سهرۆککۆمارێ ترکیێ ڕهجهپ تەیپ ئهردۆگان، “برایێ من یێ کورد باش دزانه کا جهلاد کی یه.”
ئهردۆگان ههر وها بهرتهک نیشانی داخویانیا بارهگههێ بارزانی یا ل ههمبهری دهولهت باخچهلی دا.
ڕهجهپ تەیپ ئهردۆگان سهرۆککۆمارێ ترکیێ و سهرۆکێ گشتی یێ ئاک پارتیێ د جڤینا کۆما پارتییا خوه یا ل پەرلەمهنتۆیا ترکیێ دا ئاخڤی.
ئهردۆگان ب گۆتنێن توند بهرسڤا سهرۆکێ گشتی یێ جەهەپێ ئۆزگور ئۆزهل دا و گۆت:
“سیبەرا خوه ل سهر مه نهکه، ئهم قهنجیێ ژ ته ناخوازن. هوون ههرن ل سهر ههڤ کۆنگرهیان لدار بخن، ب مهسهلهیێن خوه یێن ناڤخوهیی ڤه مژوول ببن، د ناڤ وێ پیسیتیا کو هوون ههتا قرکا خوه تێ دا نه دا یێن گهندهلیێ دکن پاقژ بکن و سیبەرا خوه ل سهر مه نهکن، ئهو بهسی مه یه.”
“برایێ من یێ کورد باش دزانه جهلاد کی یه”
ئهردۆگان دیار کر کو جەهەپە کهسێن وهکی کلچدارۆگلو ب “جهلادبوونێ” تۆهمهتبار دکه و وها ئاخڤی:
“دبێژن پشتگریا دهم پارتییێ یا ژ بۆ پێڤاژۆیێ سهندرۆما ستۆکهۆلمێ یه. مرۆڤ پاشهرۆژا خوه، سجلا خوه یا ڕهش دزانه.
دڤێ مرۆڤ ژ وی جامێری بپرسه، ته د تهمهنێ خوه دا قهت دیرۆکا جەهەپێ یا تژی لهکهیێن شهرمێ نهخوهندیه؟
دبه کو تو نزانی کا کی جهلادە و کی مهخدووره؟ لێ برایێ من یێ کورد باش دزانه جهلاد کی یه.”
“بلا ل دیرۆکا جەهەپێ بنێره”
ئهردۆگان گۆت کو بلا ئۆزهل ل دیرۆکا پارتییا خوه بنێره و وها بەردەم کر:
“بلا برێز ئۆزهل ههدهفێ شاش نهکه، ئهگهر جهسارهتا وی ههبه و بخوازه جهلاد ببینه بلا ل نهینکێ، ل دیرۆکا خوه، ل رابردویێ جەهەپێ بنێره، دێ جهلاد ل ور ببینه.”
سهردانا سهرۆک بارزانی یا جزیرێ
ئهردۆگان د بهشهکا ئاخافتنا خوه دا بهحسا سهردانا سهرۆک مهسعود بارزانی یا ناڤچهیا جزیرێ و داخویانییا بارەگەهێ بارزانی یا ل ههمبهری سهرۆکێ گشتی یێ مەهەپێ دهولهت باخچهلی کر.
ئهردۆگان ل سهر داخویانییا بارەگەهێ بارزانی گۆت، “ئهز دخوازم دیار بکم کو ئهم داخویانیێن بێرێز و بێحهد یێن کو ل سەر سهرۆکێ گشتی یێ مەهەپێ برێز باخچهلی هاتین کرن، قهت قهبوول ناکن و نایێن قهبوولکرن.
داخوازا زەلالکرنێ هاتیه کرن. دڤێ ژ ڤێ خهلهتیا گران ڤهگهرن.”
