ئەڤ وێنەیە چەوا گەھشتە میتێ
ئێدی یا بن بەركێ ھاتە سەر بەركێ و تێكەلیێن ناڤبەرا میتێ و رێڤەبەرێن پەكەكێ ل قەدیلێ د فۆرمەك نوو دا ئاشكەرا دبن، دیار بوو كو ھەموو سەردانێن شاندەیێن ھەدەپێ بۆ قەندیلێ ب ئەمر و چاڤدێریا دەولەتێ و میتێ بوونە. نامەیێن ئەبدۆلا ئۆجەلان ھەموو ب رێكا میتێ گەھشتینە بەرپرسێن پەكەكێ ل قەدیلێ.
پارله‌مه‌نته‌رێ به‌رێ یێ هەدەپێ ئالتان تان ته‌ڤلی به‌رنامه‌یه مه‌دیاسكۆپێ بوو. د به‌رنامه‌یێ دا تان به‌هسا و‌ێنە‌یێن ڕێڤه‌بەر و پارله‌مه‌نته‌رێن هەدەپێ یێن ل گه‌ل ڕێڤه‌به‌رێن پەكەكێ ل قه‌ندیلێ هاتین به‌لاڤ کرن داخوویانیه‌ک دا.
د ڤێ ده‌ربارێ دا، تان به‌هسا چووینێن خوه یێن ئیمرالی ژی کر و گۆت: “هینگێ دو ده‌زگه‌هێن گرنگ هه‌بوون. یه‌ک ژ وان میت و یا دی ژی مشته‌شاریا ئه‌وله‌هیێ بوو. ئه‌م ب چاڤدێریا کارمه‌ندێن ڤان هه‌ردو ده‌زگه‌هان ب رێك وو ب زانینا ده‌وله‌تێ چوون ئیمرالی. جاردن ب ئزن و رازیبوونا ده‌وله‌تێ و چاڤدێریا به‌رپرسه‌کێ میتێ مه ل گه‌ل ئەبدوڵا ئۆجەلان هه‌ڤدیتن کرن.
ئالتان هه‌روه‌ها به‌هسا جوره‌یی چووینا خوه یا بۆ قه‌ندیلێ ژی دکه و دبێژه: “ژ بۆ چ ئه‌م چوون قه‌ندیلێ؟ ئەبدوڵا ئۆجەلان د هه‌ڤدیتنێ دا نامه‌یه‌ک ژ بۆ هه‌ڤالێن خوه یێن قه‌ندیلێ نڤیساند. ئه‌ڤ نامه‌یا هانێ دان مه و مه بر قه‌ندیل. باشه ئۆجەلان ئه‌ڤ نامه چه‌وا ژ مه‌را ڕێکر؟ ئۆجەلان ڤێ نامه‌یێ دنڤیسه و دده به‌رپرسێن میتێ، میتێ ژی ئه‌ڤ نامه گەهاند ده‌ستێ شاندەیا هەدەپێ.”
د به‌رده‌وامیا داخوویانیا خوه دا، تان گۆت: “وێنه‌یه‌ک ل قه‌ندیل هاته گرتن و ئه‌ز ژی د وی وێنه‌یی دا بووم. شه‌ڤا کو مه هه‌ڤدیتن ل گه‌ل به‌رپرسێن قه‌ندیل پێکانی، مورات کارایلان ژ بۆ بیره‌وه‌ری وێنه‌یه‌ک گرت. هنده‌ک هه‌ڤالێن مه نەخوه‌ستن ئه‌ڤ وێنەیە بێ گرتن. لێ کارایلان گۆت کو، دێ ئه‌ڤ وێنەیە د ئارشیڤا مه دا بمینه. لێ ھێشتا ئه‌م ده‌رباسی ترکیێ نه‌بوویین، ئه‌ڤ وێنه د مه‌دیایا ترکیێ و یا ئه‌ورۆپایێ دا هاته به‌لاڤ کرن. ئه‌ڤ سکانداله‌ک بوو. هینگێ ئه‌ڤ وێنه گه‌له‌کی نه‌هات ڕۆژه‌ڤێ، لێ ئیرۆ ڤی وه‌نه‌یی وه‌ک تاوانه‌کی دبینن ئه‌ڤ ژی بێ ئه‌خلاقیه.
پرسا گرنگ ل ڤێرێ ئەڤەیە؛
گەلۆ ئالتان تان پرسیار كر كا چەوا ئەو وێنەیێ وان یێ ل قەدیل ھاتی گرتن ژ بۆ ئەرشیڤا كارایلان چەوا گەھشتە دەستێ میتێ و مەدیایا تركیێ؟
گەلۆ بەرپرسێن قەندیل لێكۆلینەك دەست پێ كر كا چەوا ئەو وێنە ژ قەندیل گەھشتە مەدیای تركیێ و ئەورۆپایێ؟
دڤێ ئالتان و سەرۆك و بەرپرسێن ھەدەپێ ل بەرسڤا ڤان پرسان بگەرھن.
