ئێکگرتن و ئێکرێزيا ناف مالا کوردی د ڤی دەمی دا گەلەک گرنگە. كومبوونێت شاندێ هەرێما کوردستانێ ب سەرۆکاتيا مەسرور بارزانی سەروکێ حکومەتا هەرێما کوردستانێ ژ بۆ چارسەرکرنا هەموو وان کێشەێن ناڤبەرا حکومەتا هەرێما کوردستانێ و بەغدایێ دا پێنگافەک گرنگ بوو، لێ یا ژ هەموویان گرنگتر بو هێزتر ئێکگرتن و رێکخستن و لێکنێزکرنا پارتیێن هەرێما کۆردستانێ یە، پشتی سەرۆکوەزیر مەسرور بارزانی سەردانا بەغدایێ کری دیارکر بۆ لایەن و پارتیێن سیاسی کو ئێکگرتن بوویە ئەگەرێ سەرکەفتنێ و دڤێت ژی ب رێیا دەستووری سەرەدەری دگەل کێشەیێن ناڤخوە بھێتەکرن و ئەو کێشەێن ناڤبەرا هەرێم و بەغدایێ دا بھێنە چارەسەرکرن. سەرۆکوەزیرێ هەرێما کۆردستانێ دگۆتارا خوە دا گوت: “
دڤێت رێز ل سەروەرییا یاسایێ بھێتەگرتن و فەرە ھەموو کێشە بهێنە چارەسەرکرن، ب تایبەت کێشا موچەیی و هنارتنا پشکا بودجەیێ و داهاتێ هەرێما کۆردستانێ.” دیسان گەلەک گرنگە ئەڤرۆ هێز و پارتیێن سیاسی د ئێکگرتی بن و دڤێت داکۆکیێ ل هندێ بکەن ب رێیا دەستوورێ سەرەدەریێ دگەل وان بهێتەکرن ئەو کێشەیێن هەلاویستی چارەبکەن و ئێکگرتنا وان ببیتە ئەگەرێ سەرکەفتنان، چونکی ئێکگرتن گەرەنتییە بۆ سەرکەڤتنێ، ھەروەسا هێز و سەرکەفتن گرنگە بـۆ دەستڤەئینا هەموو مافێن گەلی کورد ب ئێکگرتن و هێزا پارتیێن سیاسی و بزاڤاکرن دەستڤەئینانا مافـێن گەلێ کوردستانێ، ئێکگرتن و تێکەلبوونا ئالیێن سیاسی فەرە و ئێک ژ ئارمانجێن سەرەکی و گرنگترین هەولدانا بۆ رێکخستن و ئێکرێزیکرنا ناڤ مالا کوردی، ژبەر ڤێ چەندێ گرنگە هەموو حزب بریاربدەن ژ نۆکە وێڤە وەکی هێزا ئێکدەست یا کوردستانێ کاربکەن بەرامبەر بەغدایێ و بەردەوام بن ب ئێک ئاراستە و ب ئێک رێک کار بکەن. گرنگه هەر ژ ئەڤرۆکە ل بەغدایێ و ل هەرێما کوردستانێ د گۆرەپانا سیاسی، کۆمەلایەتی، مەدەنی، ئەڤا کۆ پێدڤی بیت خەباتێ بۆ بکەین و پێکڤە دبەردەوام بین.
هەرنۆکە ئێکگرتنا حزبا دکوردستانێ د پێنگاڤەک چارەسەرە ب ئێکرێزێ و رێکخستنا ناڤمالا کوردی گەلەک گرنگە و تێکەڵبوونا پارتێن سیاسی و هەم گەلەک کاریگەرە بـۆ وێ چەندێ ئێک هەڵویست دناڤ حزبێن کوردستانێ دا دروست ببیت.
ئومێدەوارین ئەف کومبوونە ل عێراقێ و تایبەت هێزا پارتیێن هەرێما کوردستانێ ببیتە ئەگەرێ ئێکگرتن و ڤیانێ د ناڤبەرا پارتیێن کوردستانی دا ژ بۆ خزمەتکرنا مللەتێ کورد.
فەرە نها بێژین بەلێ بۆ دروشمێ ئێکگرتن و ئێکرێزیێ ئێکانە رێیا چارەسەریێ و لێکنێزیكکرنا ئالیێن سیاسی یێن کوردی و کارکرن ژح بۆنا بدوماهیک ئینانا هەموو کێشە و ناکۆکیان .
مووسا خالد- دهۆک
