مهزلووم ئهبدی دبێژە کو، دهربارێ تهڤلیبوونا هێزێن لهشکهری یێن هەسەدێ بۆ ناڤ هێزێن ئارتەشا سوەیێ لهەڤتێگەهشتنک هەیە، لێ هندەک دۆسیهیێن دهستووری ژ بۆ چارهسهریا وان دەم پێویسته.
فهرماندارێ (هەسەد)ێ مهزلووم ئهبدی د چارچۆڤهیا بهشداریهکا ئۆنلاین د جڤینهکێ دا ژ بۆ پشتهڤانیا کۆمیتەیا هەسەدێ یا دانووستاندنان ب حکوومهتا شامێ را گۆت: ئهو نها ل گۆری بهرژهوندیێن گشتی ب حکومەتا شامێ را گەهشتنه هندەک لههڤتێگهشتنان دهربارێ تهڤلیبوونا هێزێن هەسەدێ ب ئارتەشا سوەرێ را. هندەک دۆسیهیێن دهستووری ههنه کو دهم ژ چارهسهریا وان را لازمە
ئهبدی تەکەزی ل سەر وێ یەکێ کرکو، چارهسهری ل سووریێ دڤێ نهناڤهندی به، هەموو پێکهاتەیێن سوریێ د سیستەما رێڤەبرنا وەلات دا بەشدار بن و گەلەک مژار هەنە دانووستاندنێن بهرفرهه ژ وان را پێویستن دا کو نوونهراتیا ههموو کهسان بکه.
دهربارێ دۆسیهیا دهرگههێن سینۆری و سامانێن ژێرئهردی، مهزلووم ئهبدی دا زانین کو، نێرینا وان و حکومهتا شامێ یا ههڤبهش دهربارێ دهرگهه و سینۆران ههیه و گۆت سامانێن ژێرئهردی ژی بۆ ههموو سووریانن.
فهرماندارێ هەسەدێ د داویا گۆتنا خوه دا گۆت ژی، ئهو دخوازن خهلکێ دهڤهرێ ب خوه ڕێڤهبهریا دهڤهرا خوه بکن و ئهڤ یهک د چارچۆڤهیا دهستووری دا به.
