بقۆمركنا ھەلەبجەیێ

چالاکڤانه‌ک کورد د مه‌دیا  جڤاکی دا په‌یامه‌ک به‌لاڤ کریه‌ و دبێژه‌:

چه‌ند ڕۆژ به‌رێ د سالڤه‌گه‌را سه‌رکه‌فتنا “شۆره‌شا ئیسلامی” یا ئیرانێ یا 1979ێ (ب سالا ئیرانی 1357) ل باژارێ ھەلەبجە ب سپۆنسه‌ریا ئیرانێ 1357 که‌چێن کوردستانێ د فه‌ستیڤاله‌کێ دا‌ سه‌رپۆشیا خوه‌ ڕاگەهاندن.

ئه‌رێ خێره‌، نه‌ پرۆته‌ستۆ کرنه‌ک، نه‌ نڤیسه‌ک، نه‌ کارڤه‌دانه‌ک، نه‌ داخویانیه‌ک ل دژی ئیرانێ ده‌رناکه‌ڤه‌؟ ئه‌رێ کا بێژن، چ جوداهی د ناڤبه‌را داگیرکه‌رێن ته‌رۆریستێن ئیران و داگیرکه‌رێن ته‌رۆریستێن ترک دا هه‌یه‌؟“

تاجا “شۆره‌شا ئیسلامی” ل سه‌ر سه‌رێ که‌چێن کورد ل هه‌له‌بچه‌!

ئیرانێ هه‌له‌بجه‌ کریه‌ ناوه‌ندا ڕامانێن خوه‌…!

ب ھەلكەفتا سالڤه‌گه‌را سه‌رکه‌فتنا “شۆره‌شا ئیسلامی” ل ئیرانێ، ل هه‌له‌بچه‌یێ مەراسمەكێ دا كو ئە ئه‌ڤ مەراسم وه‌ک فه‌ستیڤاله‌ک مەزن بوو. د ڤێ فه‌ستیڤالێ دا 1357 که‌چێن جوانێن کورد سه‌رپۆشی دان سه‌رێ خوه‌ و ل گۆرا داخوازیا ئیرانێ ته‌ڤگه‌ران.

سالا 1357 (1979 زاینی یه‌). ڕۆژا شۆره‌شا ئیسلام ل ئیرانێیه‌. ژ بۆ ڤێ ژی 1357 که‌چێن کورد ل هه‌له‌بچه‌یێ وه‌ک خوه‌پێشاندانه‌کی پێکئانین و ب ڕێیا وان ده‌وله‌تا ئیرانێ په‌یامه‌ک گه‌له‌ک زیز دا خه‌لکێ کوردستانێ. ئیرانێ هه‌له‌بچه‌ کریه‌ وه‌ک ناوه‌نده‌ک سیاسی ل وێ ده‌رێ هه‌ول دده‌ ژه‌هرا خوه‌ ل هه‌موو کوردستانێ برێژە. ئیران گه‌له‌ک ب هۆستایی و زانەبوون دین دکه‌ پرا سییاسه‌تێ و ل باشوور گاڤ ب گاڤ ئه‌ولێ زهنیه‌تا هنده‌ک ئالیان و خه‌لکێ و پشتره‌ کوردستانێ داگیر دکه‌.

ئیران خه‌ته‌را گەلەك مه‌زنه‌ ل سه‌ر سه‌روه‌ریا هه‌رێما کوردستانێ. لێ ژ بۆ کو ئالیگر و سیخوورێن ئیرانێ ل باشوور گه‌له‌کن و ب هێزن وێ ب بێ ده‌نگی هه‌رێمه‌ک ب ته‌مامی د وارێ چاندی و سیاسی دا‌ داگیر کریه‌. هه‌له‌بچه‌  باژارێ کۆمکوژیێ کریه‌ ناوه‌ندا ڕامانێن خوه‌ یێن ب ژه‌هر.

ئیران ل باشوورێ کوردستانێ چالاکیێن مه‌زن ل دژی ته‌ڤگه‌را ئازادخوازا رۆژھەلاتا کوردستان دکه‌. ڕۆژانه‌ ده‌ڤه‌رێن سنۆر تۆپباران دکه‌. هه‌تا د ناڤا سنۆرێ کوردستانێ دا‌ بنگه‌هێن له‌شکه‌ری ئاڤا کرنه‌ و ده‌ما دخوازه‌ ده‌رباسی ئاخا باشوورێ کوردستانێ دبه‌.

