نڤیسار

ئەولەکاریا کوردستانێ

سەردار هێتوتی

دەمەکە زێدە گەنگەشە ل سەر پاراستن و ئارامیا هەرێما کوردستانێ دهێتە کرن، هند دبێژن د ناڤا مەترسیێ دایە و هند ژی دبێژن یا رووبروویێ
مەترسیێ دکەن ڤێ هەرێمێ.

دگەل گرتنا گرۆپەکا 5 کەسی ل هەیامێن بووری، ئەڤ گۆتنە زێدەتر زق بوون، تبلا تومەتبارکرنێ هاتە ئاراستەکرن بۆ هەمی لایەنان یێن کو ل سەر هزرێن سەری پارڤەبووین.
یێن دگەل هزرا چێکرنا مەترسیان دبێژن ئەڤ گرۆپە یا بێ گونەهە و وان چو مەترسی ل سەر ئەرد و ئەسمانێ کوردستانێ پەیدا نەکرینە، لێ تیما پشتەڤان ل سەر هزرا هەبوونا مەترسیان د وێ باوەرێ دانە کو ڤێ گرۆپێ دەست د چێکرنا مەترسیان دا هەیە بۆ سەر ڤێ پارچا ئازاد و وان ب دیڤەلانکێن هندەک هزرێن گەنی ددەن دیارکرن.

ڕاستە کوردستان یا د مەترسیێ دا، مەترسیا نەمانا حەزا کوردایەتیێ کو باندوور ل سەر گرنگینەدان ب ئارامیێ و پاراستنا دەسکەفتان هەیە، مەترسیا هەبوونا داعش و هێزێن شیعەیێن عیراقی و هێزا کوردی یا چەکدار ب ناڤێ پەکەکێ، ئاریشێن نافخۆ یێن حزبێن باشوور، نەبوونا حکومەتەکا ئێکگرتی و ئێک بریاری، نەبوونا دادیا جڤاکی و قەیرانێن ئابووری و گەلەکێن دیتر مەترسینە ل سەر کوردستانێ.

لێ ژ بۆ نەهێلانا ڤان مەترسیان پێدڤی ناکە حکومەت هندە یا سادە و کێم فام بە و بزاڤێ بکە دلێ هندەکان دگەل مێشکێ وان ل سەر وان مەترسیێن هەین ب ئاگەهـ بینە، دڤێت د سەری دا حکومەت کار بۆ نەهێلانا مەترسیێن نافخوەیی بکە و ژ وان ژی قەیرانێن ئابووری، ئەگەر ئەڤ قەیران چێبوون هەمی مەترسیێن دیتر دێ ب مری ژ دایک بن چونکی دەستێ نافخوەچنامینە بۆ دەستەکداینێ.

لەوما پاراستنا ئەولەکاریا کوردستان گرێدایی بەرژەوەندیێن ئابووری یێن هاوڵاتیانە دا کو وەکی شەرێ داعش هەمی کوردستانی د پێشیا چەپەران دا بن.

2021.03.05

Back to top button