سه‌رۆکێ لیستا پارتیا ده‌مۆکراتا کوردستانێ (پدک) بۆ هلبژارتنێن پارله‌مانتۆیا کوردستانێ هێمن هه‌ورامی په‌یامه‌ک به‌لاڤ کر و “سه‌رکه‌فتنا مه‌زن” ئا پدکێ د هلبژارتنان ده راگهاند و گۆت: “پدکێ به‌ربه‌ستێ 40 کورسی ده‌رباس کر.”هێمن هه‌ورامی دبێژه: “سه‌رکه‌فتنا مه‌زن ئا پدکێ و پرۆسه‌یا هلبژارتنێن ب گه‌رمی ل سه‌رۆک مه‌سعود بارزانی، کادرۆ، ئه‌ندام، ئالیگر، جه‌ماوه‌رێ سه‌ربلندێ پدکێ، پێشمه‌رگه‌یێن قه‌هره‌مان و مالباتێن شه‌هیدان پیرۆز دکم. سه‌رکه‌فتنا لیستا 183 ب ده‌نگه‌کی مه‌زن و ب شانازی و ل گۆر ئه‌نجامێن نه فه‌رمی، پدکێ به‌ربه‌ستێ 40 کورسیێ د ناڤا پارله‌مانتۆیێ ده ده‌رباس کریه، ب پشته‌ڤانیا خوه‌دێ ئه‌نجامه‌که باش بده‌ست هاتیه.”سه‌رۆکێ ده‌زگه‌ها هلبژارتنان یا پارتیا ده‌مۆکراتا کوردستانێ خه‌سرۆ گۆران، پرەسكونفەرەنسەكێ ده، ئه‌نجامێن ده‌نگدانا هلبژارتنێن 30ێ ئێلوونێ تایبه‌ت ب لیستا پدک دیار کر، کو ئه‌و ئه‌نجامێن ده‌ستپێکی یێن هاتنه راگهاندن، ب ریا بریکارێن پدکێ بده‌ست وان که‌تنه و ئه‌نجامێن فه‌رمی ته‌نێ دێ ژ ئالیێ کۆمسیۆنا بلندا هلبژارتن و ڕاپرسیێ ڤه بێن به‌لاڤکرن.هه‌روها گۆت: 80% ژ ده‌نگان هاتنه جوداکرن، ته‌نێ 20 ژ سه‌دی مانه و ئه‌و ئه‌نجامێن ل به‌ر ده‌ستێن مه نه، یێن 80% نه.خه‌سرۆ گۆران زه‌لال کر، کو ژ رێژه‌یا 80%، پدک کاری 570 هه‌زار ده‌نگ کۆم بکه و ئه‌ڤ تێ واته‌یا 45% ژ کۆما وان ده‌نگێن هاتنه جوداکرن.گۆران دیار کر، کو ل گۆری پێشبینیان، وان بێتری 40 ژ سه‌دی ژ ده‌نگان ئانیه.ناڤهاتی گۆت ژی: ئه‌ڤ سه‌رکه‌تنه ژ پدک ره و ئه‌م ب ڤان ئه‌نجامان دلخوه‌شن.
ئەنجامێن ھلبژارتنا پارلامەنتۆیا كوردستانێ
