سه‌رۆکێ گشتی یێ پارتیا ڕه‌فاهێ، فاتح ئه‌رباکان، د چارچۆڤه‌یا ٦ه‌مین سالڤه‌گه‌را دامه‌زراندنا پارتیا خوه دا د کۆنفەرەنسەکا رۆژنامەڤانی دا بەرسڤا پرسێن ڕۆژنامه‌ڤانان ئێن دا.
ژ ئه‌رباکان پرسه‌ک هات کرن:
پرس: وه به‌رێ ژی گۆتبوو هوون ئالیگرێ چاره‌سه‌ریێ نه. هوون چاره‌سه‌ریه‌ک چاوا دخوازن؟ هوون ل سه‌ر داخوازا باخچه‌لی یا هه‌ڤدیتنا ئیمرالیێ و ئۆجالان چ دفکرن؟”
ئه‌رباکان: ئه‌م ب توندی ل دژی وێ گۆتنێ نە کو ئۆجەلان ل مه‌جلیسێ بئاخڤە. چو دانووستاندن ب سه‌رکرده‌یه‌کێ ته‌رۆریست را نایێ کرن.
“تشتێ کو دوهی وه‌کی لیده‌ره‌کی ته‌رۆریست و کوژه‌رێ زارۆکان ئیعلان دکرن، ئیرۆ وه‌که ده‌ستهلاتداریا دانوستاندنێ دبینن. ئه‌م ب توندی ل دژی مژارێن وه‌کی ئازادیا ئۆجەلان ئان ژی هاتنا وی یا ل پارلامه‌نتۆیێ نه. پێنگاڤه‌ک وها بێحورمه‌تییێ ل بیرانینا شه‌هیدێن مه دکه و ده‌وله‌ت و مله‌تێ مه بێچاره خویا دکه. ئه‌ڤ تێ واته‌یا کو، مه ٤۰ سال تێکۆشین کر، ب سه‌ر نه‌که‌ت، وه‌رن مه خلاس بکن.
ئه‌ڤ ژی نێزیکاتیه‌که کووره کو مرۆڤ بفکره دێ پەکەکە ته‌نێ ب بانگا ئۆجەلان چه‌کان ده‌ینه. هه‌ر وها نیشان دان کو ب ئێریشا توساسێ یا د وان ڕۆژان دا نیه‌تا وان نینە کو چه‌کان ده‌ینن.
پرسگرێکا مه یا سه‌ره‌که هه‌بوونا پەیەدێ و یەپەگێ یه. ل کێله‌کا مه ئارتێشه‌کا ته‌رۆریست هه‌یه. هه‌ر جوره چه‌ک و ئالاڤێن وان هه‌نه. مه دیار کر کو که‌سێن د بن سیوانا پەکەکێ دا نه به‌سه کو چه‌کان به‌رنه‌دن. ئه‌م دبێژن ئه‌م ب توندی ل دژی ئازادیا ئۆجەلان و مافێ وی یێ هێڤیێ و ئاخافتنا وی یا ل مه‌جلیسێ نه.
‘دڤێ گه‌لێ هه‌رێمێ مافێ خوه ب ده‌ست بخه
“مافێن کو گه‌لێ مه ژ هه‌موو پێکهاته‌یان بێپارن و دخوازن ب پارتیێن سیاسی، گه‌ل و سه‌رۆکێن عه‌شیرێن هه‌رێمێ را بێن گۆتووبێژکرن. نه گونجاوه کو مرۆڤ خیتابی ئۆجەلان بکه. دڤێ موزاکه‌ره‌یێن کو زرارێ نه‌ده یه‌کپارچه‌بوونا ترکیه‌یێ بێ کرن. ب ڕاکرنا قاتلێ ب هه‌زاران گه‌لێ مه ئۆجەلان را موزاکه‌ره نایێ کرن.
