سیاسی

بالیۆزێ ئەمریکایێ: پەیەدە ڕێ ناده‌ ئازادیا کارێن سیاسی

 کارڤه‌دانێن ئێریش و کریارێن ل سه‌ر ناڤه‌ندێن پارتیێن ئه‌نجوومه‌نا نشتمانی یا کوردی ل سووریێ (ئه‌نەکەسێ)، به‌رده‌وامن. بالیۆزێ به‌رێ یێ ئەمریکایێ ل سووریێ، ڕۆبه‌رت فۆرد ژ ڕووداوێ ڕا گۆت “پەیەدە ڕێ ناده‌ ئازادیا کارێ سیاسی یێن پارتیێن دن هه‌به‌ و ئاسته‌نگیان ژ بیر و باوه‌ریێن سیاسی ڕا چێدکه‌. پەیەدە نکاره‌ جوداهیان قه‌بوول بکه‌، ئه‌ڤ ژی زیانێ دگەهینه‌ یه‌کرێزیا کوردان.”

دیماهیک ئیریش ل سەر ئۆفیسێن پارتیێن دن ل رۆژاڤایێ کوردستانێ،  ئێریشا ل باژارێ دربێسیێ یێ جزیرا ڕۆژاڤایێ کوردستانێ بوو، کو شه‌ڤا ٢٠٢١/١٢/٣١ێ، گرووپه‌کا چه‌کدار ئێریشی ئۆفیسا پارتیا ده‌مۆکراتا کوردستان-سوریه‌ (پەدەکە-س)ێ کر، دەرگەه و په‌نجه‌ره‌یێن وێ شکاندن.

د ده‌ربارێ وێ ئێریشێ دا، ئه‌نەکەسێ داخویانیه‌ک ڕاگەهاند و دیار کر کو ئالیێ ئێریشکه‌ر گرووپا ب ناڤێ جوانێن شۆره‌شگه‌ره‌ و گرێدایی پارتیا یه‌کیتیا ده‌مۆکرات (پەیەد) ێ یه‌. ئه‌نەەکسە د داخویانیا خوە دا، وان ئێریشێن ل سه‌ر ئۆفیسێن پارتیێن خوه‌ شه‌رمه‌زار دکه‌ و ڕادگەهینه‌ کو ئه‌و کریار دکه‌ڤن خزمه‌تا دژمنێن گه‌لێ کورد و زیانێ دگەهینن دۆزا کوردی. بالیۆزێ به‌رێ یێ ئەمریکایێ ل سووریێ، ڕۆبه‌رت فۆرد ژی، د هه‌ڤپه‌یڤینه‌کا خوه‌ دا به‌حسا سیاسه‌تا پەیەدێ کر و گۆت، پەیەدە  ڕێ ناده‌ کو پارتیێن دن ل ەۆژاڤایێ کوردستانێ ب ئازادی کارێ خوە یێ سیسای بکە و پەیەدە گەلەک ئاستەنگان ژ کاری وان یێ سیاسی و بیر و باوه‌ریێن سیاسی یێن جودا دروست دکه‌. سەفیڕیا بەرێ یێ حەمریکایێ د گۆتنێن خوە دا نیشان ب وێ یه‌کێ ژی دا کو، به‌ری چه‌ند ڕۆژان ئۆفیسا پارتیه‌کا سیاسی ل ناڤچه‌یێن د بن دەستهەلاتا ڕێڤه‌به‌ریا خوه‌سه‌ر هاته‌ شه‌وتاندن، ئێدی پەیەدە   نکاره‌ پارتیێن دن ێێن سیاسی قه‌بوول بکه‌. 

ڕۆبه‌رت فۆرد گۆت: “ب نه‌رینا من، د ده‌ربارێ نەئاده‌بوونا وان بۆ قه‌بوولکرنا ئازادیا سیاسی و ئۆپۆزسیۆنا سیاسی، ژ بۆ پارتیا پەیەدێ و یەپەگێ، گرووپا چه‌کدار ئا سه‌ر ب وێ پارتیێ  ڤە، پرسه‌کا گه‌له‌ک جددی هه‌یه‌. به‌ری چه‌ند ڕۆژان، دووباره‌، نڤیسگه‌هه‌کا پارتیه‌کا کوردی ل سووریێ، ل باژاره‌کی ل ناڤ ڕێڤه‌به‌ریا خوه‌سه‌ر هاته‌ شه‌وتاندن. ئه‌گه‌ر نکارن پارتیێن سیاسی یێن دن قه‌بوول بکن، ئێدی پێکئانینا یەکێتیەکێ ژ بۆ وان زه‌همه‌ت دبه‌، هه‌روها ئه‌و یه‌ک دبه‌ سه‌ده‌ما په‌یدابوونا چه‌ند ڤالاهیان، کو ده‌ره‌نگ به‌ یان زوو به‌، حکومه‌تا شامێ که‌یسبازیا وێ یه‌کێ دکه‌، له‌وما ب نه‌رینا من، ژ ئالیێ ته‌کنیکی ڤه‌، ئه‌ڤ یه‌ک شاشتیه‌که‌ کو پەیەدە و یەپەگە و گرووپێن چه‌کدار یێن سه‌ر ب وێ ڤە، ئه‌نجام ددن.”

سه‌رکرده‌یێن ئه‌نەکەسێ و پەدەکە-سێ، ده‌ربارێ ئێرشێن ل سه‌ر ئۆفیسان، نه‌رازیبوونا خوه‌ نیشان ددن و دیار دکن کو هه‌تا نها ت ڕێگری ل پێشیا وان ئێریشان نه‌هاتیه‌ کرن، و ئه‌گه‌ر ئه‌ڤ کریار و ئێریش به‌رده‌وام بن، ئه‌و دێ نکاربن چو دانووستاندن و ڕێکەفتنان جیبجی بکن، وها ژی ئه‌و ئێریش دبنه‌ ئاسته‌نگی ل پێشیا دیالۆگا کوردی-کوردی، ل ڕۆژاڤایێ کوردستانێ.

Back to top button