سه‌رۆکێ گشتی یێ مەهەپێ ده‌ڤله‌ت باخچه‌لی پێشوازیا شاندەیا ده‌م پارتییێ کو، سڕ سوره‌ییا ئۆنده‌ر، په‌رڤین بولدان و ئەحمه‌ت تورک پێک دهات کر.
ئەڤ شاندەیا ده‌م پارتییێ کو، ب ناڤێ شاندەیا ئیمرالیێ تێ ناس کن، پشتی هه‌ڤدیتنا داویێ یا ب ئەبدولا ئۆجەلان را، دو هه‌ڤدیتنێن گرنگ کرن. شاندەیا ده‌م پارتییێ هەڤدیتنا یەکەم ب سه‌رۆکێ مه‌جلسا ترکیه‌یێ نومان کورتولموش را کر کو، هه‌ڤدیتن ٤٥ ده‌قیقه‌یان ده‌وام کر. سڕ سوره‌ییا ئۆنده‌رێ کو پشتی هه‌ڤدیتنێ ل سه‌ر ناڤێ شاندەیێ داخویانی دا و دیار کر کو هه‌ڤدیتن باش ده‌رباس بوو.
هەڤدیتنا دویەم ژی، شاندەیا ده‌م پارتییێ ب سه‌رۆکێ گشتی یێ مەهەپێ ده‌ڤله‌ت باخچه‌لی را هه‌ڤدیتن پێک ئانی. هێژایی گۆتنێ یه کو باخچه‌لی ل به‌ر ده‌ری پێشوازیا شاندەیا ده‌م پارتییێ کر و ل ناڤ ئاڤاهیا مەجلسێ جڤیان و جڤینێ نێزیکە ٤۰ ده‌قه‌یان ڤەکێشا
پشتی جڤین ب داوی بوو، تێکلداری ناڤه‌رۆکا جڤینێ چو داخویانی نه‌هات دایین. هه‌روها ل گۆر هندەک زانیاریان شاندەیا ده‌م پارتییێ و تایبه‌تی ئەحمه‌ت تورک دەستەکێ تزبیێن که‌هریبار وه‌ک خه‌لات دایه باخچه‌لی.
بێ گومان گه‌له‌ک نرخاندن ل سه‌ر هه‌ڤدیتنا باخچه‌لی و شاندەیا ده‌م پارتییێ تێنه کرن. لێ به‌شه‌ک د ناڤا ده‌م پارتییێ دا ناخوازن ڕاستیا هه‌یی ببینن و هێژا ل گورا ئاقلێ خوه ، ته‌نێ ژ بۆ خوه قانع بکن، به‌هسا “ئاشتیه‌ک ب ڕوومه‌ت ” دکن. دێ ده‌م ل گه‌ل ئاک پارتییێ و پارتیێن دن جڤینا بکن. لێ د سه‌ری دا سه‌ردان و جڤینا ب مەهەپێ را بالکێش بوو.
