سیاسی

بارزانی بۆ عه‌بدولمه‌هدی: تو برا و هه‌ڤالێ منی

سه‌رۆکوه‌زیرێ عیراقێ عادل عه‌بدولمه‌هدی پشتی جڤینا دگه‌ل سه‌رۆک بارزانی ل به‌غدایێ، د داخویانیه‌کێ ده‌ ڕاگەهاند: “بارزانی ئه‌نده‌زیارێ پێڤاژۆیا چێکرنا په‌یوه‌ندیان بوویە، نه‌کو بته‌نێ ل عیراقێ، لێ هه‌روها ل هه‌رێمێ و جیهانێ ژی.”

عه‌بدولمه‌هدی پشتی جڤینا رۆژا 22.11.2018ێ ژ ڕۆژنامه‌ڤانان ڕه‌ گۆت: “ئه‌م شه‌ره‌فمه‌ند ن ب سه‌ردانا برێز مه‌سعود بارزانی بۆ به‌غدایێ، پێویست ناکه‌ ئه‌م وی بدن ناسکرن. ئه‌و خه‌باتکاره‌کێ دێرینه‌، هه‌تا چیایێن کوردستانێ ژی وی ناس دکن. ژبۆبا ژناڤبرنا دكتاتۆریێ ل عیراقێ، بارزانی سەرۆكاتیا پێڤاژۆیا گوھەرتن و بەر ب دەمۆكراتبوونێ دكر. بارزانێ ژبۆ گەلێ عیراق وو گەلێ كورد گەلەك خەبات كریە و دكە.

عادل عه‌بدولمه‌هدی سەرۆكوەزیرێ عیراقێ د ئاخافتنا خوە دە بارزانی وەكە سەرۆكێ ھەرێما كوردستانێ و ئەندازیارێ پێڤاژۆیا چێكرنا تێكەلیان وەسف كر و گۆت: “برێز مه‌سعوود بارزانی، سه‌رۆکێ هه‌رێما کوردستانێ و ئه‌نده‌زیارێ پێڤاژۆیا چێکرنا په‌یوه‌ندیانه‌، نه‌کو ته‌نێ ل ‘یراقێ، لێ هه‌روها ل هه‌رێمێ و جیهانێ ژی. مه‌ پێشوازیا ڕێبه‌ره‌کێ مه‌زن کر. ئه‌و که‌سه‌کێ وسا یه‌ کو هه‌موو وه‌سفێن سه‌رۆکاتیێ ل با وی هه‌نه‌. وی رێز و حورمەتەك مه‌زن ل با مە هه‌یه‌ و ئه‌م بخێرهاتی لێ دکن.”

عادل عه‌بدولمه‌هدی گۆت كو دیرۆكەكا دوور و درێژ یا ھەڤبەش د ناڤبەرا وی و سەرۆكا بارزانی دە ھەیە و ژبۆ چارەسەركرنا گرسگرێكێن ھەنە، بەرنامەیەكە زەنگین دگەل سەرۆك بارزانی ھەیە.

سه‌رۆک بارزانی بۆ عه‌بدولمه‌هدی: تو برا و هه‌ڤالێ منی

سه‌رۆک بارزانی د کۆنفه‌رانسا ڕۆژنامه‌ڤانی ده‌ ڕاگەهاند: “سه‌ردانا من یا بۆ به‌غدایێ ژ بۆ وێ یه‌کێ بوو کو پیرۆزباهی ل برا و هه‌ڤالێ خوه‌ سه‌رۆکوه‌زیر در. عادل عه‌بدولمه‌هدی بکم. ئه‌زێ ژ نها و شوونده‌ پابه‌ندی وێ ڕێکه‌فتنێ ببم کو ئه‌م ب ناڤێ ئه‌بوو هاشم و ئه‌بوو مه‌سروور ناڤێ هه‌ڤ ببێژن. په‌یوه‌ندیێن مه‌ په‌یوه‌ندیێن دێرینن، د چه‌ندین هه‌لوه‌ستێن زه‌حمه‌ت ده‌ مه‌ باوه‌ری ب هه‌ڤ ڕه‌ پێک ئانیه‌، به‌ری و پشتی ڕووخانا رژێمێ. ڕۆله‌که‌ مه‌زن یا ئه‌بوو هاشم هه‌بوو د ئاڤاکرنا عیراقا نوو ده‌ ته‌ڤی کو ڕووبروویی پرسگرێکێن دژوار بوونه‌، ڕۆله‌که‌ وی یا بەر ب چاڤ د دارشتنا ده‌ستوورێ و چه‌ندین هه‌لوه‌ستێن دن ده‌ ھەبوو.”

هه‌روها ده‌ربارێ سبه‌رۆژا په‌یوه‌ندیێن هه‌ولێر و به‌خدایێ ده‌ سه‌رۆک بارزانی گۆت: “ژ ئالیێ مه‌ ڤه‌ ئه‌ڤە دێ ده‌ستپێکه‌که‌ خێرێ به‌ و ئه‌م دێ هه‌موو پشتگریا ته‌ بکن.. ژ حه‌کیمه‌کی پرسینه‌: تو ژ برایێ خوه‌ هه‌ز دکی یان هه‌ڤالێ خوه‌، گۆت ژ برایێ خوە ئه‌گه‌ر ببه‌ هه‌ڤالێ من، له‌وما تو برا و هه‌ڤالێ منی ئه‌بوو هاشم. ئه‌ز ژ ڤر هه‌موو پشتگریا خوه‌ ژ بۆ برایێ خوه‌ د. عادل عه‌بدولمه‌هدی ڕادگهینم، د داهاتوویێ ده‌ ژی په‌یوه‌ندیێن مه‌ دێ ب هه‌ڤ ڕه‌ هه‌بن و ئه‌م دێ ئالیکار بن ژ بۆ بهێزکرنا وێ په‌یوه‌ندیێ و بهێزکرنا وێ باوه‌ریا کو به‌رێ هه‌بوو و بهێز بوویه‌، ژ بۆ چاره‌سه‌رکرنا هه‌موو پرسگرێکان ب ئالیکاریا خوه‌دا. گه‌له‌ک سپاس ژ بۆ ڤێ پێشوازیێ، جاردن پیرۆزباهی ل برایێ خوه‌ یێ برێز دکم و هێڤیا سه‌رکه‌فتنێ دخوازم.”

Back to top button