ئەڤ جامێر چ دبێژە
هه‌ڤسه‌رۆکێ هەدەپێ، سه‌زایی ته‌مه‌لی، د ڤان ده‌مێن داوی دا هنده‌ک په‌یاما دده کو نه ل گۆر گۆتنێن ئۆجالان یێن داویێ نه. ل گور داخویانیێن تەمەلی، ئاشكەرا دبە كو چه‌پێن ترک یێن د ناڤ هەدەپێ دا ژ داخویانیا ئۆجەلان یا داویێ گه‌له‌ک نه ڕەهه‌تن.
ته‌مه‌لی دبێژه كو د ھلبژارتنێن ستەنبولێ دا ئەو پشتگریا بەربژێرێ جەھەپێ، ئیمامۆگلو، دکن و دێ پێڤاژۆیه‌ک یا چاره‌سه‌ریێ ده‌ستپێ بکه لێ ئه‌ڤ یه‌ک نه دگه‌ل ئاکەپێ چێببه.
ته‌مه‌لی د داخویانیا خوه دا دبێژه كو نابە ئاکەپە هه‌ڤدیتنێن ئۆجەلان دگه‌ل پارێزه‌ران ژ بۆ به‌رژه‌وه‌ندیا خوه ب کار بینه.
ته‌مه‌لی دا خویاکرن کو، دێ پێڤاژۆیه‌ک نوو یا چاره‌سه‌ری ده‌ست پێ بکه، لێ ئه‌ڤ ئێدی ب ئاک پارتیێ ڕا نابه. جڤاک ب ڕاستی “پێڤاژۆیه‌کا نوو یا ئاشتیێ دخوازه و ئه‌و ژی ب فره‌هکرنا بنگه‌ها ده‌مۆکراسیێ دێ ده‌ست پێ بکه”.
ل گور ھەڤسەرۆكێ ھەدەپێ، ئه‌و هلبژارتنا سته‌نبۆلێ وه‌ک ڕه‌فه‌راندوما ده‌مۆکراسیێ دبینن و ئەو پشته‌ڤانیا ئه‌کره‌م ئیمامۆگلو، بەربژێرێ جەھەپێ، دكن و ئەڤ یەك د چارچۆڤه‌یا هه‌ڤپه‌یمانیه‌کا ده‌مۆکراسیێ دا یه و نه‌هاتیه گوهه‌رتن.
ته‌مه‌لی دئاخڤه، لێ گه‌لۆ ئەو دیتنا خوه دبێژه یان ل سه‌ر ناڤێ هەدەپێ ڤان تشتا ڕادگەهینه. ئه‌گه‌ر ل سه‌ر ناڤێ هەدەپێ ڤان داخویانیا بدە ئه‌ڤ یەك تێ واته‌یا کو هەدەپە چ گرینگیه‌کێ ب په‌یامێن ئۆجەلان ل ئیمرایێ نادە.
نها جارەكا دن پارێزه‌رێن ئۆجەلان ل ئیمرالیێ نه. پشتی ئه‌و ڤه‌گه‌رن و په‌یاما ئۆجالان ڕادگدهینن، دێ هینگێ واته‌یا گۆتنێن ته‌مه‌لی پتر زه‌لال ببه.
ته‌ڤگه‌را پەکەکێ ب گشتی د ناڤا قۆناغه‌ک زیز ڕا ده‌رباس دبه، ئالیه‌ک ئیمرالی و ئالیێ دن ژی قه‌ندیل هه‌یه. هەدەپە ب سیاسه‌تا خوه د ناڤا هه‌ردو ناوه‌ندان دا دهه‌ژە و ل گۆر بایێ ڕۆژێ سیاسه‌تێ دکه.
لێ بنگه‌هێ پەکەکێ ب گشتی چ دبێژه هێژا نه زه‌لاله.
