ئه نجامێن شه رئ خه نده کا
د ھلبژارتنێن شارەداریان یێن سالا 2014ێ ھەدەپێ 107 شارەداری ب دەست خستبوون، لێ دڤان ھلبژارتنان دا، ل گۆر ئەنجامێن ھەتا نھا ھاتینە راگەھاندن ھەدەپێ 36 شارەداری ژ دەست دانە.
یا بالكێش دڤان هلبژارتنان دا، حزبا دەسەلاتدار ل پایتەختێ خوە و ب رەخ کوچکا سەروکاتیێ ڤه دوراند، لێ ل ناڤ چیایێن کوردستانێ و ل ناڤ بەرگیز و شەل و شەپک، شال و کولاف دەرسوکا و چەند کیلومه ترەکا دوور ژ پایتەختێ شورەش و خەبات و بەرخودانێ، دیاربەکرێ، سه رکەفتن ئینا .
ل ڤێرێ پرسیارەک تێته پێش؛ ئەرئ خەلکئ شەرنەخێ بوینه
خوفروش و جاش یان سیاسەت و رەفتارێن ھەدەپێ نەراستن؟
ل شوینا سەروک باژیرفانیێن هەدەپێ مفای ژ وێ دەلیڤێ وەربگرن و ب پاره و ماکینه و شیانێن ده ولەتێ گوند و باژیر و وەلاتئ خوە پێ ئافا بکەن و خزمەتا دەنگده ر و خەلکێ خوە بکەن، پتر ژنیفا پارئ ژ حکومەتێ ژ بو پروژا و باژیرفانیا دهات، هەدەپێ بو پەكەكێ دھنارت.
هەروەسا ل بن فەرمانێن پەكەكێ ب شەفەل و قەلابه و ماکینێن باژیرفانیا خەندەک کولان و ساتر چێکرن و دناف کولانێن گوند و باژێران و دناف ژن و زاروک و کەس و کارێن خوە دا شەرێ دەولەتێ کر .
ژلایەکی ڤه ئەڤ سه روک باژیرڤانیه بەرامبه ر دەولەتێ گونەهباربوون و پتریا وان ب نافێ خیانەت و گه ندەلیێ هاتنه زیندان کرن و لادان و قەیوم ل جهێ وان هاتنه دانان . ژلایەکێ دیڤه دکارێ ئیدارەکرنێ دا بەرامبه ر خەلکئ خوە و حکومەتێ شکه ستن ئینا و بونه سێ شکەستن ( ئیداری و سیاسی و لەشكه ری ) و گوندو باژیرین وان هاتنه وێران کرن
راستیەکا تەحله لێ دڤێت بێژین، بەرامبەری وێ یەكێ، ئەو قەیومێن حكومتێ داناین و ب پشتەڤانیا دەولەتێ خزمەتێن باشتر پێشکێشی خەلکی کرن و ب بەرنامه حکومه تێ و ئاک پارتی ڤیا ژ بو خەلکی گروڤه بکەن کو سەروک باژیرفانیێن هەدەپێ گەندەل و نەدلسوز و نه شارەزا بون.
هەلبەت د هلبژارتنان دا ئەگەرێن دی هەبوینه وەکی فشارو بکارئینانا هێزا لەشكه ری و ترسێ. لێ بەلێ ب دیتنا من کارتێکرنا ڤێ ئەگه رێ گەلەک کێم و ریژەیی بویه بەرامبەر هوکارێن دی، چنکو خه لکێ باکور نه ترسنوکن و هێزا له شکه ری نه شێت وان ب راوەستینیت، لێ یا کارتێکرن ل وان کری سیاسەتا خەلەت و نەئیدارەکرنەکا باش و شەرئ خەندەکا بویه .
ل دیماهیئ دبیژم حەتا کو ھەدەپە سیاسەتەک نەتەوەیی و سەربخو و ستراتیجیەک رون و زەلال پەیرەو نەكە و ئارمانجەک کو داخوازێن مللەتی ل خوە بگرە و دوێ ئارمانجێ دا راستیا نوینەراتیا ھەدەپێ بو خەلکئ باکور دیار بکەت. هندی ھەدەپە گرێدایی قەندیلێ بیت دئ روژ بو روژێ لاوازتر بیت
دەلیل رەمەزان
02.04.2019
