بۆچي روژا جیهاني یا زمانێ دایکێ
ژ بەر کو جیهان ئەڤروکە وەکی گوندەکێ بچووک لێهاتیە و هەمی د ڤي گوندی دا دژین و ئەم کورد ژی پشکەکین ژخەلکێ ڤی گوندی، ڤێجار گەلەک بیرهاتن و جەژن روژێن جیهاني ئەم کورد و هەمی جیهان تێدا پشکدار دبن، بیرئانین و ئاهەنگ و جەژنا بو دگێرن.
یا من دڤێت دەستنیشان بکەم لڤێرێ، دەما مروڤ پشکداری ڤان روژ و ئاهەنگێن جیهانی دبیت و پیروز دکەت و جەژن و ئاهەنگا بۆ دگێریت، گرنکە مرۆڤ هندەک پێزانینا ژی پەیدا بکەت ل سەر وان رۆژا و دیروکا وان بزانیت و کانێ بۆچي جیهان هەمی هوسا بگرنگی ڤە وەردگریت!
-ئەڤروکەژی ئێکە ژ وان رۆژێن گرنگ و جیهان هەمی تێدا پشکدار دبیت کو دبێژنێ (رۆژا زمانێ دایکێ) لەوما من دڤیا هندەک ب کورتی ل سەر ڤێ رۆژێ بنڤێسم و بۆ وە بدەم نیاسین و ل دووڤ پێزانینێن خوە!
ل سالا 1999ێ یونسکویێ بریار دا کو 21ێ شواتێ ببیتە (رۆژا زمانێ دایکێ یێ جیهانی) واتەیا وێ چەندێ بۆ هەر کەسی هەیە و مافێ وی یە ب زمانێ خوە یێ زکماکي، ئانکو دایکێ، باخڤیت و بنڤێسیت، ژ بەر کو گەلەک زمان هەنە بەرەڤ نەبوون و نەمانێ دچن، بۆ نمونە: زمانێ کەلکوتا ل دەڤەرەکێ ل پاکستانێ ب تنێ نێزیکی4000 کەس هەنە پێ
دئاخڤن و ل دووڤ پێزانینێن یونسکویێ ل جیهانێ نێزیکی 6000 زمانا هەنە کو خەلک بکاردئینن و بەلکی نیڤا ڤان زمانا دڤێ سەدساڵێ دا ژناڤ بچن و بەرزە ببن.
ژلایەکێ دیڤە زمانێ دایکێ کاریگەریەک مەزن هەیە بۆ پێشڤەبرنا مرۆڤی و زمان ئالاڤەکێ سەرەکیە د ناڤبەرا مرۆڤان دا کو پێکڤە بشێن کار بکەن و دئێکودوو بگەهن و گرنگە هەر کەس بەری هەرتشتی زمانێ خوەیێ دایکێ بزانێت.
ژسالا 2000 ێ و هرڤە، بهەلکەفتا ڤێ رۆژێ، ئانکو ل 21ێ شواتێ، گرنە ئاهەنگ، سمینار، کونفرانس و تشتێن دی یێن ب زمانی ڤە گرێدای دەستپێکرن و هەر سال ل ڤێ رۆژێ و بیرهاتنێ ڤان چالاکیا ئەنجامدەن و باهرا پێتر وەلاتێن جیهانێ پێشوازیەک گەرم ل ڤێ رۆژێ دکەن.
هەر دیسان پشتی ڤێ بڕیارا یونسکویێ ل هندەک وەلاتێن ئەوروپایی هەر زاروکەکی مافێ هندێ هەیە ل خاندنگەها وانەکا زمانێ خوە یێ زکماکی وەربگریت و فێری زمانێ خوە ببیت. ژ وان وەلاتێن گەلەک پویتەی پێدەن ل خاندنگەها وەلاتێ سوێدێ یە و باوەردکەم وەلاتێ ئێکێ بوو ئەڤ پێنگاڤە هاڤێتي کو، هەمی پەنابەرا مافێ فێربونا زمانێ خوە هەیە و خەرجەک مەزن لێ دمەزێخن بۆ پالپشتیا ڤێ چەندێ.
لێ وەسا دیارە هندەک وەلاتێن دی ژي ئەڤ پێنگاڤە هاڤێت و گرنگي پێدا و نوکە زارۆکێن وان پەنابەرا ب زمانێ دایکێ فێردبن
هەر ب ڤێ هەلکەفتێ من دڤێت بێژم گرنگە ئەم پێتر پویتەی ب زمانێ خوە بدەین و خوە فێری وێ بکەین کو ئێدی زمانێن دوژمنێن مە نە بیتە زمانێ مەیێ سەرەکی و زمانێ مرۆڤی ناسنامە و هەبوونا کەساتیا مرۆڤی یە و بێ زمان مرۆڤ بێ ناسنامە و بێ کەساتی یە!!
ژێدەر: ژ مەدیا سوێدي
پیروزە رۆژا جیهاني یا زمانێ دایکێ.
فەهمي مایی/سوێد
