ئیرانێ شەرتەكێ یەكێتیێ ب پارتی داقەبوول كرن
ھەر دوو شاندەیێن پارتیا دەمۆكراتا كوردستانێ و یەكێتیا نشتمانیا كوردستانێ ل سەر پێكانینا كابینەیا نوو یا حكومەتا ھەرێما كوردستانێ ل رۆژا 14.01.2019ێ ل باژارێ ھەولێرێ جڤیان.
ھەر دوو شاندە، نە ھەر دوو مەكتەب سیاسی كومبوونە، د مەدیایێ دا نووچە ھاتن وەشاندن كو ھەر دوو مەكتەب سیاسیێن پارتی و یەكێتیێ كومبونە، لێ د راستیا خوە دە شاندا یەكێتیێ نە شاندەیا مەكتەب سیاسی بوو، ژ نڤێ زێدەتر نە ئەندامێن مەكتەبا سیاسیا یەكێتیێ بوون.
پشتی جڤینێ بەردەفكێن ھەر دوو حزبان داخویا كرن كو جڤینا وان جڤینەك سەركەتی بوو چەند مژارێن گرنگ تێ دا ھاتنە گۆتووبژ كرن و ل سەر چەند خالان ل ھەڤ كریە. لێ د راستیا خوە دا ئەو جڤین بێ ئەنجام ب دیماھیك ھاتیە. خالا ل سەر ل ھەڤ كری ب تەنێ پێكانینا دوو لیژنەیان كو پێكڤە ل سەر پێكانینا حكومەتێ كار بكن.
ل گۆر زانیاریێن گەھەشتینە مالپەر مە، پارتی یا نەرازی بوو ژ پێكھاتەیێ شاندەیا یەكێتیا نشتمانیا كوردستانێ كو ژ نیڤا شاندەیێ زێدەتر نە ئەندامێن مەكتەب سیاسیا یەكێتیێ بوون و ھەر ژبەر ڤێ ئەگەرێ ژی چەند جاران جڤین ھاتبو پاشخستن:
- یەكێتی د ناڤخوەدا نەدكاری شاندەیەكێ ژ مەكتەب سیاسی پێك بینە، ژبەر كو باڤل و لاھور ژی د خوەستن د ناڤ شاندەیێ دا جھ بگرن و ھەر دوو ژی نە ئەندامێن مەكتەب سیاسی نە.
- پارتی نەدخوەست لاھور و باڤل د ناڤ شاندەیا یەكێتیێ دا ھەبن، ل گۆر پارتی باڤل و لاھور جیبەجیكارێن خیانەتا 16 ئوكتووبەرا سالا 2017ێ نە و ب خیانەتێ توانبارن.
گەلۆ چ چێبوو؟ ئەڤ ھەر دوو خال چەوا ھاتن چارەسەر كرن؟ چەوا یەكێتیێ شاندەیا خوە ب وێ پێكھاتەیێ پێكئینا و چەوا پارتی پێشوازی ل وێ شاندەیا یەكێتیێ كر و دگەك كەم بوو؟
ل گۆر زانیارێن مالپەرا مە، ئیرانێ دەست د چارەسەركرنا وێ ئاریشەیێ دا ھەبوو. وەزیرێ دەرڤە یێ ئیرانێ داخواز ژ یەكێتیێ كر كو لازمە باڤل تالەبانی و لاھور شێخ جەنگی د ناڤ شاندەیا یەكێتیێ دە ھەبن. ژبەر كو ئەو دۆستێن ئیرانێ نە و ئەجەندایێن ئیرانی ل باشوورێ كوردستانێ جێبەجێ دكن. پارتی ژی ژ بەر گەڤ و دبن گڤاشتنێن ئیرانێ دە نەچار بوو پێشوازیێ ل شاندەیا یەكێتیێ یا ب وی ئاوایی بكە و قەبوول بكە دگەل بجڤە. پارتی نە دخوەست د دەما سەردانا مەحەمد جەواد زەریف وەزیرێ دەرڤە یێ ئیران بۆ ھەولێرێ ئاریشە چێ ببن و ببە ئەگەرا نەھاتنا وەزیرێ دەرڤە یێ ئیرانێ. پارتی مەجبوور بو ب وی ئاوایێ پێشەازیێ ل شاندەیا یەكێتیێ بكە داكو سەردانا وەزیرێ دەرڤە یێ ئیران بێ ئاریشە و ب سەركەفتی دەرباس ببە.
