نێچیرڤان بارزانی سه‌رۆکوه‌زیرێ کوردستانێ د جڤینەكێ دا داخواز ژ شاندەیا ئەمریكایێ كر كو ل سەر ھەولێن خوە ژبۆ ل ھەڤ نێزیكرنا ھەولێر و بەغدایێ بەردەوام بە.
نێچیرڤان بارزانی سه‌رۆکوه‌زیرێ کوردستانێ، ڕۆژا سێشه‌مێ 11.12.2018ێ ل باژارێ هه‌ولێرێ، دگه‌ل ڕیک په‌ڕی، وه‌زیرێ ئه‌نه‌رژیێ یێ ئەمه‌ریکایێ و شانده‌یا پێ ڕها جڤیا.
په‌ری و شانده‌یا پێ ڕه کێفخوه‌شیا خوه ل هه‌مبه‌ر سه‌ردانا بۆ هه‌رێما کوردستانێ نیشاندا و ته‌کید کر کو حکومه‌تا ئەمه‌ریکایێ دێ ل سه‌ر پشته‌ڤانیکرنا بجھبوونا ئارامیێ ل عیراقێ و هه‌رێما کوردستانێ و دانووستاندنێن ناڤبه‌را هه‌ولێر و به‌غدایێ یێن ژ بۆنا چاره‌سه‌رکرنا پرسگرێکێن نا ناڤبه‌را هه‌ردوو ئالیان دا، به‌رده‌وام دبه.
شانده‌یا مێڤان قوربانیدانێن هه‌رێما کوردستانێ یێن شه‌رێ دژی داعیشێ دانە بلند نرخاندن.
نێچیرڤان بارزانی سپاسیا سه‌ردانا شانده‌یا ئەمه‌ریکایێ بۆ هه‌رێما کوردستانێ کر و گۆت کو هه‌رێما کوردستانێ ڤێ سه‌ردانێ وه‌که پشته‌ڤانیه‌ک ژ بۆ خه‌لک و حکومه‌تا هه‌رێما کوردستانێ دبینه، هه‌ر وه‌که کا چاوا ئەمه‌ریکا دگه‌ل هه‌ڤپه‌یمانان د شه‌رێ دژی داعیشێ دا پشته‌ڤان و هه‌ڤکار بوو و گرنگیا به‌رده‌وامیا وێ هه‌ڤپه‌یمانیێ ب پێویست زانی.
سه‌رۆکوه‌زیر نێچیرڤان بارزانی سپاسای ئەمه‌ریکایێ کر کو به‌رده‌وام لێدخه‌بته هه‌ولێر و به‌غدایێ نێزیکی هه‌ڤ بکه کو پرسگرێکان چاره‌سه‌ر بکن، و د ڤێ چارچۆڤه‌یێ دا، به‌رهه‌ڤیا هه‌رێما کوردستانێ ژ بۆنا چاره‌سه‌رکرنا ته‌ڤ پرسگرێكا ب ڕێیا دیالۆگێ نیشان دا.
بارزانی هێڤی خوه‌ست کو ئەمه‌ریکا ڕۆل بلیزه کو عیراق نه‌فتا که‌رکووکێ ب ڕێیا بۆریا هه‌رێما کوردستانێ بۆ ده‌رڤه بشینه و هه‌ر ژ ده‌ستپێکێ هه‌رێما کوردستانێ ئاماده‌کاریا خوه د ڤی وارید ه نیشان دا بوو و ئه‌ڤ یه‌ک د به‌رژه‌وه‌ندیا هه‌موو عیراقێ دا یه.
