ئۆجەلان دکاره د حه‌فتیه‌کێ دا پەکەکێ بێ چه‌ک بکه
مامۆستایێ زانینگه‌هێ ئالی که‌مال ئۆزجان کو به‌ریا هلبژارتنێن هه‌رێمی ل ترکیێ سه‌ردانا ئیمرالیێ کربوو ژ بۆ دیتنا عه‌بدولا ئۆجەلان سه‌رۆکێ زیندانیکریێ پارتیا كاركەرێن كوردستانێ (پەکەکە) دبێژه: گه‌ر ده‌رفه‌ت ب ئۆجەلان ڕا بێ دایین، ئۆجەلان دکاره د هه‌یاما حه‌فتیه‌کێ دا پەکەکێ بێ چه‌ک بکه.
د. ئالی که‌مال ئۆزجان کو ژ بۆ مەدیا تركیێ ئاخفت بوو، دبێژە: ئەگه‌ر په‌یاما ئۆجەلان کو دابوو ده‌ست پارێزه‌رێن خوه ژ بۆ ڕایا گشتی هاتبا خوه‌ندن، وێ ده‌مێ دا بنئالی یلدرم ل سته‌نبۆلێ بسه‌رکه‌ڤه و ل ترکیێ ده‌ست ب پێڤاژۆیه‌که نوو بکه.
ئۆزجان دبێژه كو هندەك که‌س دبێژن عه‌بدولا ئۆجەلان د زیندانێ دایه و ل سه‌ر کوردان و پەکەکێ چ باندۆرا خوه نینه. لێ ئه‌ڤ نه‌راسته، ژبه‌رکو هێشتا ئۆجەلان خوه‌دی باندۆره ل سه‌ر پەکەکێ، ئه‌گه‌ر ده‌رفه‌ت بێ دایین و ڕێ ژێ را بھێتە ڤه‌کرن، عه‌بدولا ئۆجەلان دکاره د هه‌یاما حه‌فتیه‌کێ دا پەکەکێ بێ چه‌ک بکه و ل ترکیێ ژی ده‌ست ب پرۆسه‌یه‌کا نوو بھێتە کرن.
هه‌ر وها گۆت ژی: ئەگه‌ر ئه‌و پەیاما ئۆجەلان یا وێ دەمێ ژ ڕایا گشتی ڕا هاتبا خوه‌ندن و پێڤاژۆیه‌کا نوو دەستپێكربا وێ ده‌مێ ئه‌گه‌ر هه‌بوو ل ڕۆژاڤایێ کوردستانێ ژی ئۆپه‌راسیۆنا ڕۆژهلاتێ فراتێ نه‌هاتبا کرن.
ئۆزجان د به‌رده‌وامیا ئاخافتنێن خوه ده ڕاگهاند: من ب داخوازا ده‌وله‌تێ سه‌ردانا ئۆجەلان کریه و دیسا ب داخوازا وان، په‌یاما ئۆجەلان ب ته‌نێ خوه‌ندیه و گۆت، قه‌ندیل و ئۆجەلان ل سه‌ر هه‌مان خه‌تێ نه، لێ هەدەپه و ڕێخستنا ئه‌ورۆپا سیاسه‌ته‌کا جودا ژ سیاسه‌تا قه‌ندیلێ دمه‌شینن. هه‌ر چه‌ند ئۆجەلان گۆتیه، بلا ده‌نگده‌رێن کورد ل سته‌نبۆلێ ئالیگری نه‌کن ژی، لێ هەدەپێ بانگا پشته‌ڤانیا نامزه‌تێ جەهەپێ کریه.
ئۆزجان گۆت، هه‌ولێن وی ژ بۆ سه‌ردانکرنێ به‌رده‌وام دکن، لێ ئەڤە حه‌فت مه‌ھ ده‌رباس بوون، هه‌تا نها ژی مۆله‌تا سه‌ردانا بۆ ئۆجەلان ژ وی ڕا نه‌هاتیه دایین.
داركامازی
