ئەم ھەموو ب ھەڤرا تركیەیی نە
سه‌رۆکێ هەدەپێ یێ به‌رێ سەلاحەدین ده‌میرتاش چەن رۆژەكە ب ئاوایه‌کی داخویانیان دده و د وان پەیامان دا هه‌ولدده كو ل گۆر خوه باندۆرێ ل سەر سیاسه‌تا هەدەپێ بکه و ل گور دلێ خوە بگوھرینە. ده‌میرتاش ژ هەدەپێ پتر د ناڤا چه‌پێن ترک دا ناسكریە، د تەڤگەرێن خوە دا ئە زێدەتر خوە وەكە چەپەكێ ترك ددە ناسكرن. ئه‌ڤ یه‌ک ژی گەلەك بالکێشه.
ڤێ داویێ پارێزه‌رێن ده‌میرتاش سەردانا دادگه‌ها یاسایی كرن و داخوازا سه‌ربه‌ستبه‌ردانا ده‌میرتاش کرن. لێ دادگه‌هێ ئه‌و داخوازا پارێزه‌ران قەبوول نەكر و ھێشتا دەمیرتاش د زیندانێ دایە.
د داخویانانیا داویێ دا ده‌میرتاش به‌حسا هلبژارتنان ل تركیێ دكە . ده‌میرتاش دبێژه: “دێ هلبژارتنێن نھێن د دیرۆکا ترکیێ دا هلبژارتنێن هه‌ری گرنگ و باشبن. د ڤێ هلبژارتنێ دا دەرفەتا کو ده‌مۆکراسی ژ نووڤه و ب ڕاسته‌قێنی بێ ئاڤاکرن ده‌ردکه‌ڤه هۆلێ.”
سەلاحەدین ده‌میرتاش توتته‌ره‌ک خوه دا ژی دبێژه: “ترکیا یا مه هه‌موویانه. ئه‌م هه‌موو ب هه‌ڤرا ترکیەییی نه. ژ بۆ ڤێ یه‌کێ دڤێ ئه‌م ب هه‌ڤرا ڤی وه‌لاتی ڕێڤه‌ببن و پاشه‌رۆژا ڤی وه‌لاتی ب هه‌ڤرا ئاڤابکن. دڤێ ئه‌م ڤێ ئیراده‌یێ نیشان بدن.”
گەلۆ مەرەما دەمیرتاش ژ ھەڤۆكا “ترکیا یا مه هه‌موویانه. ئه‌م هه‌موو ب هه‌ڤرا ترکیەییی نه چیە؟ چما د ڤێ دەمێ دا كو تركیە نێزیكی ھلبژارتنان دبە ئەو ڤێ داخویانیێ ددە. ل ڤر دیار دبە كو دەمیرتاش دخوازە پارتیا كو وی بەرێ سەرۆاكتیا وێ دكر، ھەدەپە. دەنگ ب پارتیا كەمالیست جەھەپێ بدە.
