرن و ئهڤ ژی مهترسیهکا مهزنه ل سهر پرۆسهیا ئازادیا راگەهاندنێ و رۆژنامهڤانیێ و بنپێکرنا ههموو یاسایێن ناڤخوهیی و ناڤدهولهتی یێن دهربارێ ئازادیا رۆژنامهڤانی و پاراستنا رۆژنامهڤانان. ژ بهر ڤێ یهکێ ژی رۆژنامهڤان دبێژن کو ژیانا وان د مهترسیێ ده یه.”
سهندیکایێ گۆت، “ژ بهر ڤێ یهکێ ئهم وەکو کۆمیتهیا پاراستنا ئازادی و مافێن رۆژنامهڤانان، داخواز دکن کو د زووترین دهم دا داوی ل رهفتارێن ب ڤی رهنگی یێن ل دژی رۆژنامهڤانان بینن، ئهگهر نه، ئهم دێ سازیێن ناڤنهتهوهیی یێن تایبەت ب مافێن مرۆڤان و ئازادیا رۆژنامەگەریێ ئاگاهدار بکن.”
ل سلێمانیێ پلانەک ترسناک ل دژی رۆژنامەڤانان
![](https://sibehi.com/wp-content/uploads/2022/11/rojnemevan.webp)