ل گۆر رۆژنامەیا الشرق الأوسط (٣\١٠\٢٠٢٥) چەند بەرپرسێن ئامه‌ریکی و ئیراقی ژێ را گۆتیە کو واشینگتۆن هه‌ول دده کو رێکەفتنا په‌ترۆلێ یا ڤێ داویێ د ناڤبه‌را بەغدایێ و هه‌ولێرێ دا هاتی ئیمزا کرن، کو بوو سه‌ده‌ما ژ نوو ڤه ده‌ستپێکرنا هنارده‌کرنا په‌ترۆلا خاڤ ژ هه‌رێما کوردستانێ بۆ ترکیێ، رێکەفتنەک ده‌مدرێژ بە و دنڤیسە.
“رێڤه‌به‌ریا سه‌رۆک دۆنالد ترەمپ دخه‌بته دا کو پشتراست بکه کو هنارده‌کرنا په‌ترۆلێ ژ هه‌رێما کوردستانا ئیراقێ، کو پشتی ناڤبه‌ره‌که دو سالان ژ نوو ڤه ده‌ست پێ کریه، ژ بۆ ده‌مه‌ک درێژ به‌رده‌وام بکه”.
رۆژنامەیا الشرق الأوسط ژ زارێ ڕایه‌داره‌کی پایه‌بلند یێ وه‌زاره‌تا ده‌رڤه گۆت کو ده‌وله‌تێن یه‌کبوویی یێن ئامه‌ریکایێ بالێ دکشینه سه‌ر مسۆگه‌رکرنا پێکانینا رێکەفتنا هنارده‌کرنا په‌ترۆلێ و بجیهانینا ئه‌رکێن خوه یێن دارایی،”.
واشینگتۆن د چه‌ند هه‌فته‌یێن بۆری دا خه‌بتی دا کو شیرکه‌تێن په‌ترۆلێ یێن ناڤنه‌ته‌وه‌یی ب حکومه‌تێن ئیراق و کوردستانێ را بینه جه‌م هه‌ڤ،کو وان خەنات و هه‌ولدانان ڕێ ل به‌ر رێکەفتنێ ڤه‌کرن.
ل گۆری مالپه‌رێ، ڕۆلا ئامه‌ریکایێ د ژ نووڤه ده‌ستپێکرنا شاندنا پەترۆلا هەرێما کوردستانێ ب رێیا بۆریان بۆ په‌راڤێن ده‌ریایا سپی ل ترکیه‌یێ دا دێ شانسێن به‌رده‌وامیا ده‌مدرێژ یا وێ رێکەفتنێ زێده بکه.
