تێ چاڤهرێکرن کو ب ناڤبەینکارییا سهرۆکێ ههرێما کوردستانێ نێچیرڤان بارزانی، جڤینهک د ناڤبهرا فهرماندارێ گشتی یێ هێزێن سووریهیا دهمۆکراتیک (هسد) و نوونهرێ ئامهریکایێ یێ کار و بارێن سووریهیێ ل باژارێ ههولێرێ بێ لدارخستن.
مالپهرا ئال-مۆنیتۆر یا ئامهریکایێ د نووچهیهکێ دا بهلاڤ کر کو تێ پێشبینیکرن کو رۆژا شەمیێ ١٧\١\٢٠٢٦ێ نوونهرێ ئامهریکایێ یێ کاروو بارێن سووریهیێ تۆم باراک ب فهرماندارێ گشتی یێ هێزێن سووریهیا دهمۆکراتیک (هسد) مهزلووم ئهبدی را ل ههولێرێ بجڤه.
ل گۆری زانیاریێن وێ مالپهرێ، ئهڤ جڤین د چارچۆڤهیا ههولهکا ههڤاههنگکری یا ئامهریکایێ دا یه ب ئارمانجا ڕێلبهرگرتنا شهر و پهڤچوونێن بهرفرە یێن د ناڤبهرا هێزێن حکومهتا سووریهیێ و هێزێن هسدەیێ دا.
چاڤکانیێن ئاگاهدار ژ ئال-مۆنیتتۆرێ را ڕاگەهاندیه، سهرۆکێ ههرێما کوردستانێ نێچیرڤان بارزانی ڕۆلهکا سهرهکه د ڕێکخستنا ڤێ ههڤدیتنا چاڤهرێکری دا ههیه.
د داویا ڕاپۆرێ دا ئاماژه ب وێ یهکێ هاتیه کرن کو، ههر چقاس نووچه هاتبه بهلاڤکرن ژی لێ بهردهڤکێ ئۆفیسا تۆم باراک ئاماده نهبوویه چو داخویانیهکێ دهربارێ بهرنامهیا کار و سهردانێن نوونهرێ ئامهریکایێ دا بده.
