سیاسی

ئاستەنگێن پێشیا جێبجێكرنا رێكەفتنێ

پارلامه‌نته‌را به‌رێ یا   پارلامه‌نتۆیا ئیراقێ،  ڤیان ده‌خیل دبێژە كو هه‌تا نها ڕێکه‌فتنا شنگالێ یا د ناڤبه‌را هه‌رێما کوردستانێ و به‌غدایێ  دا نه‌هاتیه‌ جیبجیکرن و گرووپێن سه‌ر ب پارتیا كاركەرێن كوردستانێ (پەكەكێ) و حه‌شدا شەعبی پرسگرێكان و ئاستەنگیێن مه‌زن ژ بۆ خه‌لکێ شنگالێ چێ دكن و باژێر وێرانه‌ و ھەتا نھا ده‌ست ب هه‌ولدانێن ئاڤاکرنێ نه‌هاتیه‌ کرن.

ل گۆر ڤیان ده‌خیل ژ ئالیێ حکوومه‌تا ئیراقێ ڤه‌ خه‌مساریه‌کا مه‌زن هه‌یه‌ ل سه‌ر چاره‌نڤیسا وندابوویێن ئێزدی و پشتی شه‌ش سالان، هێشتا ژی ناھێتە  زانین كا کی مایه‌ و کی هاتیه‌ شه‌هیدکرن.”

ده‌خیل به‌هسا وێ یه‌کێ ژی دكە کو ل پارلامه‌نتۆیا ئیراقێ مژارا بودجه‌یا 20121ێ دھێتە گۆتووبێژکرن، لێ، مخابن،  بودجه‌یا کو ژ بۆ پارێزگه‌ها نه‌ینه‌وا هاتیه‌ ته‌رخانکرن، چو پشکه‌که‌ وسا مه‌زن ژ بۆ ئاڤاکرنا شنگالێ نه‌هاتیه‌ ته‌رخانکرن، کو ئەو باژێر  80% وێران بوویه‌.

ل سه‌ر هه‌بوونا کۆمێن چەكدار و رێكەفتنا شنگالێ، ڤیان ده‌خیل دبێژە: “پەكەكە و ملیسێن حه‌شدا شه‌عبی، پرسگرێكێن  مه‌زن یێن  ناڤخوه‌یی و ده‌ره‌کی ژ بۆ خه‌لکێ شنگالێ چێکرنه‌ و ل به‌ر ئاساییکرنا ڕه‌وشا وێ ده‌ڤه‌رێ، بوونه‌ ڕێگر.”

ڤیان دەخیل

رێکه‌فتنا شنگالێ د ناڤبه‌را هه‌ولێر و به‌غدایێ دا‌ هات ئیمزا‌کرن، لێ هه‌تا نها ئه‌ڤ ڕێکه‌فتن نه‌هاتیه‌ جیبجیکرن. فه‌رماندارێ گشتی یێ هێزێن چه‌کدار یێن ئیراقێ، کو سه‌رۆکوه‌زیر مسته‌فا کازمی یه‌، هه‌تا نها نکاره‌ بریاره‌ک ده‌ر بخه‌ ژ بۆ ده‌رخستنا حه‌شدا شه‌عبی و پەكەكێ ژ شنگالێ و ژ ئالیێ ئیداری ڤه‌ ژی نه‌کارینه‌ قایمه‌قامه‌کی نوو ژ بۆ ناڤچه‌یێ ده‌ستنیشان بکن.”

ل گۆر ڕێکه‌فتنێ بریار بوو، هێزه‌که‌ ئه‌وله‌هیێ ل شنگالێ بھێتە پێکانین، کو 2500 که‌س بن و به‌شه‌ک ژ وان ژ كۆچبەران بن، لێ هه‌تا نها ئه‌و هێز ژی نه‌هاتیه‌ ئاماده‌کرن و هه‌ر یه‌ک ژ پەكەكێ  و حه‌شدا شه‌عبی و ئارتێش و پۆلیسێ فه‌ده‌رالی و چه‌ندین گرووپ و تیمه‌که‌ دن یا چه‌کدار ل ناڤ شنگالێ مانه‌ و ده‌رنه‌که‌تنه‌.

Back to top button