دەربازبوونا ۱۲۷ سالان سەر ئێكەم ڕۆژنامەیا كوردی، ل سالا ۱٨۹٨ ئێکەم ڕۆژنامەیا کوردی ب ناڤێ ڕۆژناما ( كوردستان ) ژلایێ میقداد مەدحەت بەدرخانی ڤە ل قاهیرە پایتەختێ مێسری هاتە بەلاڤکرن.
ئەڤ ڕۆژنامەیا كوردستان ب زاراڤێ كرمانجیا سەری، ب تایبەت ئاخفتنا شێوازێ ناوچەیێن جەزیرە و بۆتان هاتبوو بەلاڤکرن هەروەسا ئەڤ ڕۆژنامە نزیکی دوو حەفتیان جارەکێ یان درەنگیتر دهاتە بەلافکرن .
ڕۆژنامەیا كوردستان هەتا دەرکەتنا ژمارا پێنجێ میقداد مەدحەت بەدرخان سەرنڤێسەرێ وێ بوو، پاشێ ل دویڤدا دەرکەتنا ژمارەێن دی یێن ڕۆژنامەیێ عەبدولڕەحمان بەدرخانی، برایێ وی ئەڤ ئەركە وەرگرت و بەردەوامێ پێدا .
ڕۆژنامەیا كوردستان ب گشتی ٣١ ژمارە ژێ دەرچوون، ژمارا ١ هەتا ٥ ل قاهیرە، ژمارە ٦ تا ۱۹ ل جنێڤ، ژ ۲۰ هەتا ۲۳ دیسان ل قاهیرە دەرچوو. هەروەسا ژمارە ۲٤ ل لـەندەن، ژمارە ۲٥ هەتا ۲۹ ل ڤۆڵكستۆن، ژمارە ۳۰ و ۳۱ ل جنێڤ دەرچوون.
پشتی ژمارەیا ٣١ ل ۱٤ ی نیسانا سالا ۱۹۰۲ بەلاڤبووی. ناڤەڕاستا سالێن شێستا ژ سەدەیا بوری دا ، چەند ژمارەیەکێن ڕۆژنامەیێ ژ لایەن د-مارف خەزنەدار هاتنە دیتن و چاپکرن. بەری هینگێ هەموو ژمارەێن ڕۆژنامەیێ، بتنێ ژمارە ۱۹ تا نوکە نەهاتیە دیتن.
ڕۆژنامەیا كوردستان ڕۆلەکێ گرنگ ب خۆڤە دیت ژ بو داكۆكیكرن و بەرزکرنا و گەشەكردنا هەستی نەتەوایەتی و خەباتكرن بۆ ب دەستڤەئینانا مافێن گەلێ كورد .
ئەڤ ڕۆژا ڕۆژنامەگەریێ پیرۆزبێت ل ڕۆژنامەڤانێن جیهانێ ب گشتی و کوردستانێ ب تایبەتی ، ڕۆژنامەڤانێن کوردستانێ بوونە پرەك بۆ گەهاندنا ڕاستیان و دروستکرنا پەیوەندیێن مەدەنی ناڤبەرا جڤاك و حکومەتێ دا، هەروەسا گەلەك ب بوێرەکی و گشتی د کاروانێن ژیانێ دا شیانە ڕۆلەکێ بەرچاڤ بگێڕن د گەهاندنا دەنگ و رەنگ و دیمەنێن جیاواز یێن جڤاکی ب تایبەتی د ڕوماڵکرنێ دا ل سەنگەرێن پێشیێ نە بۆ بەرگریکرنا ژ ئاخا کوردستانێ .
