سیاسی

ئێدی ئۆجەلان ژ بۆ پەكەكێ بوویه‌ بابه‌ته‌ک پرۆپاگانده‌یێ

ئه‌ڤه‌ ده‌مه‌ک بوو هه‌ڤدیتن د گه‌ل عەبدۆلا ئۆجەلان و گرتیێن دن یێن ل ئیمرالیێ ھاتبوون راوەستاندن. ده‌ردۆرا پارتیا كاركەرێن كوردستانێ (پەكەكە) ژی ئه‌ڤ یه‌ک وه‌ک ته‌جریته‌کی ل هەمبه‌ر ئۆجەلان ژ رایا گشتی دادا ناساندن ل دئژی تەجریدل، وەكە ەو دبێژن،ده‌ست ب چالاکیان کرن.
ل گۆر داخوویانیا پارێزه‌رێن ئۆجەلان، مالباتا ئۆجەلان سه‌ردانا ئیمرالیێ کر و د گه‌ل ئۆجەلان هه‌ڤدیتنه‌ک پێکانین. ژ بلی ئۆجەلان ئۆمه‌ر هایری کۆنار و ڤه‌یسی ئاکتاش ژی ل ئیمرالیێ گرتینه‌ و هه‌روه‌ها مالباتا وان ژی سه‌ردانا ئیمرالیێ کرن.

پرس نه‌ پرسا ئۆجەلان و ته‌جریت یان ژی هه‌ڤدیتنایه‌. پرس ئه‌وه‌ کو سیاسه‌تا پەكەكێ و ئۆجەلان د هنده‌ک پێڤاژۆیان دا چقاسی ب هه‌ڤره‌ دگونجه‌. تێ زانین کو ده‌مه‌ک درێژه‌ پەكەكە گوه ناده‌ داخوازیێن ئۆجەلان و بریارێن وی پشتگوھ دخن. لێ د پراتیکێ دا ژ بۆ ئۆجەلان چالاکیان دكن و وی ژ بۆ پرۆپاگانده‌یا خوه‌ ب کار تینن. ئێدی ئۆجەلان ژ بۆ ڕێڤه‌به‌ریا پەكەكێ بوویه‌ بابه‌ته‌ک ئا پرۆپاگانده‌یێ. د ڕاستیا خوه‌ دا‌ ته‌جرید ئا هه‌ری مه‌زن ڕێڤه‌به‌ریا پەكەكێ دانیه‌ سه‌ر ئۆجەلان. لێ که‌سه‌ک ناخوازه‌ ڤێ یه‌کێ ببینه‌.

د هلبژارتنێن داویێ یێن شه‌رەداریێن ترکیێ‌ دا، حكومەتا تركیێ رێ ڤەكر ھەڤدیتن ب ئۆجەلان را بھێب كرن و د وان ھەڤدیتنان دا سەرۆكێ زیندانیكریێ پارتیا كاركەرێن كوردستانێ چەند پەیام ژ ھەدەپێ را شاندن كو د ھلبژاتنا شاراداریا ستەنبۆلێ دا بێ ئالی بمینن دەنگ ب بەربژێرێ جەھەپێ ئەكرەم ئیماموگلۆ نەدن، لێ پەكەكە/ھەدەپێ قه‌ت گوه نه‌دان داخوازیا ئۆجەلان و ئه‌و ژ ده‌رڤەی هه‌موو تشته‌کی هشتن و دەنگ ب بەربژێرێ جەھەپێ دا. لێ ده‌ما به‌هسا ئاشتی و پرسا چاره‌سه‌ریه‌کێ ل تركیێ دھێتە كركن ئەو ل گۆر خوه‌ دکن جاردن وه‌ک ناڤونیشان ئیمرالیێ ددن پێش. ئه‌ڤ یه‌ک ژ ئالیێ خه‌لکێ ڤه‌ گه‌له‌ک ناھێتە دیتن و زانین‌.

هنده‌ک باسكێن د ناڤا پەكەكێ دا‌ هه‌ولددن ده‌مرتاش وه‌ک به‌دیلێ ئۆجەلان بدن ناساندن و بنن پێش، لێ ده‌مرتاش ب خوه‌ ژی ھەر دەم پەسن و وه‌سفێ ئۆجەلان دده‌. نها ئینسانه‌ک کو ئیرادەیا خوه‌ ته‌سلیمی ئۆجەلان کربه‌ و گۆتبه‌ کو “ ئۆجەلان ئیرادا مه‌ یه‌“ و ئه‌ڤ یه‌ک باوەریا وی بە‌، گه‌لۆ دێ چه‌وه‌ بکاربه‌ ببه‌ به‌دیلێ ئۆجەلان؟

ھەدەپە ژ هه‌موو ده‌می پتر هه‌ولدده‌ کو به‌رب ترکیه‌بوونێ ڤه‌ هه‌ره‌، لێ ئه‌و ھەدەپێ قه‌بوول ناکن. هه‌تا ڤێ گاڤێ‌ ژی نه‌وێرن به‌حسا هه‌ڤکاریا ئا‌شکه‌را‌ د گه‌ل ھەدەپێ بکن. کۆنگره‌یا داوی یا هەدەپێ دا تشته‌ک نه‌هات گوهه‌رتن. هه‌ڤسه‌رۆ‌کەك چوو یه‌ک دن هات. لێ د خه‌تا سیاسه‌تێ دا‌ چ گوهه‌رتن نه‌بوون.

ئه‌ڤ هه‌ڤدیتنا داوی یا ئۆجەلان دێ جاردن بابه‌ته‌ک نوو یا گۆتوبێژێ ده‌رێخه‌ هۆلێ‌. حه‌سابێن ئه‌ردۆگان و حوکومه‌تێ ل سه‌ر ئۆجەلان هه‌نه‌، دێ جاردن هنده‌ک تشتان ب ئۆجەلان بدن گۆتن. گه‌له‌ک ڤه‌کری ئۆجەلان هێدی ژ ده‌رێ سیاسه‌تا ده‌ستهلاتا ترکیێ چ داخوویانیه‌کێ ناده‌ و هه‌ر تشت دێ ل گۆر داخوازیا وان بە.

Back to top button