ئیران: تركیا راستیان دڤەشێرە
ڕۆژنامه‌یەكا ئیرانی ب سه‌ردێرا: بێده‌نگبوونا ترکیێ به‌رانبه‌ر نەخوەشیا كۆرۆنایێ دا دنڤیسه كو تركیا زانیاریێن ل سەر كەسێن ب ڤایروسا كۆرۆنایێ كەتنە ژ رایا گشتی را دڤەشێرە و ژمارا تمام یا نەخوەش و مریان ژ مەدیایێ را نادە. ڕێخستنا ته‌ندورستیا جیهانی دایه زانین کو پشتی وه‌لاتێ چینێ، د جیهانێ دا وه‌لاتێن هه‌ری مه‌ترسیدار ترکیا و عه‌ره‌بستانا سعودیێ یه. ده‌وله‌تا ترکیێ و عه‌ره‌بستانا سعوودیێ هه‌ژمارا توشبو و مریان ئاشکه‌ره ناکن. ژ به‌ر وێ یه‌کێ ژی مه‌ترسیا ڤان ده‌وله‌تان ژ یا چینێ ژی خه‌رابتره. ل ترکیێ بهایێ ماسکه‌یا ۲ لیره‌یان بوو نھا ب ۲٥۰ لیره دفرۆشن و ل ترکیێ ب ده‌ھان هه‌زاران وه‌لاتیێن چینی هه‌نه.
ئاژانسا خه‌به‌ریا (تاسنم) ڕه‌خنه ل هه‌لوه‌ستێن ترکیێ یێن ل هه‌مبه‌ر ئیرانێ دگره و د ده‌ربارێ توشبویێن پەژیا كۆرۆنایێ دا ژی دبێژه: گه‌لۆ چاوا دبه كو د وه‌لاته‌کێ گه‌شتوگوزاری دا توشبویێن ڤێ پەژیا كۆرۆنایێ نەبن؟
هه‌روەها ئاژانسا خەبەریا تاسنم دده زانین کو ل هه‌موو باژارێن ئیرانێ ڕاستی ڤێ شه‌وابا كۆرۆنایێ هاتنه، ل ئەمرکا و ئه‌ورۆپایێ و گه‌له‌ک وه‌لاتێن دن ئه‌ڤ پەژیا كۆرۆنایێ هه‌یه، گه‌لۆ چاوا چێدبه کو ل وه‌لاته‌که وه‌کی ترکیێ یا گه‌شتیاری ئه‌ڤ پەژیا كۆرۆنا نەبە؟
هه‌روەها ڕۆژنامه دده زانین کو ترکیا ژ به‌ر شه‌رێ خوه یێ ل سوریێ و قه‌یرانێن ئابۆری ڤان توشبویێن شه‌وابا كۆرۆنایێ ڤه‌دشێره و ئاشکه‌را ناکه.
ڕۆژنامه‌یا سازه‌نده‌گی یا ئیرانی ب سه‌ردێرا: بێده‌نگبوونا ترکیێ به‌رانبه‌ر نەخوەشیا كۆرۆنایێ دا دنڤیسه: ڕێخستنا ته‌ندورستیا جیهانی دایه زانین کو پشتی وه‌لاتێ چینێ،د جیهانێ دا وه‌لاتێن هه‌ری مه‌ترسیدار ترکیا و عه‌ره‌بستانا سعودیێ یه. ده‌وله‌تا ترکیێ و عه‌ره‌بستانا سعوودیێ هه‌ژمارا توشبو و مریان ئاشکه‌ره ناکن. ژ به‌ر وێ یه‌کێ ژی مه‌ترسیا ڤان ده‌وله‌تان ژ یا چینێ ژی خه‌رابتره. ل ترکیێ بهایا به‌روو و ماسکه‌یا ب ۲ لیره‌یان بوو لێ نھا ب ۲٥۰ لیره‌یان دفرۆشن و ل ترکیێ ب ده‌ھان هه‌زاران وه‌لاتیێن چینی هه‌نه.