گه‌ر پێڤاژۆیه‌ک چاره‌سه‌ریێ هه‌به بلا ببه، گه‌ر تێ کرن بلا بێ کرن. دڤێ گه‌لێن ل وێ هه‌رێمێ مافێن کو ژ وان بێپارن بێن دایین. بلا هه‌ر وه‌لاتی ببه خوه‌دی مافێن وه‌کهه‌ڤ. “ئه‌م نە ب دانووستاندنێن ب سه‌رۆکێ ته‌رۆریست را نە.”
“باخچه‌لی دخوازه ئه‌ردۆگان دیسا ببه سه‌رۆکۆمار”
“پشتی مینێن کو ژ ئالیێ باخچه‌لی ڤه هاتین ته‌قاندن ل سه‌ر مه‌دیایا جڤاکی شرۆڤه‌یێن جودا تێن کرن. باخچه‌لی ڤان تشتان دبێژه، لێ مین ژی د ناڤ له‌پێن وی دا دته‌قه. دفکرین کو ب خوه‌دیکرنا سه‌رۆکه‌کی کو ئه‌ڤ ٥۰ سالن ب ڕێیا وه‌لات و مله‌تێ خوه سیاسه‌تێ دکه، دێ گه‌ل ڕازی بکن.
ئه‌ز نه باوه‌رم کو باخچه‌لی بێیی ئاگاهیا ئه‌ردۆگان داخویانیان بده، گاڤان باڤێژه. ب ئاکتۆره‌کی نه‌ته‌وپه‌ره‌ست پێڤاژۆیه‌کا وها دان ده‌ستپێکرن و ب یه‌کتیێ ده‌وام دکن. ل ئالیێ دن باخچه‌لی گۆت چما ئه‌ڤ ئینسیاتیف کریه و خوه‌ستیه ئه‌ردۆگان جاره‌کا دن بکه نامزه‌ت. وی گۆت کو ئه‌و دخوازن ب ٤۰ زێده ۱ پشتگرییا کۆما پارتییا ده‌مێ وه‌ربگرن، گه‌ر کو ده‌رفه‌ت هه‌به و ئه‌و دخوازن گوهه‌رتنێن ده‌ستووری یێن پێویست بێیی ڕه‌فه‌راندومێ بکن. دخوازه ئه‌ردۆگان دیسا بکه سه‌رۆککۆمار.
ژ ئالیه‌کێ ڤه ده‌ما دبێژن “دایک نه‌گرین” ب ڕاستی ژی ئارمانجا خوه یا ڕاستی تینن زمان.
“زمانێ زکماکی مافه”
ئه‌رباکان، دیار کر کو ئه‌و ئالیگرێ کیژان چاره‌سه‌ریێ یه، ده‌ستنیشان کر کو دڤێ ڕێ ل پێشیا هه‌ر که‌سێ کو دخوازه هینی کوردی ببه بێ ڤه‌کرن. وی پێشنیارێن خوه وها ڕاڤه کر:
“په‌روه‌رده‌یا ب زمانێ دایکێ مافه‌که. زمانێ په‌روه‌رده‌یێ ل دبستانێن فه‌رمی ترکی یه، لێ کوردی دکاره ببه ده‌رسا هلبژارتی ئان ژی ل زانینگه‌هێن تایبه‌ت بێ دایین. دڤێ د ده‌ستوورا بنگه‌هین یا مه دا پێناسه‌یا وه‌لاتیبوونێ نه‌یێ گوهه‌رتن، ڕێڤه‌به‌ریێن هه‌رێمی بێن خورتکرن. ژ به‌ر ڤێ یه‌کێ یه‌کتی و هه‌ڤگرتنا ترکیه‌یێ حه‌لال نابه. زمانێ مه یێ ڕه‌سمی ترکی یه، ناگوهه‌ره. زازاکی، ئەلبانی، گورجی هه‌یه. گه‌ر ئه‌ڤ هه‌می فه‌رمی ببن، دێ کائۆس چێببه.”
