ڕێبه‌رێ زیندانكریێ پارتیا كاركەرێن كوردستانێ (پەکەک)ێ عەبدوڵا ئۆجالان د پەیاما خوە یا ردیماھیكێ دا بەحسا سیاسەتا دەرڤە یا دەولەتا تركیێ و سوریێ دكە و دبێژە: سیاسه‌تا ده‌رڤه و ناڤخوه یا ترکیێ و سوریێ گرێدایێ هه‌ڤن و ژ هه‌ڤ جوودا نابن.
ئۆجەلان ڤێ هه‌فته‌یێ ژی دگه‌ل پارێزه‌رێن خوه ھەڤدیتن پێكئانی و ل سه‌ر پرسا سوریێ و چەوانیا چارەسەركرنا پەسگرێكا سوریێ دیتنێن خوە بەرچاڤ كرن، ڤێ جارێ، ژ بۆ چارەسەریا پرسا كورد ل رۆژائاڤایێ كوردستانێ، وی پێشنیارا ده‌مۆکراسیا خوه‌جهی کر و گوت كو دڤێ ده‌مۆکراسیا خوه‌جهی د یاسایا بنگه‌هین ده وه‌ره مسۆگه‌رکرن.
گەلو دەمۆكراسیا خوەجھی كو ئوجەلان ژ بۆ چارسەریا پرسا كورد ل سوریێ پێشنیار دكە چیە؟ ناڤەرۆكا وێ چیە؟ دێ چ مافان ژ بۆ گەلێ كورد ل رۆژئاڤایێ كوردستانێ مسوگەر بكە؟ پرسێن بێ بەرسڤ مانە
ڕێبه‌رێ زیندانكریێ پەکەکێ هه‌روەها، د پەیاما خوە دا ئاماژه دکه کۆ ترک و کورد بێی هه‌ڤ نکارن بژین و دێبژە: کورد بێ ترک، ترک ژی بێ کورد نکارن هه‌بن. یه‌کبوونا کورد و ترکان دێ ژ بۆ خه‌لکێن ڕۆژهلاتا ناڤین ڕێیا ژیانه‌که ده‌مۆکراتیک و ئاشتیانه ڤه‌که.
هه‌ڤدیتنا ئۆجەلان و پارێزه‌رێن وی 2 ڕۆژ به‌رێ چێبووبوو
