ده‌سته‌یا دانووستاندنان یا ئۆپۆزسیۆنا سووریێ رۆژا دوشه‌مێ، ٩\١٢\٢٠٢٤ داخویانیەک ژ رایا گشتی را بەلاڤ کرو تێ دا سۆپاسیا هەرێما کوردستانێ و ب تایبەتی سپاسیا سەرۆک مەسعود بارزانی دکە ژ بەر رۆلا وان یا د وارێ هاریکاریکرنا گەلێ سووریێ و کۆچبەرێن سووریێ یێن ل هەرێما کوردستانێ: “ئه‌م سپاسیا برایێن خوه ل هه‌رێما کوردستانا ئیراقێ ب سه‌رۆکاتیا سه‌رکرده‌یێ کوردان مه‌سعود بارزانی دکن؛ وه‌کی کو ئه‌و ب خوه خوه‌دیێ پرسێ به، ب وی ئاوایی سه‌ره‌ده‌ری ب پرسا سووریێ را کر و پشته‌ڤانیا وی ژ بۆ مافێن گه‌لێ سووریێ باندۆرەکا مه‌زن هه‌بوو، کو ممکن نینه ل به‌ر چاڤان نه‌یێ وه‌رگرتن.“
د بەشەکا دن یا وێ داخویانیێ دا هاتیە: “برا و بنه‌مالێن مه یێن سوور‌ی کو نها ل ده‌ڤه‌رێن کوردستانا ئیراقێ نه ب تایبه‌تی، په‌نابه‌ر و ڕه‌ڤیایییێن ده‌ستێ ڕژێمێ بوونه مێڤانێن برایێن مه ل هه‌رێما کوردستانێ، هه‌روه‌سا ده‌وله‌ت سه‌رێ خه‌باتا گه‌لێ سووریێ و قه‌هره‌مانێن شۆره‌شێ، ل ڤان نێزیکان ڤه‌دگه‌رن مال و باژارێن خوه ل سووریێ، ژ بۆ کو ته‌ڤلی دامه‌زراندنا سه‌قامگریا وێ ببن و پشتگریا هێز و ئاڤه‌دانکرن و ژیارخوه‌شیا وێ بکن.”
ده‌سته‌یا دانووستاندنان یا ئۆپۆزسیۆنا سووریه‌یێ د وێ داخویانیێ دا، هەروەسا، دبێژە: “د ڤێ ده‌ما دژوار دا ئه‌م به‌رێ خوه ددن ئیراقێ و وان پشتراست دکن کو شۆره‌شا سووریێ و ئه‌و ئۆپه‌راسیۆنێن هاتنه ده‌ستپێکرن چ زرار و ئارێشه‌یه‌ک ژ بۆ ئیراقێ نابه، ئه‌م د ده‌مێن خوه‌ش و نه‌خوه‌ش دا هه‌ڤپارن و ئه‌م ل به‌ندا پاشه‌رۆژه‌کا باشتر و زێده‌تر ئه‌وله‌هی و سه‌قامگریێ نه.”
ده‌سته‌یا ناڤبری ته‌که‌ز ژی کریه: “هه‌ڤپاری و به‌رژه‌وه‌ندیێن مه دیرۆکی نه و هێڤیێن ناڤبه‌را ڤان هه‌ر دو وه‌لاتان گه‌له‌کن و نایێن هه‌ژمارتن، ژ بۆ دابینکرن و سه‌قامگرکرنا ئه‌وله‌هیێ و به‌لاڤکرنا ئاشتیێ ل هه‌می ڕۆژهلاتا ناڤین، هه‌روه‌سا ئه‌م ل به‌ندێ نه کو ئیراق ڕووپه‌له‌کا نوو یا پری ئالیکاری و براتی و ئاشتی ڤه‌که.”
k24
