سه‌رۆکێ مەهەپێ ده‌ڤله‌ت باخچه‌لی ژ ڕۆژنامه‌یا سەباحێ را ئاخڤی و به‌رسڤا گه‌له‌ک پرسان دا. باخچه‌لی به‌حسا ئاشتییێ و ڕه‌وشا جەهەپێ کر. پشتگریا خوه ژ بۆ ئه‌ردۆگان دا دیار کرن.
به‌شه‌ک گرینگ ژ هه‌ڤپه‌یڤینا دگه‌ل باخچه‌لی:
هوون ل سه‌ر هه‌لوه‌ستا ئی پارتیێ ل سه‌ر پێڤاژۆیا ترکیه‌یا بێ ته‌رۆر چ دفکرن؟
ژ بۆ مه، چو واته‌یا گۆتنێن وان نینە. ئه‌م وان ل به‌ر چاڤان ناگرن. ده‌رفه‌ته‌ک ژ بۆ یه‌کبوونێ ئان ژی پلانێن ئاڤاکرنا تفاقه‌کێ نینە. تفاقا مه یا گه‌ل دێ به‌رده‌وام بکه. یێن کو ژ مه ده‌ردکه‌ڤن و پارتیێن جودا ئاڤا دکن، حه‌قاره‌ت و بێرێزیا گران ل مەهەپێ دکن.
خه‌ما ترکیه‌یێ ئاشتی و ئارامی یه. به‌رپرسیاریه‌ک دکه‌ڤه سه‌ر ملێ هه‌رکه‌سی. پەکەکێ ئه‌ڤ به‌رپرسیاری گرتیه سه‌ر خوه، و دڤێ پارتییێن یاسایی یێن ل ترکیه‌یێ ژی ب کێمانی ب قاسی پەکەکێ به‌رپرسیاری بگرن سه‌ر خوه.
هوون دخوازن ل سه‌ر هاویردۆرا مه‌دیایا جڤاکی چ ببێژن؟
دڤێ مه‌دیایا جڤاکی ژ هۆلێ وه‌رێ ڕاکرن. ژ بۆ پاراستنا مالباتێ، ئاشتیا جوڤاکی هه‌ڤگرتن و په‌روه‌رده‌یه‌ک ڕاسته‌قینی ژ بۆ نفشێ مه یێ نوو گه‌له‌کی گرینگه. ب یا من به ئه‌زێ د نیڤ ده‌مژمێره‌کی دا مه‌دیایا جڤاکی هه‌موویێ بگرم.
دۆستانیا وه ب سه‌رۆکێ مه را چ یه؟
ژ بلی دۆستانیا ب سه‌رۆکێ مه را، مەهەپە ژ بۆ هه‌لوه‌ستا وی لێنێرین و ڕێزگرتنه‌ک نیشان دده. ده‌ما کو ئه‌ڤ ڕێز ب دلسۆزی تێ ڤه‌گه‌راندن، ئه‌و دبه جهێ ڕامان و پارڤه‌کرنا هه‌ڤپار. ئه‌م نها ب ته‌ڤاهی پشتگریێ ددن سه‌رۆکێ خوه. ترکیه د دو سه‌رده‌مێن بۆری دا ژ قۆناخێن پر کریتیک ده‌رباس بوویه. خه‌باتا هێژا یا سه‌رۆکێ مه، نه‌مازه د ده‌ما و پشتی داربه‌یا ۱٥ێ تیرمه‌هێ دا، ژ بۆ وه‌لاتێ مه سوودمه‌ند بوویه. دبه کو د مژارێن جڤاکی و ئابۆری دا دژواری هه‌بن، لێ ئه‌ڤ نه بێسه‌رووبه‌رن.
ئه‌ز پشتگریێ ددم کو سه‌رۆکێ مه د پۆستێ خوه دا به‌رده‌وام بکه، بێیی کو شه‌رت و مه‌رج چ بن. دڤێ ئه‌و د سالا ۲۰۲۸ئان دا به‌رده‌وام بکه. گه‌ر ئه‌و دیسا ژ بۆ سه‌رۆکاتیێ نامزه‌د ببه، ئه‌م، وه‌کی مەهەپە، دێ پشتگریا خوه یا ته‌ڤاهی بدن.
