رێبەرێ زیندانکرییێ پەکەکێ ئەبدلا ئۆجەلان نامەیەک ژ سەرۆکێ هەرێما کوردستانێ نێچرڤان بارزانی را شاند و د نامەیا خوە دا داخواز ژ سەرۆکێ هەرێما کوردستانێ کریە کو د پێڤاژۆیێ دا ڕۆله‌کا پێشه‌نگیێ بلیزە. ل گۆری ئەل-مۆینتۆرێ، د نامه‌یا خوه ده ژ بارزانی خوه‌ستیه کو پێڤاژۆیا ئاشتیێ بڕێڤه ببه.
د نامه‌یه‌کێ دا کو ژ ئیمرالیێ هاتیه شاندن،
ئۆجەلان ژ سه‌رۆکێ هه‌رێما کوردستانێ نێچیرڤان بارزانی خوه‌ستیه کو “چاره‌سه‌ریه‌ک مایینده ل سه‌ر بنگه‌ها ده‌مۆکراتیک” په‌یدا بکه.
ل گۆری ئەمبه‌رین زامان ل ئال-مۆنیتۆرێ، ئۆجەلان د نامه‌یا خوه دا دیار کریه کو پێڤاژۆ نه ته‌نێ ترکیه‌یێ، لێ د هه‌مان ده‌مێ دا هه‌رێما کوردستانا ئیراقێ ژی ئه‌له‌قه‌دار دکه.
ئۆجەلان گۆتیه، “گرینگه کو هوون د ڤێ پێڤاژۆیێ دا پێشه‌نگیێ بکن،” و داخوازا به‌شداربوونێ ژ بۆ دانووستاندنێن ئاشتیێ کریه.
تێ گۆتن کو نامه یه‌کسه‌ر پشتی جڤینا نێچیرڤان بارزانی ب سه‌رۆکێ ئاکەپێ و سه‌رۆککۆمار ڕه‌جه‌پ تەییپ ئه‌ردۆگان را ل ئه‌نقه‌رێ د ۷ێ جۆتمه‌هێ دا هاتیه ڕاده‌ستکرن.
کاربده‌سته‌کی پایه‌بلند یێ کورد کو ژ ئەل-مۆینتۆر را گۆتیە کو د ده‌ما جڤینێ دا، “نێچیرڤان بارزانیێ ژ ئه‌ردۆگان خوه‌ستیه کو باندۆرا خوه بکار بینه دا کو لەزێ ل دەرخستنا قانوونانەکا عەفویا گستی بکە داکو چەکدارێن پەکەکێ ژ چیایایان ڤه‌گه‌رن ترکیه‌یێ.”
د نووچه‌یێ دا هاته ده‌ستنیشانکرن کو پشتی جڤینا نێچیرڤان بارزانی ب ئه‌ردۆگان را، قه‌ده‌غه‌یا فرینێ یا ل سه‌ر بالەفرگەها سلێمانیێ، کو ژ نیسانا ۲۰۲۳ئان ڤر ڤه د مه‌ریه‌تێ دا بوو، هاته ڕاکرن.
