براکۆ، براکه‌م ما تو دزانی مسته‌فا سه‌لیمی چ بوو؟
براکۆ تو دزانی هه‌ستێن مرۆڤه‌کی کو ل بن ده‌ستێ دژمن دا مابه و ۱۷ سالا د به‌ندیخانه و گرتیگه‌هێ دا مابە چ ژیایه؟
تو دزانی ۱۷ سال د به‌ندیخانه‌یێ دا مرۆڤ چاوا دژی و هێڤی و داخوازێن وی چنه؟
تو دزانی ئه‌گه‌ر ڕۆژه‌ک ژ ڕۆژان ده‌رفه‌ته‌ک هاته پێش و پشتی ۱۷ سالان تو بکاربی ژ به‌ندیخانه‌یێ بره‌ڤی و ئازاد ببی چ هه‌سته‌که؟
تو دزانی ئه‌گه‌ر ڕۆژه‌ک ژ ڕۆژان ژ وێ به‌ندیخانه‌یا ۱۷ سالی ده‌رکه‌ڤی ئازاد ببی، دیسا ئاسیمانێ شین ببینی، نه‌فه‌س و هه‌ناسه‌یا هه‌وایێ پاقژێ ده‌رڤه‌یێ زیندانێ هلمژی و بکێشی چ هه‌سته‌که؟
تو دزانی پشتی کو تو ژ زیندانا ۱۷ سالی یا باژارێ سه‌قزێ بره‌ڤی و ب چه‌ندین کیلۆمه‌تره‌یان به‌ر ب سینۆره‌کێ دن ڤه بره‌ڤی و خوه بگەهینی کوردستانا ئازاد چ هه‌سته‌که؟
تو دزانی د ده‌ما ڕه‌ڤینێ دا و د ده‌ما وێ ئازادیا ڕه‌ڤینێ دا، ئه‌و دۆل و چیا و گر و نه‌والێن کوردستانێ و که‌سکاتی و بهارا کوردستانا ئازاد چه‌ندی خوه‌شکه؟
تو دزانی ئازادیا مرۆڤه‌کی کو ژ به‌ندیخانه‌یێ ڕه‌ڤیا به، ژ نانێ هشک و ئاڤا شێلوویا زۆزانان و ژ هه‌موو خۆراکه‌ک دن ژی خوه‌شکتره؟
تو دزانی پشتی به‌ندیخانه‌یێ تو برایێ خوه یێ ل باشوور ببینی و پشتا خوه ب وی گه‌رم بکی چ هه‌سته‌که؟
تو دزانی ئه‌گه‌ر ئه‌و برایێ ته یێ باشووری کو ته پشتا خوه ب باوه‌ریا وی گه‌رم دکر و ئه‌و ته دیسا ڕاده‌ستی دژمن بکه چ هه‌سته‌که؟
تو دزانی ئه‌گه‌ر باوه‌ریا ته شکه‌ست و هیچ هێڤیه‌کا ته یا دن د ژیانێ دا نه‌ما چ هه‌سته‌که؟
تو دزانی پشتی ئه‌وقاس هه‌ستان ئه‌گه‌ر ملیۆن جار ژی ده‌وله‌تا دژمن ته دارڤه‌بکن، هه‌ر ناگەهه وێ باوه‌ریا کو ته وندا کری؟
ئه‌ڤه‌یه مسته‌فا سه‌لیمی ئه‌و که‌سه کو ئه‌و باوه‌ری ب خوه یه.
بۆتان کوردستانی
