بارزانى د ھەوارا خەلكێ پارێزگەها دهوكێ دا
هەروەكى يا ديار ئەڤە ھەیامەكە باژێرێ دهوكێ د ناڤا كومەكا قەيرانێن خزمەتگوزاريان دا دنالە، مينا كريزا پيڤەرێن ئاڤێ كو بويە بابەتێ روژێ و ل سەر زارێ گشت هاولاتيان دهێتە باسكرن. ئەڤ پيڤەرە نەداديەكا بەرچاڤ و ئاشكەرا دەرحەق هاولاتيێن پارێزگەها دهوكێ دا دكەتن، ژبەركو كرێيا هەيڤانە ب مليونەهان دينارێن عيراقى دخوينە، كو دەمەكى دا كرێ يا هەر هەيڤەكێ ژ دوازدە ھەتا سێزدە هزاران دهات، لەورا باندورەكا مەزن لدووڤ خوە هێلايە و بويە جهێ نەرزايبوون و دلگرانيا گشت هاوەلاتيێن پارێزگەها دهوكێ.
ھەروەسا كريزا كێمبوونا كارەبا نيشتيمانى ل پارێزگەها دهوكێ، تايبەتى د وەرزێ هاڤينێ دا كو پلێن گەرماتيێ د ئاستەكێ بلند دانە، رێژەيا دابينكرنا كارەبا نيشتيمانى بو پارێزگەها دهوكێ كو بەراورد د گەل پارێزگەهێن ديتر يێن هەرێما كوردستانێ د ئاستەكێ خراب دايە. ئەڤ چەندە ژی بويە ئەگەر كو بوهايێ كارەبا موەليدان گران ببە بەراورد دگەل پارێزگەهێن ديتر.
كارەب و ئاڤ بوينە جهێ گەنگەشێ و بابەتێ هەمى جهان، ڤێ ئاریشەیێ هاولاتيێن پارێزگەها دهوكێل ھەمبەر كاربدەستێن كارگێرى يێن باژێرێ دهوكێ ژی، گەلەك دلگران كرنە.
د سەردەما نوكە دا ئالاڤێن راگەهاندنێ باشترين ئاراستەيە ژ بۆ گەهاندنا پەياما گەل ژ بۆ دەستهەلاتێ لەورا دەربرينا دلگرانى و نەخوەشييێن هاولاتيێن پارێزگەها دهوكێ برێكا سوشيال ميديايێ مينا (فەيسبوك – تويتەر – ئينستگرام ) بونە هوكارێ گەهاندنا بلەزا پەياما هاولاتيان بو بەرپرسێن بلندێن هەرێما كوردستانێ.
ب راستى ژى خەلكى دهوكێ ژ هەژى ئەڤى بارودوخێ هەنوكەيێ پارێزگەها دهوكێ نينە، پێدڤيە باشترين خزمەت بو خەلكێ ئەڤێ دەڤەرێ بهێتەكرن، پشتی هايداريا فراكسيونا پارتیا دەمۆكراتا كوردستانێ ل پەرلەمانێ كوردستانێ ل 2019.07.03 و راگەهاندنەك ل دور رەوشا پارێزگەها دهوكێ راگەهاندى كو دياركريە نامەك ئاراستەى سەروكێ هەرێما كوردستانێ (نێچيرڤان بارزانى) كريە لدور چارەسەركرنا كێشەيێن دهوكێ و دنوكە دا دگەل لايەنێن پەيوەنديدار د چارەسەركرنا كريزێن پارێزگەها دهوكێ دا نە، لەورا مە خەلكێ دهوكێ هيڤى و ئومێدەكا مەزن ب رولێ سەروكێ هەرێمێ كوردستانێ هەيە كو دەمەكێ نێزيك دا دێ ڤان كريزێن ھەنە چارەسەر بكە.
ئاشتى فەتحى بێسفكى
2019.07.05
