بورینا 41 سالان ب سەر جینۆسایدکرنا بارزانییان
بورینا 41 سالان ب سەر جینۆسایدکرنا 8000 بارزانییان
بەریا 41 سالان، رۆژەکا وەکو ئەڤرۆکه و ل رێکەفتی ١٩٨٣/٧/٣١ رۆژا جینۆسایدكرنا 8000 هزار بارزانێن بێتاوانە کو ژ لایێ رژێما بەعس ڤە هاتبوو کرن. هەر ژ کەڤندا و دیرۆکێ دا و تا نۆکە پرانیا جاران کورد و کوردستان کەفتیە بەر هێرشێن شوڤینی یێن ئیراقێ وەکە نمونە ئەنفال و کیمیاباران، جینۆسایدکرن و تەعریبکرن.
جینۆسایدكرنا 8 هزار بارزانیان بێ جیاوازی ناڤبەرا پیر و جوان، ساغ و نەخوەش، پەككەفتی، گەنج و زەلام ئافرەتان ئێک ژ مەزنترین كارەساتا و تراژیدیا و هێرشا هۆڤانە یا مرۆڤایەتی یە و یا سەردەمیانەبوو كو بەرامبـەر ب میللەتێ كورد ب گشتی و بارزانیان بەتایبەتی هاتییە کرن.
ئەو ژی ژبەر هندێ کۆ بارزانی كورد بوون، ئەڤ جینۆسـاید یا ھۆڤانە یا رژێما بەعسیان بەرزەکرن، زیندانکرن، کوشتنا ب کۆم، دەرحەقێ کەسێن بێ گۆنەھ و بێ دەستھەلاتێن بارزانی ئەنجام دای برینەکا کویرە. ھەر وەکی سەرۆک مسعود بارزانی گوتی:”ئەڤە زنجیرەیەک بۆ ژ زنجیرەیەکا تاوانێن مەزن دەرھەقێ گەلێ کۆردستانێ دا”.
هەروەسا بێسەروشوێنکرنا 12000 کۆردێن فەیلی، کێمیابارانکرنا حەلەبچە و چەندیین جهێن دی یێن کۆردستانێ، زیندانکرن و بەرزەکرنا گەلەک کوردان، دیسان شەھیدێن کورد و بارزانی ناسنامەیا خەباتەکە ماندونەناسن و قۆربانیێن وان بەرێ بناغا رێکا بەرەف سەرخۆبونێ و مۆکمکرنا ئیرادە و ھێزن بۆ بەردەوامیدانێ ب خەبات و رێبازا پیرۆزە.
ئەنفالا بارزانیان برینەکا قۆلە کو چو جاران ناهێتە ژبیرکرن، چونکی کارەساتەکا دژی مرۆڤایەتی هاتیە ئەنجامدان، د نها دا ئەڤا کۆ نوکە ب دەستڤه هاتێ ل باشوورێ کوردستانێ، ل هەرێما کوردستانێ، ب هەبوونا خۆڕاگریێ و ماندیبوونا خەلکێ ئەڤێ ھەرێمێ یە کو سەدەهان سالان،خۆ نەدانە پاش. ب درێژیا دیروکێ دوژمنێن گەلێ کورد هەمی رێک بکارئیناینە ژ بۆ ژناڤبرنا نفشێ مللەتێ کورد کو ئەنفالا بارزان ئێک ژ وان نموونا نە، بیرکرن د رویدانەکا ب ئەڤی شێوەیێ هوڤانە ناخێ مروڤایەتیێ دهەژینیت، گەلێ کورد قوربانێن کورد و عەقلیەتا چەپەل یا رژێما بەعسی و ئەنفالا بارزانیان وەکۆ وان تاوانێن دژی هەموو گەلێ کورد بۆ کو هزر و عەقلێ رژێما چەپەل یا عیراقێ دڤیان کورد و گەلێ کورد هەر نەمینن و ب ئێک جاری ژناڤببەن. بەلێ گەلێ کورد بهێزو ئیرادەییەک خۆراگر شیاینە خۆراگربن و بەرامبەری داگیرکەران و رژێما بەعسی خوراگریا خوە پاراستی یە.
ل دوماهیکێ ب ماندوبوون و قوربانێن گەلەک خەلکێ کوردستانێ ب گیان و خوینێ ئەڤ ھەرێمە هاتیە پاراستن، نۆکەژی سەرەرای گەلەک ھەوڵ و پیلانێن دوژمنان ژیان هەر ل ڤێ هەرێما کوردستانێ یا بەردەوامە بەرەف ئەزموون و دەستکەفتێن باشتر ڤە دچیت
