سیاسی

بلینكن: دڤێ تركیا دەست ژ س-400 بەردە

ل گۆر گۆتنێن وەزیرێ دەرڤە یێ ئەمریكایێ، دڤێ حكومەتا تركیێ ب گەھە قەنائەتل كو كرینا سیستەما مۆشەكێن س-400 نە د بەرژەوەندیا تركیێ دا یە و ئەگەر تركیە ل سەر كریانا وێ سیستەمێ ئیسرارێ بكە دێ باندۆرەكا خراب ل تێكەلیێن ناڤبەرا تركیێ ئەمریكایێ و ناتۆیێ ب گشتێ بكە،

وه‌زیرێ ده‌رڤه‌ یێ ئەمریکایێ ئەنتۆنی بلینکن داخوویاکرن کو نه‌دبوو گۆتارا سه‌رۆکێ ئەمریكایێ یا ده‌ربارێ کۆمکوژیا ئه‌رمه‌نیان دا، به‌رپرسێن ترکیێ ژی د ناڤ دا،‌ چو که‌سی ماتمایی بکه‌. بلینکن دا خوویا کرن کو  دڤێ ترکیە‌ ده‌ست ژ سیسته‌ما س-400 به‌رده‌.

ل واشنگتۆنێ، ئەنتۆنی بلینکن وەزیرێ دەرڤە یێ ئەمریكایێ داخویانیەك دا مەدیایا بیانی و بەحسا ھەلوەستێن جو بایدن كر و ژ مەدیایێ را گۆت كو،  جو بایدن د ده‌ما چه‌ند سالێن بووری دا‌ ب زەلالی دیتن و ھەلوەستێن خوە گۆتنە، ده‌ما کو ئەو ئه‌ندامێ کۆنگرێسێ بوو، هه‌روه‌ها ده‌ما بانگه‌شه‌یا هلبژارتنان    دكر و ژ ده‌ستپێکا ده‌ستبکاربوونا وی ژی وه‌که‌ سه‌رۆکێ ئەمریكایی، بایدن  ئاماژه‌ ب وێ یه‌کێ کریه‌ کو ئه‌وێ دێ گرینگیه‌کا زێده‌ ب مافێن مرۆڤی و ده‌مۆکراسیێ بده‌.

ئەنتۆنی بلینکن گۆت ژی كو بەری چەند رۆژان، جو بایدن و ڕه‌جه‌ب ته‌یب ئه‌ردۆگان سەرۆكۆمارێ تركیێ، ب رێیا تەلەفۆنێ گۆتووبێژه‌کا باش کرن و چاڤێ وان ل وێ یه‌کێ یه‌ کو هه‌ڤدوو ببینن، ژ به‌ر کو گه‌له‌ک وار هه‌نه‌ کو هه‌ردوو وه‌لات تێدا‌ کار بکن و لھەڤ بكن.

بلینکن دیار ژی کر، ترکیێ هه‌ڤپه‌یمانه‌کا گرنگ یا ئەمریكا و ناتۆیێ یه‌، به‌رژه‌وه‌ندیێن وان یێن   هه‌ڤبه‌ش یێن هه‌رێمی و جیهانی هه‌نه‌ و دخوازن پەیوه‌ندیێن خوه‌ پێش ڤه‌ ببن.

 هنده‌ک جوداهی د ناڤبه‌را هه‌ردوو حکوومه‌تان دا‌ هه‌نه‌ و ئامریكایێ ب زه‌لالی ژ ترکیێ ڕه‌ گۆتیه‌، دڤێ ده‌ست ژ سیسته‌ما دژی مووشه‌کان یا س-400 به‌ردە.

بکارانینا سیسته‌ما س-400 به‌ره‌ڤاژی هه‌موو وان پابه‌ندیانه‌ کو هه‌ڤپه‌یمانێن وان د لووتکه‌یا وارشۆ یا سالا 2016ێ دا، ژ بۆ کێمکرنا پشتگرێدان ب که‌لووپه‌لێن سه‌ربازی یێ ڕووسیا ل سه‌ر لهه‌ڤ کربوون. کرینا وێ سیسته‌مێ ژ ئالیێ تركیێ ڤە، ئاساییشا ئەمریکایێ و ته‌کنۆلۆژیا و سه‌ربازێن هه‌ڤپه‌یمانێن وان دخه‌ مه‌ترسیێ دا‌. د هه‌مان ده‌م  دا‌ دبه‌ ئەگەرا لاوازکرنا کارکرنا هه‌ڤبه‌ش د ناڤا هه‌ڤپه‌یمانیا ناتۆ دا‌.

بلینکن ئاماژه‌ ب وێ یه‌کێ دا كو ئه‌و ب هیڤی نه‌ كو ترکیە بگهه‌ باوەریێ و وێ پرسگرێکێ چاره‌سه‌ر بکه‌، گرینگه‌ ئه‌نقه‌ره‌ و هه‌ڤپه‌یمانێن دن یێ ئەمریکا د پاشەرۆژێ دا‌ چو جۆرێن چه‌کێن ڕووسی نه‌کرن.

Back to top button