پەیاما مالپەرا سبەھی

ب هەلكەفتا بیرئانینا 122 سالیا روژنامەگەریا كوردی ب ناڤێ رێداكسیۆنا مالپەرا سبەھی ‌ گەرمترین و جوانترین پیروزباهیان ل تەڤایا روژنامەڤانێن كوردستانێ دكەین و ھێڤیدارین د ئەركێ خوە یێ پیرۆز دا بەردەوام و سەركەتی بن.

رۆژنامەیا كوردستان یەكەم رۆژنامەیا كوردی بوو ل 1898.04.22 ل باژارێ‌ قاهیرە، پایتەختا مسرێ، ژلایێ‌ میرێ رۆژنامەگەریا كوردی، مقداد مەدحەت بەدرخان ڤە ھات وەشاندن كو ب دەستپێكا بزاڤا خەباتا رۆژنامەگەریا كوردی دهێتە هژمارتن.

ب ڤێ ھەلكەفتا پیرۆز، ھەلكەفتا رۆژا رۆژنامەگەریا كوردی، ئەم ھێڤیدارین كو رۆژنامەگەریا كوردستانێ‌ ل گۆر پرنسیپ و یاسایێن رۆژنامەڤانیا هەڤچەرخ كارێ‌ خۆ ئەنجام بدە و رۆژ ب رۆژ د ھەموو واران دا گەش و پێشبكەڤە و وەك دەستهەلاتا چوارێ‌ بكارە رۆلا خوە ببینە و بەرژەوەندیێن گشتی و دۆزا رەوایا نەتەوەیێ كورد بپارێزە.

ھەزار سلاڤ ژ بۆ گۆرا وان رۆژنامەڤانانێن شەھید یێن كو د رۆژگارێن سەخت و دژوارێن شورەش، بەرخوەدان و بندەستیێ‌ دا پەیاما پیروزا مللەتێ‌ خوە گەهاندی رایا گشتی و سەرێ خوە ژ بۆ دژمنان نەچەماندی.
سالیادا رۆژنامەگەریا كوردی ل ھەموو خاندەڤان، رۆژنامەڤان،رەوشەنبیر و نڤیسكارێن ھەڤكاریێ دگەل مالپەرا مە دكن پیرۆز بە و هیڤیا پێشداچوون و سەركەفتنێ‌ بۆ دخازین.

مالپەرا سبەھی د خزمەتا ھەموو رۆژنامەڤان، نڤیسكار و رەوشەنبیرێن ب كورمانجی تیپێن ئارامی دنڤیسن دایە

نسرەت حاجی
بەرپرس و سەرنڤیسكار
www.sibehi.com
2020.04.22

نێرین / شیرۆڤە