به‌ری ھه‌یامه‌کی ئه‌مریکایێ ۱۲ ملیون دۆلار وه‌که خه‌لات به‌رده‌ست کرن ژبۆ ھه‌ر که‌سێ جھێ سێ به‌رپرسیارێن پارتیا کارکه‌رێن کوردستانێ ئاشكرا بكە. ل گۆر بریارێ ۵ ملیۆن دۆلار بۆ گرتنا مورات کارایلان، ۴ ملیۆن دۆلار بۆ گرتنا جه‌میل بایک و ۳ ملیۆن دۆلار ژی بۆ دوران کالکان ته‌رخان دکه.
لسەر ڤێ مژارێ مالپەرا مە (بەرگەھ) داخواز ژ رەوشەنبیر، سیاسەتمەدار و حقوقزانێ كرد، ئیبراهیم گوچلو، كر كو بدیتن و رامانێن خوە ڤێ پرسێ ژ رایا گشتیا كوردستانێ رە زەلال بكە.
ژبە ركو، پتشی مالپەرا مە دەست بوەشانا خوە كری، ئەڤ جارا یەكەم بو تێكەلیێ ب ئیبراهیم گوچلو رە دەیەنە و ئەو ژی بچەند پەیڤان مالپەرا مە پیرۆز دكە:
ئه‌ز د ده‌ستپێکێ ده سلاڤێن خوه یێن براتی پێشکێشی وه دکم. ئه‌ز، وه ژ بۆنا مالپه‌را به‌رگه‌هێ پیرۆز دکم و سه‌رکه‌فتنا وه دخوازم. هیچ شکا من تونه یه، کو هوونێ د چاپه‌مه‌نیا کورد ده ڕۆله‌کی گرینگ بلیزن و هوونێ خزمه‌تی سیاسه‌تا ملی یا کوردستانێ، چاندا کورد، ئه‌نته‌ڵه‌کتوه‌لیزما کورد بکن. ئه‌ز مالپه‌را به‌رگه‌هێ وه‌ک مالپه‌را خوه دبینم و دپه‌ژرینم. هه‌لبه‌ت ژ وه ڕه ئالیکاری کرن ژی وه‌زیفه‌یا منه. ئه‌ز ب خوه خزمه‌تکارێ سیاسه‌تا ملی یا کوردستانێ، چاند و ئه‌نته‌ڵه‌کتوالیزما کوردم.
ئیبراهیم گوچلو ددە خویاكرن كو لپشت ڤێ بریارێ، ئەمریكایێ ئارمانجەكە سەرەكی و چار ئارمانجێن دویەمین ھەنە:
بریارا ئه‌مه‌ریکایێ د ده‌ربارێ ۳ به‌رپرسیارێن پککێ ده، بریاره‌که ستراته‌ژیک و گرینگه. د ده‌مه‌ک تایبه‌ت ده هات گرتن. هیچ شک تێدا نینه کو ڕاسته ڕاست ب کوردان و ب ڕۆژاڤایێ کوردستانێ ڕه گرێدایی یه.
ئه‌مه‌ریکا د بریارا خوه ده خوه‌دیێ چه‌ند ئارمانجا یه. لێ ژ ڤان ئارمانجان یه‌ک ئارمانجه‌ک سه‌ره‌که یه. ئارمانجێن دن دویه‌مینن.
ئارمانجا یه‌که‌مین یا بریارا ئه‌مه‌ریکایێ، پێشی ل ده‌وله‌تا ترک گرتنه. وه‌ک تێ زانین ده‌وه‌له‌تا ترک دبێژه کو “فه‌رقا پیدێ و پککێ تونه یه. پیده ژی پکک یه و ب ده‌ستێ پککێ هاتیه ئاڤا کرن. پککێ ته‌رۆریست و دژمنێ مه یه. ئه‌و دخوازه ل سینۆرا مه ده‌وله‌ته‌که ته‌رۆری ئاڤا بکه. ئه‌مه‌ریکا ژی، ژ پیدێ ڕه پشتگریێ دکه. ئه‌م ژی ژ بۆنا پێشیا ئاڤاکرنا ده‌وله‌تا ته‌رۆرێ بگرن (کو ده‌وله‌تا ترک نه به‌س ل دژی ده‌وله‌تا پکک/پیدێ یه، د هه‌مان ده‌م ده ل دژی ده‌وله‌تا کوردانه ژی)، وه‌ک عه‌فرینێ ئه‌مێ بچن ده‌ڤه‌رێن دن یێن کوردستانێ ئیشگال بکن.”
ئه‌مه‌ریکا ژ بۆنا پێشیا ڤێ ئێرشێ و ئیشگالێ بگره د ده‌ربارێ ۳ به‌رپرسیارێن پککێ ده بریار گرت. ب گۆتنا گه‌لێ مه، هه‌ستیه‌ک ئاڤێتن به‌ر ده‌وله‌تا ترک. لێ ئه‌ڤ یه‌ک دیاره کو نکاره پێشیا ده‌وله‌تا ترک بگره. دڤێ ئه‌مه‌ریکا ژ سیاسه‌تا ئۆپۆتونیزم ده‌رکه‌ڤه، ڕاسته ڕاست د مه‌سه‌له کوردان ده ببه ته‌ره‌ف و کوردستانێ بپارێزه.
د بریارا ئه‌مه‌ریکایێ د ده‌ربارێ ۳ به‌رپرسیارێن پککێ چه‌ند ئارمانجێن دویه‌مین هه‌نه. ئه‌و ژی:
۱-ئه‌مه‌ریکا دخوازه پکک و پیدێ ژ هه‌ڤوودو جودا نیشان بده. له‌ورا دبێژه کو “پکک ته‌رۆریسته. پید، نه پککێ یه، لۆما ژی نه ته‌رۆریسته. لۆما ئه‌م ژێ ڕه ئالکاریه دکن.”
۲-ئه‌مه‌ریکا دخوازه پید ژ بن باندۆر و ده‌ستهلاتداریا پککێ خه‌لاس بکه. ئه‌و نه ممکونه. له‌ورا پککێ گرێدایی ده‌وله‌تێن کۆلۆنیالیسته. خوه‌دیێ ئیراده‌یه‌که ئازاد نینه. بخوازه ژی نکاره خوه بگوهه‌رینه.
۳-ئه‌مه‌ریکا دخوازه ئیرانێ جزا بکه. له‌ورا تێ زانین کو پککێ و به‌رپرسیارێن پککێ د هه‌مبێزا ئیرانێ ده نه. لێ ئه‌ڤ بریار ئیرانێ جه‌زا ناکه، ئیران ب ڤێ بریارێ کێفخوه‌ش دبه. له‌ورا ئه‌ڤ بریار پکک ژ ئه‌مه‌ریکا دور دخه، نێزکتری ئیڕانێ دکه.
۴-ئه‌مه‌ریکا دخوازه کو ده‌وله‌تا ترک ژ ڕووسیایێ و ئیرانێ دور بخه.
لێ هیچ شک تێدا نینه، کو بریارا ئه‌مه‌ریکایێ دەربه‌یه‌ک مه‌زن دێ ل پککێ بده.
