نڤیسار

ئۆرەیی: مەیدانا شەرێ پ ك ك و تركیێ نە باشوورێ كوردستانێ یە

پارتیا كاركەرێن كوردستانێ (پ ك ك) د راگەھاندنا خوە دا ئیدیعا دكە كو دەڤەرا ئامێدیێ ل باشوورێ كوردستانێ بووبە جھێ لەشكەرێ تركیێ و ئیستیخباراتا وێ دەولەتێ و بەرپرسەكێ وێ دەڤەرێ ژی وان گۆتنان رەد دكە.

لسەر ڤان نووچەیێن (پ ك ك) و راگەھاندنا نێزیكی وێ، مالپەرا مە، بەرگەھ، ژ عومەر ئۆرەیی بەرپرسێ لقا ئامادیێ یا پارتیا دەموكراتا كوردستانێ، پرسیار كر و وی د .بەرسڤێ دە ەو گۆتنێن (پ ك ك) رەد كر و دبێژە (پ ك ك) ڤان نووچەیێن خوە دكە حێجەت داكو لسەر كریارێن خوە ل وێ دەڤەرێ بەردەوام بە

ئۆرەیی دبێژە:

– یا دھێتە گۆتن ژ ئالیێ (پ ك ك) ڤە چ بنگەھ ژبۆ وان گۆتنان نینە و (پ ك ك) ب تەنێ ڤێ چەندێ دكە تومەت و بەھانە داكو كار و كریارێن خوە ل ڤێ دەڤەرێ بەردەوام بكە. یا راست ئەڤە كو چەكدارێن (پ ك ك) و لەشەكەرێ تركیێ ھەر دوو ب ھەڤ را یێن بوویەنە سەدەما چێكرنا سەرئێشیان ژبۆ خەلكێ دەڤەرا مە. وان ھەر دوو ئالیان دەڤەرا مە كریە مەیدانا تەسفیا حساباتێن خوە.

عومەر ئۆرەیێ دبێژە كو مەیدانا شەرێ (پ ك ك) و ئارتەشا تركیێ ل باكورێ كوردستانێ و ناڤا تركیێ یە، مەیدانا شەرێ وان ھەر دوو ئالیان نە باشوورێ كوردستانێ یە و ئەڤ دەڤەر ب خوونا شەھیدێن باشوور ھاتیە ئازاد كرن:

– یا راست مەیدانا شەرێ وان نە ئەڤ دەڤەرەیە. مە ئەڤ دەڤەرە ب خووینا پاقژا شەھیدێن خوە رزگار كریە. ملەتێ مە گەلەك نەخوشی و دەردەسەری دیتیە و گەلەك قوربانی دانە. بەسە بلا بەس نەخوەشین ملەتێ مە زێدە بكن. خەلكێ دەڤەرا مە یێن بێ گونەھ دبن قوربانا شەێ ھەر دو ئالیان، شەرێ (پ ك ك) و لەشكەرێ تركیێ. ھەر دوو ئالی خەلكێ سڤیل و بێ گونەھ شەھید دكن. وەكە میناك: د ناڤا دو سالێن بۆری دە 14 وەلاتیێن سڤیل و بێ تاوان ژ ئالیێ لەشكەرێ تركیێ ڤە و ب بەھانەیا ھەبوونا چەكدارێن (پ ك ك) ل دەڤەرێ، ھاتنە شەھید كرن. ھەوەسا 3 وەلاتێن سڤیل و بێگونەھ ژ ئالیێ (پ ك ك) ڤە ھاتنە شەھی كرن. ئەڤ ژ ئالیەكی، ژ ئالیەك دن ڤە، دەڤەرا نێروە، رێكان و دۆسكی ژۆریا بیەكجاری ھاتیە چۆل كركن ژبەر ڤان شەران.

بەرپرسێ لقا ئامادیێ د بەردوامیا گۆتنێن خوە دا دبێژە كو چەكدارێن (پ ك ك) خوە گەلەك نێزیكی گوندان دكن و لەشكەرێ تركیێ ی ب حێجەتا ھەبوونا چەكدارێن (پ ك ك) گوندان بۆمبەبارزان دكە و د ئەنجام دا خەلكێ دەڤەرا مە زەرەرمەند دبە. ھەر دوو ئالی رەوشا ژینا و ژیارا خەلێ دەڤەرێ لبەر چڤانا ناگرن

– گەلەك گرنگگە (پ ك ك) بەری ھەر كەس و ئالی رەوشا دەڤەرێ لبەر چاڤان بگرە. لێ مخابێن، بەرڤاژی، (پ ك ك) چ جاران ئەڤ یەك نەكریە و ئالیكار نەبوویە. ئەگەر (پ ك ك) وێ چەندێ بكە بەھانە، لێ گەلەك دەڤەرێن مە یێن دن كو كەس لێ نینە، ژ خوە رە كرنە مەیدانا چالاكیێن خوە و بارەگایێن خوە ل وان دەڤەران دانانە.
عومەر ئۆرەیێ بەرپرسێ لقا ئامدیێ د داویا گۆتنێن خوە دە پرسیار دكە، كا گەلۆ مەیدانا شەرێ (پ ك ك) و لەشكەرێ تركیێ كیژان دەڤەرە، باشوورێ كوردستانێ یە یان ژی باكورێ كوردستانێ یە و داخوا ژ ھەر دوو ئالیان دكە ڤەگەرن مەیدانا خوە یا راستەقینە:

– پرسیار ئەڤە، گەلۆ دەولەتا ترك ل دەڤەرا زێبار، چەمانكێ و ئامێدیێ یە؟ یان ژی ل باكورێ كوردستانێ یە؟ رۆژ بۆ رۆژ (پ ك ك) ژ باكورێ كوردستانێ دوور دكەڤە؟ ئەم ڤی شەرێ ھەر دو ئالیان ل دەڤەرا مە شەرمەزار دكن و داخوازێ ژ ھەر دوو ئالیان دكن ڤەگەرن ژبۆ مەیدانا خوە یا راستەقینە.

Back to top button