هوون دخوازن ل سه‌ر ڕێزکنامه‌یێن قانوونی یێن د چارچۆڤه‌یا ترکیه‌یه‌ک بێ ته‌رۆر دا چ ببێژن؟
هه‌ر تشت د کۆمسیۆنا پارله‌مه‌نتۆیێ دا تێ نرخاندن. ئاشتی نه چووکه‌ک یه‌ک-باسکی یه. ژ بۆ فرینێ، ئاشتیێ پێدڤی ب باسکه‌ک دویه‌مین هه‌به. باسکه‌ک ئاشتیێ ژ هێلا ئۆجەلان ڤه هات بده‌ستخستن؛ پەکەکە هاته هلوه‌شاندن و چه‌ک هاتن دانین. نها، ئه‌م گەهیشتنه قۆناخا کو ئه‌م دکارن شه‌رتێن ژیانا هه‌ڤبه‌ش دیار بکن. کۆمیته‌یا پارله‌مه‌نتۆیێ خه‌باتا خوه یا به‌رهه‌مدار ددۆمینه.
ئەحمه‌د ترک شاره‌دارێ مێردینێ بوو، لێ ئه‌و ژ کار هات ئاڤێتن. وی به‌شداری د ئاڤاکرنا دیالۆگێ ب پەکەکێ را کر دا کو ئاشتی و ئارامیا ل ترکیه‌یێ مسۆگه‌ر بکه. د ڕه‌وشه‌ک وسا دا، دڤێ ئەحمه‌د ترک ڤه‌گه‌ره سه‌ر کار. دڤێ ئه‌و ل شاره‌داریا خوه ڤه‌گه‌ره. ئه‌و دێ به‌شداری پێشخستنا هه‌ستا براتی و ئاشتیێ ببه.
ب هه‌مان ئاوایی، مەسەلا ئەحمەد ئۆزەر ژی ئه‌ینی تستە. گه‌ر ل شاره‌داریێ گه‌نده‌لی ئان ته‌ڤگه‌رێن نه‌قانوونی هه‌بن، ئه‌و تشته‌که. لێ ئیفاده‌یا وی یا به‌رێ یا ڕایا گشتی یا نه‌رینێن خوه ل سه‌ر پەکەکێ مژاره‌ک دنه. ئه‌گه‌ر ترکیه که‌تیه پێڤاژۆیا ئاشتیێ، دڤێ ئەحمەد ئۆزەر بێ به‌ردان. گه‌ر گه‌نده‌لی هه‌به، دڤێ جه‌زایێ پێویست بستینه. دڤێ ئه‌م ڤان هه‌ر دو مژاران ژ هه‌ڤ جودا بکن.
هوون پێشکه‌تنێن ل سووریه‌یێ د چارچۆڤه‌یا پێڤاژۆیا ترکیه‌یا بێ ته‌رۆر دا چاوا دنرخینن؟
ئۆجەلان، دامه‌زرینه‌رێ پەکەکێ، د ۲۷ێ سباتێ دا داخویانیه‌ک دا. وی بخوه ب زه‌لالی ژ جڤاکێ را ئانی زمان. وی ئه‌ڤ یه‌ک ب زه‌لالی ژ ته‌ماشه‌ڤانێن خوه را ژی ئانی زمان. ئه‌و ل سه‌ر گۆتنێن خوه سه‌کنی. پەکەکە هاتیه هلوه‌شاندن و چه‌کێن وان هاتنه دانین. ژ به‌ر ڤێ یه‌کێ، ل هه‌ر ده‌ڤه‌رێ کو پەکەکە و هێمانێن پێ ڤه گرێدایی هه‌نه، ئه‌و مه‌جبوورن کو داخوازا ئۆجەلان پێکبینن، ڕێزێ ل وی بگرن و ل گۆری تالیماتێن وی ته‌ڤبگه‌رن. ژ هه‌ڤ دوورکه‌تن ژ بۆ هن ده‌ردۆرێن ل ده‌رڤه‌یی ئۆجەلان گه‌فه. یێن ل دژی رێنمایێن ئۆجەلان بن ئه‌و دکه‌ڤن د خزمه‌تا ئالیێن دن دا. د ره‌وشه‌ک وه‌ها دا ئه‌م ژی بریارداریا خوه یا ژ بۆ بجیهانینا بریارێن کو ژ هێلا ئۆجەلان ڤه هاتنه گرتن بدۆمینن.
