حکومەتا سووریێ ل گۆر به‌رنامه‌یه‌ک نوو هێزێن خوە، ئانکو ئارتێشا نوو یا سووریێ ل بارەگە و ئاکاده‌میێن له‌شکه‌ری یێن ترکیێ پەروەردە دکە. ل گۆر گەلەک چاڤکانییێن باوەرپێکری ترکیێ ده‌ست ب په‌روه‌رده‌یا ئارتێشا نوو یا سووریێ کریە. ڤێ هەلوەست و رەفتارا ترکییێ ته‌لئڤیڤ گەلەک نەرەحەت کریە کو، به‌رێ ژی دیلتەنگی و نەرەحەتیا خوه ل سه‌ر هه‌ڤپه‌یمانیه‌کا له‌شکه‌ری یا مه‌زن د ناڤبه‌را ترکیێ و سه‌رۆکێ ده‌مکی یێ سووریێ، ئه‌حمه‌د شەرع دا، نیشان دابوو.
چاڤکانیان دایە خویا کرن کو، ٤۹ سووریی ل گۆر ڤێ به‌رنامه‌یا نوو ل ترکیێ ده‌ست ب په‌روه‌رده‌یێ کرنه. وه‌کی به‌شه‌ک ژ هه‌ولدانێن ترکیێ یێن ژ بۆ په‌روه‌رده‌کرنا ئارتێشا نوو یا سووریێ..
ڕۆژنامه‌یا ترکی حوڕیه‌ت ڕاگەهاند کو سووری ژی دێ ل ئاکاده‌میێن له‌شکه‌ری یێن ترکیێ وه‌رن تۆمار کرن. ئه‌ڤ گرینگه و تێ وێ واته‌یێ کو ئارتێشا سووریێ دێ خورتر و پرۆفه‌سیۆنالتر ببه.
هه‌یئت تەحری -شام، کو د زڤستانا ۲۰۱٤ئان دا ل شامێ ده‌ستهلاتداری ب ده‌ست خست، پشتی ڕه‌ژیما ئه‌سه‌د، هن تێکلی ب ترکیێ را هه‌بوون و نها ئەو تێکلی ب رۆژ بۆ رۆژێ خورتر و بەرفرەهتر دبن و ئیسرائیل ژی ژ ڤان تێکلی و نێزیکیا شامێ و ئەنقەرەیێ نەرەحەتە..
وه‌زاره‌تا پاراستنێ یا ترکییێ ڕاگەهاند کو کۆما یه‌که‌م یا خوه‌نده‌کارێن له‌شکه‌ری یێن سووریێ دێ د ۳۱ئێ جۆتمه‌هێ دا ل سازیێن له‌شکه‌ری یێن جودا یێن ترکیه‌یێ، د بن په‌یمانه‌ک دوالی دا کو ئارمانج ژێ شیانێن ئه‌وله‌هیێ یێن ئارتێشا نوو یا سووریێ زێده بکه، ده‌ست ب په‌روه‌رده‌یا خوه بکن.
به‌رده‌ڤکێ وه‌زاره‌تێ، زه‌کی ئاکترک، د جڤینه‌کا چاپه‌مه‌نیێ یا حه‌فتانه دا، حەفتیا چویی، دیار کر: “د چارچۆڤه‌یا لهەڤتێگهیشتنێ یا ژ بۆ په‌روه‌رده و شێورمه‌ندیا هه‌ڤبه‌ش دا، کو وه‌کی به‌شه‌ک ژ هه‌ڤکاریا نێزیک یا کو ئارمانج ژێ شیانێن پاراستن و ئه‌وله‌هیێ یێن سووریه‌یێ زێده بکه، هاتیه ئیمزه‌کرن، تێ پلانکرن کو ٤۹ خوه‌نده‌کارێن سووریێ ل ئاکاده‌میێن مه یێن له‌شکه‌ری ده‌ست ب په‌روه‌رده‌یا خوه بکن.”
کۆما یه‌که‌م ئا سووریه‌یێن کو ژ بۆ په‌روه‌رده‌هیێ ل ترکیه‌یێ تێنه شاندن ۱۰ ژ هێزێن به‌ژاهی، ۱۸ ژ هێزێن ده‌ریایی و ۲۱ ژی ژ هێزێن هه‌وایی نە
د ڕاپۆرێ ده هاته ده‌ستنیشانکرن کو سازییێن لەشکەری ل ترکیه‌یێ ژ بۆ سووریێ ڤه‌کری نه، و هه‌ر وها باندۆرێن وێ ل سه‌ر هێزێن ده‌مۆکراتیک ئێن سووریه‌یێ (هەسەدە) یێن کو ژ هێلا ده‌وله‌تێن یه‌کبوویی ڤه تێنه پشتگری کرن ل ڕۆژهلاتێ سووریه‌یێ ژی هه‌نه. لیسته‌یه‌ک ژ ئه‌فسه‌رێن پۆتانسیه‌ل ئێن کو دێ د ناڤ هێزێن کو ژ هێلا شامێ ڤه تێنه پشتگری کرن دا وه‌رن ئه‌نته‌گره کرن ژ شامێ را هاتیه شاندن.
ئه‌نته‌گراسیۆنا سێ فرقه‌یان ژ هێزێن سووریا دەمۆکراتیک (هەسەدە) د ناڤ ئارتێشا سووریه‌یێ دا
ترکیه د ده‌مێن به‌رێ دا ل دژی (هەسەدە) ده‌رکه‌تیه. ڕۆژنامه‌یا حوڕیه‌ت زێده کر: “راپۆرت هه‌نه کو هه‌ڤدیتنێن د ناڤبه‌را هه‌ر دو ئالیان، ترکیێ و هەسەدێ، دا د ده‌مێن داوی دا باشتر بوونه و سێ فرقه‌یێن (هەسەدە) دێ د ده‌مه‌ک نێزیک دا د ناڤ ئارتێشا نه‌ته‌وه‌یی دا بێنە ئه‌نته‌گره کرن.”
ئیسرائیل دترسه کو ئه‌ڤ یه‌ک د داویێ دا باندۆرێ ل سه‌ر وێ بکه، ژ به‌ر دژمناتیا توند ئا ترکییێ ل هه‌مبه‌ر وێ. ئیسرائیل هه‌ر وها ب توندی ل دژی ده‌ستوه‌ردانا ترکیه‌یێ ل خه‌ززه‌یێ ده‌ردکه‌ڤه.
