باغوز ل كیڤەیە ما ئەو دەر كوردستانە
باغۆز چیه؟ ل كیڤەیە؟ ژ بۆ چ ئه‌ڤ قاس ژ کورد ارا گرینگه؟
ئەگەر به‌رسڤا ڤان پرسا زه‌لال ببه دێ ڕه‌وشا مه‌دیا کورد ژی ب ئاوایه‌کی باشتر بێ تێگهاندن. باغۆز ناڤچه‌یه‌ک یا عه‌ره‌بانه نێزکی باژارێ دێره‌زۆرێ یه. ل به‌ر ئاڤا فراتێ یه. د وارێ ئه‌ردنیگاری و جوگرافیێ دا پێوه‌ندی ب کوردستانێ ڕا نینە، ئانكو نە د ناڤ اخا رۆژاڤایێ كوردستانێ دایە. باغۆز ژی وه‌ک گه‌له‌ک ده‌ڤه‌ران که‌لهه‌ک یا ڕێخستنا ته‌رۆریستیا داعیشێ بوویه.
داعیش ل باشوورێ کوردستانێ ل سەر دەستێ پێشمەرگە هاته پاقژکرن و ژناڤبرن، ل ڕۆژاڤایێ کوردستانێ داعیش نه‌مایه. لێ ژ بۆ چ باغۆز ئه‌ڤ قاس ڕۆژانه د مه‌دیا کوردان دا جهەك سه‌ره‌که دگره؟ ژ بۆ چ کانالێن کوردی وه‌ک پێشبرکێ نووچه‌یێن باغۆزێ به‌لاڤ دکن ؟ گه‌لۆ ئه‌گه‌ر نه هێزێن هسد/یپگێ ل باغۆزێ شه‌ر بکران ، دێ ئه‌ڤ قاس د ڕۆژه‌ڤا مه‌دیا کوردی دا جھ بگرتایە؟ گه‌لۆ ئه‌گه‌ر ته‌نێ هێزێن هه‌ڤپه‌یمانی یان ژی هێزێن ڕژێما سوریه ل باغۆزێ شه‌ر بکران دێ ئه‌ڤ قاس د مه‌دیا کوردی ده جھ بگرتا؟
د ڕاستیا خوه ده ل ڤێ ده‌رێ گه‌له‌ک ب زانه‌بوون پرۆپاگانده‌یه‌ک ڤه‌شارتێ یا پەکەکێ تێ کرن. زانه‌بوون یا نه زانه‌بوون لێ تێ کرن.
ده‌ما مرۆڤ ل نووچه‌یێن د ده‌ربارا باغۆزێ دا دنێره، تو دبێژی قه‌ی باغۆز، ناڤچه‌یه‌ک یا هه‌ولێر، یانژی ل تەنشت قامیشلۆیێ یه. باغۆز نه کوردستانە، چ پێوه‌ندیا باغۆزێ ب کوردستانێ و کوردان ڤە نینە.
مخابن د شه‌رێ دژی داعیشێ دا، یێ نه ل ده‌ڤه‌رێن کوردستانێ، یێ ل سوریێ و دناڤا عه‌ره‌بان ده نێزکی 12 هه‌زار جوانێن کورد، شەرڤانێن كورد هاتنه شه‌هید کرن. ل گۆرا داخوویانیێن فه‌رمی یێن هسدێ هێژمارا شه‌هیدان 8700 که‌سن. باشه چ وژدان، چ سیاسه‌ت و ئه‌خلاق قه‌بوول دکه کو ب هه‌زاران جوانێن کورد به‌ر ئاخا عه‌ره‌بان دا بھێنە شه‌هید کرن؟ گه‌لۆ کی دێ رۆژەكێ ڤێ حسابێ دگەل پەیەدێ بكە كا چما ئەو قاس كورد ل سەر ئاخا عەرەبان دان شەھید كركن، ژ بو چ؟
ئه‌ڤ هه‌موو پرسیار و پرسگرێکێن گه‌له‌ک گرینگن كو د سیاسه‌تا چه‌وت یا پەکەکێ دا ڤه‌شارتینه. پەکەکە و سیاسه‌تا وێ یا چه‌وت تێ فام کرن، لێ پرۆپاگاندەتێن پەکەکێ نایێن فام کرن. تەرەفدارێن پەکەکێ یێن نه‌هێنی ل سه‌ر دۆزا کورد و کوردستانێ ژ پەکەکێ بخوە خه‌ته‌رترن.
ئه‌و د بن ناڤێن جودا دا پشتگریا سیاسه‌تا پەکەکێ دکن. هه‌تا ئه‌ڤ یه‌ک بەردەوام بە ئو ڕه‌ش و سپی ژ هه‌ڤ نەھێن ڤه‌قه‌تاندن، دێ بێ حه‌مدێ خوه هه‌موو ئالی ب ئاوایه‌کی خزمه‌تا سیاسه‌تا پەكەكێ یا تێکبرنا کوردستانێ بکن. وه‌ک کو نها تێ کرن.
باغۆز نموونه‌یه‌ک بچووکه. چه‌کدارێن کوردا وه‌ک له‌ژیۆنه‌ر ل ده‌ڤه‌رێن عه‌ره‌بی و باغۆز شه‌ر دکن.
گه‌لۆ که‌سه‌ک دکاره بێژه کو به‌رژه‌وه‌ندیا کوردا ل باغۆزێ دا هه‌یه؟ ڕاستیه‌ک هه‌یه كو ئەم ھەموو وێ باش دزانن كو داعیش چەند کێم به و ژ هۆلێ ڕابه ئه‌وقاس ژ بۆ کوردا باشه. لێ دڤێ کورد ڤێ ل کوردستانێ بکن. ئاخا کوردستانێ ل هەمبه‌ر ڤان ته‌رۆریستان بپارێزه. ل سوریێ و هه‌رێمێن عه‌ره‌بان کو ب خوینا کوردا ژ داعیشێ هاتی پاکژ کرن د داویێ دا دێ ھەر ڕاده‌ستی هێزێن سوریێ ھێنە کرن. ماده‌م ب ڤی ئاوایی یه کوردا چ ژێ فایدە کر.
نووچه/ئانالیز
15.03.2019
نووچه/ئانالیز
