پەکەکە یەنەکە و پەدەکە

خویایه‌ ته‌ڤگه‌رێن مینا پارتیا كاركەرێن كوردستانێ (پەکەکە) و یەكێتیا نشتمانیا كوردستانێ (یەنەکە) یێن کو تاشه‌رۆنتیا ئیران و وه‌کی دن دکن، چ جارا به‌رژه‌وه‌ندییێن کوردستانێ نافکرن. به‌رژه‌وه‌ندییێن پارتی و ته‌ڤگه‌رێن خوه‌ د سه‌ر هه‌ر تشتی ڕا دگرن. به‌رژه‌وه‌ندییێن کوردستانا مه‌زن و یه‌کگرتنا مڵه‌تێ کورد نه‌ ل بیرا وانه‌، ته‌و ب ڕیا تاشه‌رۆنلیا ئیرانێ دخوازن کوردستانا ئازاد تێک ببن. کۆره‌فاهمی بوونه‌، دۆرپێشکرنا دژمنێن کوردستانێ نابینن یان ژی ناخوازن ببینن. ل هه‌مبه‌ری ڤان دژمنان گرینگییا تفاق، یه‌کزێری و هه‌ڤگرتنا که‌سایه‌ت و پارتییێن کوردستانێ نابینن. و ب تایبه‌ت ژی گرینگییا خه‌بات و ته‌کۆشینا که‌سایه‌ت و سه‌رۆکێن مینا مه‌سعوود بارزانی و نێچیرڤان بارزانی نابینن.

ئه‌ڤ ته‌ڤگه‌رێن کو خوه‌دێگراڤی ل سه‌ر ناڤێ کوردان ده‌رکه‌تنه‌ هۆلێ، تێکبرنا مالباتا بارزانی ژ خوه‌ ڕا وه‌ک ئه‌رکه‌ک سه‌ره‌کی دبینن. تێکبرنا مالباتا بارزانی و پارتیا دەمۆكراتا كوردستانێ (پەدەکە) ژ خوه‌ ڕا کرنا ئارمانج و ب وان خه‌ون و خه‌یالان دژین.

لێ ئەو تشته‌کی ژ بیر دکن. بارزانی و پەدەکە ئیرۆ ل هه‌ر چار پارچه‌یێن کوردستانێ سه‌مبۆلن، سه‌مبۆلێن پیرۆزن و نیشانا کورد، کوردستان و کوردایه‌تییێ نه‌. پارتی و ته‌ڤگه‌رێن مینا پەکەکە و یەنەکە ئێدی نکارن ڤان سه‌مبۆلێن پیرۆز ژ دل و مه‌ژییێ کوردان ده‌رێخن. نه‌ ئه‌و و نه‌ ژی ده‌وله‌تێن کو خزمه‌تا وان دکن. تێکچوونا بارزانی و پەدەکێ تێکچوونا به‌رژه‌وه‌ندییێن کورد و کوردستانێ ب خوه‌ یه‌. تشتێ کو یەنەکە، پەکەکە و ته‌ڤگه‌رێن دن نابینن ئه‌ڤ تشته‌.

نووری چه‌لیک
2020.01.25

نێرین / شیرۆڤە