پشتی ده‌ستپێکرنا شۆره‌شا سووریێ د سالا 2011ێ دا، سه‌رۆک مه‌سعود بارزانی پلان و ستراتیژیه‌که تایبه‌ت ژ بۆ ڕۆژاڤایێ کوردستانێ هه‌بوو. سیاسه‌تمه‌داره‌کی دێرین ژ ڕۆژاڤا دبێژه، هه‌ر ژ سه‌رده‌ما بارزانیێ نه‌مر ڤه و هه‌یا سه‌رۆک مه‌سعود بارزانی، پەدەکە دخوازه کوردێن ڕۆژاڤا بگەهن مافێ خوه.
ژ به‌ر کو هه‌رێما کوردستانێ هه‌رێمه‌کا ده‌ستووری یه و پا‌رچه‌یه‌کا ئازادکری یه، سه‌رۆک بارزانی کو سه‌رۆکێ هه‌رێما کوردستانێ بوو د ده‌ما ده‌ستپێکرنا شۆره‌شا سووریێ دا، پارتیێن سیاسی یێن ڕۆژاڤایێ کوردستانێ کۆم کرن و ژ وان ڕا گۆت: هوون یه‌کگرتی بن هه‌رێما کوردستانێ دێ مالا وه یا مه‌زن به و ئه‌م دێ پشته‌ڤانیا وه بکن د ستا‌ندنا هه‌موو ماف و ده‌ستکه‌فتیان دا.
ده‌ربارێ وێ یه‌کێ ده، سه‌لاح به‌دره‌دین پسپۆرێ سیاسی ژ ڕۆژاڤایێ کوردستانێ دبێژه: “سه‌رۆک بارزانی ژ بۆ ڕۆژاڤایێ کوردستانێ پرۆژه‌یه‌که وی مه‌زن هه‌بوو. ئالیێن ڕۆژاڤایێ کوردستانێ کۆم کر و 3 ڕێکه‌فتن د ناڤبه‌را وان دا هاتن ئیمزا‌کرن، کو هه‌موو ب هه‌ڤره کار بکن، ژ بۆ کو د پاشه‌رۆژا سووریێ دا مافێن کوردان گاره‌نتی بکن و د ده‌ستوورا سووریێ دا کورد ببن خوه‌دی ڕێڤه‌به‌ریه‌کێ.”
لێ پەیەدە و ته‌ڤ-ده‌م ژ هه‌موو ڕێکه‌فتنان پۆشمان بوون و سۆزێن خوه نه‌برنه سه‌ری. ده‌ربارێ وێ یه‌کێ دا، به‌دره‌دین دبێژه: “دڤێ ئه‌م ب زه‌لالی بێژن کو بریارێن پەیەدێ د سه‌ر وان دا بۆ دھێن،ژ پەکەکێ دھێن. له‌وما ئارمانجا وان ئه‌وه کو کورد نه‌یه‌کگرتی بن، ژ بۆ کو ده‌ستێ خوه ده‌ینن سه‌ر هه‌ر تشتی. ئه‌و ناخوازن پرۆسه‌یا ئاشتی و ده‌مۆکراسیێ بسه‌ر نه‌که‌ڤه و ته‌نێ حکمێ یەك حزب و یەك ئادیالۆژی هه‌به.”
نها ئه‌نەکەسە و پەیەنەکە ب ده‌ستپێشخه‌ریا مه‌زلووم کۆبانی و ب چاڤدێریا ئەمریکایێ دانوستاندنێن رێكخستنا ناڤ مالا لوردی ل تۆژاڤایێ كوردستانێ دکن و هه‌ردوو ئالیان ڕێکه‌فتنا دوهۆکێ یا کو ب سه‌رپه‌رشتیا سه‌رۆک بارزانی بوو، کرنه بنگه‌ه ژ بۆ ڕێکه‌فتنا خوه یا داوی.
ده‌ربارێ وێ یه‌کێ دا سه‌لاح به‌دره‌دین دبێژە: “ئەمریکا ژ بۆ لهه‌ڤکرنا کوردێن ڕۆژاڤا، پرۆژه‌یا سه‌رۆک بارزانی یا د ڕێکه‌فتنا دوهۆکێ دا قه‌بوول کریه. به‌ریا کو ئەمریكا وێ پرۆژه‌یێ قه‌بوول بکه ئه‌گه‌ر پەیەدێ قه‌بوول کربا نها ڕه‌وشا ڕۆژاڤایێ کوردستانێ دێ نه ئه‌ڤ حالێ كوردا نە ئەڤ حال بایە و دێ کورد به‌لاوه‌لا نه‌دبوون، لێ پەیەدێ نه‌کر.”
ل گۆر سه‌لاح به‌دره‌دین : “دڤێ پەکەکە ژ ڕۆژاڤایێ کوردستانێ ئیعبره‌ته‌کێ بگره و ده‌ستێ خوه نه‌خه ناڤا کارێ باشوورێ کوردستانێ، ژ بۆ کو ڤێ هه‌رێمێ ژی خه‌راب نه‌کن. دڤێ پەیەدە ڤێ ده‌ستکه‌فتا مه‌زن یا کوردان ژناڤ نه‌به. ل شوونا کو پەکەکە پشته‌ڤانیا هه‌رێما کوردستانێ بکه، دژایه‌تیا وێ دکه و ده‌ستێ دژمن دکشینه ناڤا هه‌رێما کوردستانێ.”
