ئەمریكا دچە كەركووكێ و تركیا دچە سلێمانیێ
سەرۆكێ ئەمریكایێ، دونالد ترمپ، د جڤینەكا حكومەتا خوە دە بەحسا نەفتا د دەستێ كوردان دا كربوو و گۆتبۆ: ھندەك پەترۆل د دەستێ كوردان دا ھەیە و وێ ژی دفرۆشن ئیرانێ و ئەم نكارن ڤێ یەكێ قەبوول بكن.
مەرەما سەرۆكێ ئەمریكایێ ژ ڤێ یەكێ ئەو نەفتا د دەستێ پەیەدێ دا ل رۆژاڤایێ كوردستانێ كو ب رێیێن قەچاخ ب ئالیكاریا رژێما سوریێ دفرۆشێن ئیرانێ و ب تایبەتی مەرەما ترمپ نەفتا كەركووكێ بوو كو چەند بەرپرسێن یەكێتیێ دگەل بەرپرسێن حەشدا شەعبی ب تانكەران دبەن ئیرانێ، بوو.
د رۆژێەكێ دا 60 ھەزار بەرمیلێن پەترۆلا كەركووكێ ب تانكەران دچە كرمانشاھێ تەسلیمی ئیرانێ دبە و پارێ وێ نەفتێ دكەڤە بەریكا ھندەك بەرپرسێن یەكێتیێ و ھندەك بەرپرسێن حەشدا شەعبی. شركەتا سۆمۆ یا پەترۆلا عیراقێ پرۆژەیەك ھەیە كو نەفتا كەركووكێ ب رێیا بۆریەكێ ببە ئیرانێ و ئەڤ یەك ژی ل حەسابێ ئەمریكایێ ناھێت.
پئشتی ڤێ داخویانیا سەرۆكێ ئەمریكایێ، لەشكەرێ ئەمریكایێ یێ ژ سوریێ ڤەدكشە دچە كەركووكێ ل سەربازگەھا كەیوان ب جھ دبە داكو ژ وێرێ كۆنترۆلا نەفتا كەركووكێ بكە و ئەو پەترۆلێ ئێدی نەچە ئیرانێ.
ژ ئالیەك دن ڤە، پشتی سەردانا سەرۆكۆمارێ عیراقێ، بەرھەم سالح، بۆ تركیێ. دێ یەكێتی قۆناخا دویەم ژپلانا نەھێلانا پەكەكێ ل دەڤەرا سلێمانیێ دەست پێ بكە.
وەكە ئەم دزانن قۆناخا یەكەم گرتنا بارەگایێن تەڤگەرا ئازادی یا سەر ب پەكەكێ ڤە و قەدەخەكرنا چلاكیێن وێ بوو.
دئ قۆناخا دویەم دا تێ چاڤەرێكركن پەكەكە ل بەرخوە بدە و شەرێ یەكێتیێ بكە و یەكێتی ژی دێ رێ بدە لەشكەرێ تركیێ بچە سلێمانیێ ئالیكاریا یەكێتیێ بكە.