ئیران ب رۆكەتان ده‌ما دخوازه‌ ناوه‌ندێن پارتیێن کوردا، یێن رۆژھەلاتا كوردستانێ،  ل کۆیێ دکه‌ ئارمانج. ب ده‌هان چالاکڤانێن کورد ژ باشوور ڕاده‌ستی ڕژێما ئیرانێ هاتنه‌ کرن و ئیرانێ ل سێدارێ دانە. ئیرانێ زێده‌یی 300 ئه‌ندامێن پارتیێن ڕۆژهلاتێ کوردستانێ و چالاکڤانێن کورد ل باشوورێ کوردستانێ ژ ناڤبرنه‌. ئیران ب رۆكەتان ئێریشێ باله‌فرگه‌ها ناڤده‌وله‌تی یا هه‌ولێر کر. ئیران ل هه‌له‌بچه‌، سلێمانیێ ،کۆیێ ته‌ڤگه‌را ڕۆژهلاتا کوردستانێ زه‌پت کریه‌.

ئه‌گه‌ر ئیران ب مناسه‌به‌تا سالڤه‌گه‌را “شۆره‌شا ئیسلامی” ل هه‌له‌بچەیێ‌ فه‌ستیڤالا  ل داربێخه‌ و پۆشییا  وه‌ک سه‌مبۆلا پاسدارێن ئیرانی بده‌ سه‌رێ که‌چێن جوانێن کورد، خه‌ته‌ریا هه‌ری مه‌زن ل به‌ر ده‌ریێ باشوورێ کوردستانێ یه‌.

باشه‌ ئیران ڤێ یه‌کێ چه‌وا‌ دکه‌؟ ڤه‌کری ب ده‌ستێ، پارتیا کۆمه‌له‌یا ئیسلامی دکه‌. ب ده‌ستێ یه‌کگرتویا ئیسلامی دکه‌. ب پشتگریا هنده‌ک بالێن د ناڤا یەنەكێ  دا‌ دکه‌ و د چارچۆڤەیا به‌رنامه‌یه‌کی دا د گه‌ل پەكەكێ دکه‌. لێ کورد ل دژی ئیرانێ ده‌نگ ده‌رناخن. که‌سه‌ک به‌هسا ڤێ یه‌کێ ناکه‌. مارکسیست، چه‌پ و ئیسلامی هه‌موو ڕامانێن توندره‌و ژ بۆ پێشکه‌تنا ئیرانێ ل خاکا باشوورێ کوردستانێ دا‌ هه‌ڤکاریێ ل گه‌ل هه‌ڤ و خزمه‌تا به‌لاڤبوونا ڕامانێن “شۆره‌شا ئیسلامییا ئیرانێ” دکن. ته‌نێ ده‌نگ ژ کوردا ده‌رناکه‌ڤه‌.

تشتا کو ترکیه‌ ل باشوورێ کوردستانێ دکه‌، ئیران ده‌ھ قا‌تێ وێ دکه‌ و ب ڕێیا کوردا دکه‌. کورد ل هەمبه‌ر ترکیێ‌ ده‌نگێ خه‌ ده‌رتێخن، لێ ل هەمبه‌ر ئیرانێ که‌ر و لالن.

وێنەیێن کو د مەراسما ل هه‌له‌بچه‌یێ ده‌رکه‌تن هۆلێ، ده‌لیلێ خه‌ته‌ریه‌ک مه‌زن ل سه‌ر کوردستانێ یه‌. که‌سه‌کی دیتیه‌ کو، ھزرێن ئیسلامیه‌ک توندره‌و ب ڕێیا چه‌پێن توندره‌و ل ده‌ڤه‌ره‌کێ ب جێ بكن؟ که‌سه‌کی دیتیه‌ کو، چه‌پ ژ ئیسلامیا ڕا‌ ببن زه‌مینه‌ک نه‌رم.

ئه‌ڤ ل باشوورێ کوردستانێ  چێدبه‌. لێ ئه‌وێن خوه‌ قاشۆ پێشڤه‌رو، ده‌مۆکرات و چه‌پ  دهه‌سبینن پرانیا وان ل باشوور سیخووریێ ژ ده‌وله‌تا داگیركەرا ئیرانێ را دکن.

مخابن هه‌له‌بچه‌ بوویه‌ قوم ئا کوردستانێ…

نووچه‌/ئانالیز