سه‌رکرده‌یێ ئه‌نەکەسێ، نووری بریمۆ، دبێژه بریارا پەیەدێ ب ڤه‌کرنا ئۆفیسێن ئه‌نەکەسێ ل ڕۆژاڤایێ کوردستانێ و ڤه‌کرنا ده‌ریێ کارێ سیاسی ژ پارتیێن ئه‌نەکەسێ ڕه، ده‌ره‌وه و ته‌نێ پرۆپاگه‌نده‌یه.
پارتیا یەكێتیا دەمۆكراتیك (پەیەدە) راگەھاند بوو کو وان بریار دایه ده‌ریێ ئۆفیسێن پارتیێن ئەنجومەنا كورد ل سوریێ (ئه‌نەکەسێ) ڤه‌کن، کو ئه‌ڤ ده‌مه‌که درێژه ئه‌و ئۆفیس ژ ئالیێ پەیەدێ ڤه هاتبوون گرتن.
ده‌ربارێ وێ بریارا پەیەدێ، سه‌رکرده‌یێ ئه‌نەکەسێ، نووری بریمۆ، دبێژە: “ئه‌و نووچه نه‌راسته. باوه‌ریا پەیەدێ ب ژیانا سیاسی ل ده‌رڤه‌یی هزرا خوه، نینه. ب فه‌رمانا وان 56 ئۆفیس و ناڤه‌ندێن مه ل ڕۆژاڤایێ کوردستانێ هاتنه گرتن. ئه‌گه‌ر پەیەدە ڕێ ژ ژیانا سیاسی ڕه ڤه‌کر و باوه‌ریا وان ب کارێ هه‌ڤبه‌ش هات و هشت کو پێشمه‌رگه‌یێن ڕۆژ ڤه‌گه‌رن ڕۆژاڤایێ کوردستانێ، وێ ده‌مێ ئه‌مێ ناس بکن کو ڕاست دبێژن.”
بریمۆ وها گۆت: “به‌ریا ڤه‌کرنا ئۆفیسان، دڤێ پەیەدە بریارا ئازادکرنا زندانیێن سیاسی یێن ئه‌نەکەسێ بده، ژ به‌ر کو ب سه‌دان کادر و ئه‌ندامێن سه‌رکرداتیا ئه‌نەکەسێ د زندانێن پەیەدێ ده نه.”
ژ ئالیێ خوه ڤه، پارتیا یه‌کتیا کوردستان – سووریێ د داخویانیه‌کێ ده ڕاگهاند: “پشتی بریارا پەیەدێ و ده‌ما کو هه‌ڤالێن مه داخوازا وه‌رگرتنا ئۆفیسێن مە ژ پەیەدێ کرن، چه‌کدارێن کو د ئۆفیسێ ده بوون، ئه‌و یه‌ک ڕه‌د کرن و سه‌رکرده‌یێن پارتیا مه ژی، وه‌که خیانه‌تکار وه‌سف کرنه.
ل گۆری داخویانیێ، ئالیێ کو ئۆفیس ده‌سته‌سه‌ر کریه، هشیاری دایه هه‌ڤالێن وان کو نابه ئه‌و نێزیکی ئۆفیسا خوه ببن.
د داخویانیێ ده پارتیا یه‌کیتیا کوردستان – سووریێ تێ گۆتن کو ئه‌و ڤێ “زهنیه‌تا خیانتکرنێ شه‌رمه‌زار دکن” و به‌رپرسیاریا ئاسته‌نگکرنا هه‌ولێن ناڤده‌وله‌تی و ناڤهه‌رێمی ژ بۆ دیتنا چاره‌سه‌ریه‌که سیاسی ژ بۆ هه‌رێمێن کوردی ل ڕۆژهلاتێ فهراتێ دخن ستوویێ خوه‌دیێن ڤێ زهنیه‌تێ
Kdp.info
