ئه‌فه‌ندییێن هه‌ولێرێ ب شال و شاپکێن هیپسته‌ر
ئەحمه‌د نەوزاد کو خوه‌دیێ کۆمپانیا (میر. هه‌ولێر) ه، پشتی (بی بی سی) ڤێ جارێ ژی د ڕۆژنامه یا سوێدی (داگێنس نیھێتەر) دا ب هه‌ڤپه‌یڤینه‌کێ که‌تە ناڤ ڕۆژه‌ڤا چاند و کولتورێ.
ئه‌فه‌ندییێن هه‌ولێرێ نه ب شال و شاپکێن خوه یێ باڤ و کالان لێ ب جل و به‌رگێن خوه یێن “هیپسته‌ر” ، بالا مه‌دیایا جڤاکی ب ئاوایه‌ک دن دکشینن ل سه‌ر کوردستانا باشوور.
هندەك ڕه‌سمێن ڤان خۆرتان کو ب مناسه‌به‌تا داناسینا که‌لها هه‌ولێرێ هاتبون کشاندن ب هه‌ڤپه‌یڤینا ڤۆجاتڤ، بالا (بی بی سی) کشاند بو ڤێ جارێ ژی د مه‌دیایا سوێدی دا ب ڕه‌سمه‌ک دن یا هه‌ولێرێ، ب چاڤه‌که دن و ب بابه‌ته‌ک دن دیت.
دامه‌زرینه‌رێ کۆمپانیا (میر.هه‌ولێر) یا کنج، جل و به‌رگێن مێران، ئەحمه‌د نەوزاد دبێژە:
“ئه‌م دخوازن نێرینا خوه ڤەگوھێزین کوردستانێ، و ده‌ستنیشان بکن کو ئه‌و وه‌لاته‌ک نووژه‌نه و نه ته‌نێ چۆله.
باژاریبوونا هه‌ولێرێ نه کێمی هه‌فت هه‌زار سالانه، و تێ گۆتن کو یه‌ک ژ جیهێ هه‌ری که‌ڤنار، دۆمدار و قەدیم یا که‌ڤنه‌شۆپی یا جیهانێ یه. پایته‌ختا کوردستانێ د هه‌زار سالێن چوویی دا وه‌کی ئاسووری، فارسی، ئه‌ره‌ب و ئۆسمانیان؛ د بن ته‌سیرا چاندێن گه‌له‌ک مه‌ده‌نییه‌تان دا مایه. هه‌ولێری وه‌کی هه‌موو کوردێن ده‌ورێن دن ب ڤێ دیرۆکا خوه یا قه‌دیم ڤه گه‌له‌ک جاران ب هه‌مبه‌ر کارەساتێن مه‌زن هاتنه.
هه‌ری داوی کامباخا شه‌رێ داعشێ ل هه‌رێمێ زه‌ره‌ر و نه‌خوه‌شییێن گه‌له‌ک مه‌زن په‌یده‌ک کربون. ته‌سیرا ئه‌نجامێن شه‌رێ ل هه‌مبه‌ر داعشێ هه‌ر چه‌ند ژیانا ڕۆژانه یا هه‌ولێر و کوردێن باشوری، ب ئاوایه‌ک نه‌یینی گوهه‌راندبه ژی، مۆده یا نوو یا ئه‌فه‌ندییێن هه‌ولێرێ، د سالا داوی دا د ئنستاگرام و فێسبۆکێ دا ژ خوه ڕا ژ 950000 هه‌زار که‌سان زێده‌تر شۆپاژۆ و هه‌زکری چێکرنه.
فکرا وان یا بنگه‌هین ئه‌وه کو ئه‌و دخوازن ئه‌سنافێن هه‌رێمێ ب ته‌سیرێن نووژه‌ن یێن ژ ئه‌ورۆپی/رۆژاڤایی ڕا تێکلدار بکن کو، ب ڤێ ستیل و مۆده یا خوه یا نوو ل هه‌رێمێ حه‌ره‌که‌ته‌ک ئابۆری په‌یده ببه.
ئه‌ڤ ڕه‌سم، هێڤیه‌که دن دورست دکه کو ژ ناکۆکییێن ڕۆژهلاتا ناڤین یا کو د بن باندۆرا شه‌ر و نه‌خوه‌شییێن جڤاکی دا یه، پڕ دوورتره. هێڤییه‌ک ئاڤا دکه کو، ڕه‌سمێ کوردستانێ د مه‌ژییان دا ژ عیراقێ و کولتورا عه‌ره‌بان دوور دخه.
میر. ئه‌ربیل نها ب دو کۆمپانیایێن مۆدێ یا سوێدی ڕا دانووسته‌ندنان دکن کو د پێشه‌رۆژێ دا جل و به‌رگێن وان بفرۆشن، لێ ئه‌ڤ یه‌ک هێژا نه زه‌لاله.
ژیندار ئه‌ردال تۆپراک
ڕۆژه‌ڤاکورد ستۆکهۆلم
2019.08.09
