سیاسی

بزانە پەیەدە ژ رژێما سوریێ چ دخوازە

دانووستاندنێن ناڤبەرا پەیەدێ (رێڤەبەریێن خوەسەر) و رژێما سوریێ بەردەوامن و پشتی بریارا ئەمریكایێ یا ڤەكشاندنا ھێزێن خوە ژ رۆژئاڤایێ كوردستانێ، ئەڤ دانووستاندن كەتنە د قۆناغەكە نوو دا و نھا ب چڕی ئەو دانووستاندن برێڤە دچن.

ل سوریێ و ڕۆژئاڤایێ کوردستانێ ڕێڤه‌به‌ریا خوه‌سه‌ر ب ناڤه‌ک دن پەیەدە ژ حوکومه‌تا سوریێ چ دخوازه‌.

داخوازیێن پەیەدێ ژ ڕژێما سوریێ:

۱- پاراستنا یه‌کێتیا خاکا سوریێ.

۲- سیسته‌ما ده‌ستهلاتداریێ ل سوریێ کۆماری-ده‌مۆکراتی به‌ و ڕێڤه‌به‌ریێن خوه‌سه‌ر به‌شه‌ک بن ژ وێ.

۳- نوونه‌رێن ڕێڤه‌به‌ریێن خوه‌سه‌ر ل ناڤ پارله‌مه‌نتۆیا شامێ هه‌بن.

۴- ل کێله‌کا ئالا سوریێ، دڤێ ئالایێن ڕێڤه‌به‌ریێن خوه‌سه‌ر بێنه‌ هلدان.

۵- ل ناڤچه‌یێن ڕێڤه‌به‌ریێن خوه‌سه‌ر، ب ئاوایه‌کی کو نه‌ ل دژی به‌رژه‌وه‌ندیێن گه‌لێ سوریێ و ده‌ستوورێ به‌، کارێ ده‌پلۆماسی بێ برێڤه‌برن.

۶- هێزێن سوریه‌یا ده‌مۆکراتیک به‌شه‌ک ژ ئارتێشا سوریێ بن و سینۆرێن سوریێ بپارێزن.

۷- هێزێن ئاساییشێ ل ناڤچه‌یێن ڕێڤبه‌ریێن خوه‌سه‌ر، ل گۆر ده‌ستوورا سوریێ و ژ ئالیێ ئه‌نجوومه‌نێن خوه‌جهی ڤه‌ بھێن برێڤه‌برن.

۸- ل ناڤچه‌یێن ڕێڤه‌به‌ریێن خوه‌سه‌ر، خوه‌ندن ب زمانێ دایکێ به‌ و زمانێ عه‌ره‌بی زمانێ سه‌ره‌که‌ به‌، ل هه‌موو سوریێ.

۹- ل ناڤچه‌یێن ڕێڤه‌به‌ریێن خوه‌سه‌ر، ل کۆلێژێن دیرۆک، چاند، زمان، وێژه‌ و به‌شێن هه‌ڤشێوه‌یی وان، خوه‌ندن ب زمانێن خوه‌جهی به‌.

۱۰- پارڤه‌کرنا سامانێن سوریێ، ل سه‌ر ناڤچه‌یێن وی وه‌لاتی، ب ئاوایه‌کی دادمه‌ند به‌.

Back to top button