ڕۆژا ۰۳.۱۰.۲۰۱۸ سالهک بسهر وهفاتکرنا جهلال تالهبانی سهکرهتهرێ گشتیێ یهکێتیا نشتمانیا کوردستانێ ڕه دهرباس بوو. ب ڤێ ههلکهفتێ هندهک تهلهڤزیۆنێن باشوورێ کوردستانێ بهلگهنامه فیلم ل سهر ژیان و خهباتا جهلال تالهبانی وهشاندن.وان کانالان د بهلگهفیلمێن خوه دا بههسا پرانیا قۆناخێن خهبات و تهکۆشینا جهلال تالهبانی د بزاڤا ڕزگاریخوازا کوردستانێ ده کر، ههر ژ قۆناخا خوهندهکاریێ ههتا دگههه کورسیا سهرۆککۆماریا ئیراقێ.لێ مخابن وان دهزگههێن ڕاگههاندنێ یێن یهکسالیا جهلال تالهبانی ببیرانی و بهلگهفیلم ل سهر ژیان و خهباتا وی وهشاندین، خوه ب سهر هندهک قۆناخێن خهباتا جهلال تالهبانی ڕه بازدان و ب چ ئاوایی بههسا هندهک قۆناخان نهکر. دهما بههسا ژیان، خهبات و تهکۆشینا جهلال تالهبانی تێ کرن، دڤێ بههسا سالێن ۱۹۶۴ و سالا ۱۹۶۶ و سالێن دن ژی بێ کرن کو د وان قۆناخان ده جهلال تالهبانی و ئیبراهیم ئههمهد ژ پارتیا دهمۆکراتا کوردستانێ جودا بوون، وهکه پێشمهرگه ژ ڕێزێن شۆرهشا ئیلۆنێ ڤهقهتیان و گههشتن هکوومهتا ئیراقێ یا وێ دهمێ و ل دژی شۆرهشا کوردستانێ و ب تایبهتی مل ب ملێ لهشکرێ ئیراقێ ل دژی سهرۆک مهلا مستهفا بارزانی شهر کر و ل دژی شۆرهشا مهزن، شۆرهشا گهلێ کوردستانێ ڕاوهستان.جهلال تالهبانی و گرووپا خوه سالا ۱۹۶۴ئێ ژ پارتیێ ڤهقهتیان و سالا ۱۹۶۶ئێ گهههشتنا ناڤ ڕهفێن هکومهتا ئیراقێ. ئهڤ قۆناخ د دیرۆکا بزاڤا ڕزگاریخوازا کوردستانێ ده، ب جاشێن ۶۶ئێ تێ بناڤ کرن. بگوتنهک دن، جهلال تالهبانی و گرووپا خوه سالا ۱۹۶۶ئێ بوونه جاش و دگهل جاشێن دن یێن کورد و لهشکهرێ ئیراقێ ئێریشی سهر کوردستانێ و پێشمهرگهیێن شۆرهشا ئیلۆنێ کرن و ب سهدان گوند وێران کرن و شهوتاندن.سالا ۱۹۷۰ئێ ڕێکهفتنا ۱۱ئێ ئادارێ د ناڤهبرا سهرۆکاتیا شۆرهشا ئیلۆنێ و هکوومهتا ئیراقێ ده هات ئیمزا کرن. جهلال تالهبانی و گرووپا خوه ژ ئالیێ نهمر مهلا مستهفا بارزانی ڤه هاتن ئهفوو کرن.ئهو کانالێن تهلهڤزیۆنان کو خوه ب پرۆڤهسیۆنال دزانن دڤێ ژ ڕاستیێ نهرهڤن و د بهلگهفیلمێن خوه ده دیرۆکێ شێلوو نهکن و دڤێ ژ بینهرێن خوه ڕه ڕاستیان بێژن.
یا نەهاتیە گۆتن ئەم دبێژن
![](https://sibehi.com/wp-content/uploads/2018/10/celal.jpg)