سەرۆك مەسعود بارزانی پێشوازی ل ڕاگەهاندنا ئاگربەستا د ناڤبەرا ئەمریكا و ئیرانێ دا كر و هیڤی خواست ئەڤ پێنگاڤە ببیتە دەسپێكا ب دووماهیهاتنا كێشەیێن كوور یێن ل دەڤەرێ و مسۆگەركرنا ئارامیێ.
سەرۆك مەسعود بارزانی رۆژا چارشەمبی، 8ی نیسانێ، د پەیامەكێ دا ل سەر هەژمارا خۆ یا تورا جڤاكی ئێكس ڕاگەهاند؛ پشتی ڕاگەهاندنا ئاگربەستێ، هیڤیەكا مەزن بۆ ئاشتیێ پەیدا بوویە. سەرۆك بارزانی هەروەسا تەئكید كر كو بژاردەیا ئاشتییێ هەر دەم ژ وێرانكاریێن شەڕی چێتر و پێشترە.
“ئاشتی ژ شەڕی چێترە”
سەرۆك بارزانی د پەیاما خوە دا وەسا گۆت: “ئەم هیڤیدارین ئەڤ ئاگربەستا د ناڤبەرا ئەمریكا و ئیرانێ دا ئاشتیەكە بەردەوام، ئاسایش و بەختەوەریێ بۆ دەڤەرا مە بینت و ببیتە دەسپێكا ب دووماهیهاتنا ئێكجارە یا وان كێشەیێن ل دەڤەرا مە هەین. بێگۆمان، ئاشتی هەر دەم ژ شەڕی چێترە.”
ئەڤ داخۆیانیا سەرۆك بارزانی د دەمەكێ دا دهێت، ئەڤرۆ سپێدێ ئاگربەستەكە 14 رۆژی د ناڤبەرا واشنتۆن و تارانێ دا هاتە ڕاگەهاندن و بڕیارە رۆژا ئەینیێ ژی دانوستاندنێن ئاشتیێ ل ئیسلام ئاباد ل پاكستانێ دەس پێ بكەن
